|| মধুরাষ্টকম্ ||
******
অধরং মধুরং বদনং মধুরং নয়নং মধুরং হসিতং মধুরম্ |
হৃদয়ং মধুরং গমনং মধুরং মধুরাধিপতেরখিলং মধুরম্ || ১ ||
বচনং মধুরং চরিতং মধুরং বসনং মধুরং বলিতং মধুরম্ |
চলিতং মধুরং ভ্রমিতং মধুরং মধুরাধিপতেরখিলং মধুরম্ || ২ ||
বেণুর্মধুরো রেণুর্মধুরঃ পাণি-র্মধুরঃ পাদৌ মধুরৌ |
নৃত্য়ং মধুরং সখ্য়ং মধুরং মধুরাধিপতেরখিলং মধুরম্ || ৩ ||
গীতং মধুরং পীতং মধুরং ভুক্তং মধুরং সুপ্তং মধুরম্ |
রূপং মধুরং তিলকং মধুরং মধুরাধিপতেরখিলং মধুরম্ || ৪ ||
করণং মধুরং তরণং মধুরং হরণং মধুরং স্মরণং মধুরং |
বমিতং মধুরং শমিতং মধুরং মধুরাধিপতেরখিলং মধুরম্ || ৫ ||
গুংজা মধুরা মালা মধুরা য়মুনা মধুরা বীচী মধুরা |
সলিলং মধুরং কমলং মধুরং মধুরাধিপতেরখিলং মধুরম্ || ৬ ||
গোপী মধুরা লীলা মধুরা য়ুক্তং মধুরং মুক্তং মধুরম্ |
দৃষ্টং মধুরং শিষ্টং মধুরং মধুরাধিপতেরখিলং মধুরম্ || ৭ ||
গোপা মধুরা গাবো মধুরা য়ষ্টি র্মধুরা সৃষ্টির্মধুরা |
দলিতং মধুরং ফলিতং মধুরং মধুরাধিপতেরখিলং মধুরম্ || ৮ ||
|| ইতী শ্রী মদ্বল্লভাচার্য় বিরচিত মধুরাষ্টকং সংপূর্ণম্ ||