|| শ্রী বেংকটেশ্বর স্তোত্রম্ ||
******
কমলাকুচ চূচুক কুংকুমতো নিয়তারুণি তাতুল নীলতনো |
কমলায়ত লোচন লোকপতে বিজয়ী ভব বেংকটশৈলপতে || ১ ||
স চতুর্মুখষণ্মুখ পংচমুখ প্রমাখাখিল দৈবতমৌলিমণে |
শরণাগত বত্সল সারনিধে পরিপালয় মাং বৃষশৈলপতে || ২ ||
অতিবেলতয়া তব দুর্বিষহৈ- রনুবেলকৃতৈরপরাধশতৈ: |
ভরিতং ত্বরিতং বৃষশৈলপতে পরয়া কৃপয়া পরিপাহি হরে || ৩ ||
অধিবেংকটশৈলমুদারমতের জনতাভি মতাধিক দানরতাত |
পরদেবরতয়া গডিতান্নি গমৈ: কমলাদয়িতান্ন পরং কলয়ে || ৪ ||
কল বেণুরবাবশ গোপবধূ শতকোটিবৃতাত স্মরকোটিসমাত |
প্রতিবল্লবিকাভিমতাত সুখদাত বসুদেবসুতান্ন পরং কলয়ে || ৫ ||
অভিরাম গুণাকর দাশরথে জগদেক ধনুর্ধর ধীরমতে |
রঘুনায়ক রাম রমেশ বিভো বরদো ভব দেব দয়াজলধে || ৬ ||
অবনীতনয়া কমনীয় করং রজনীকরচারু মুখাংবুরুহম |
রজনীচর রাজতমোমিহিরং মহনীয়মহং রঘুরামময়ে || ৭ ||
সুমুখং সুহৃদং সুলভং সুখদং স্বনুজং চ সুখায়মমোঘশরম্ |
অপহায় রঘূদ্বহমন্য়মহং ন কথংচন কংচন জাতু ভজে || ৮ ||
বিনা বেংকটেশং ন নাথো ন নাথ: সদা বেংকটেশং স্মরামি স্মরামি |
হরে বেংকটেশং প্রসীদ প্রসীদ প্রিয়ং বেংকটেশ প্রয়চ্ছ প্রয়চ্ছ || ৯ ||
অহং দূরতস্তে পদাংভোজয়ুগ্ম প্রণামেচ্ছয়াঽগত্য় সেবাং করোমি |
সকৃত্সেবয়া নিত্য়সেবাফলং ত্বং প্রয়চ্ছ প্রয়চ্ছ প্রভো বেংকটেশ || ১০ ||
অজ্ঞানিনা ময়া দোষা ন শেষান্ বিহিতান্ হরে |
ক্ষমস্ব ত্বং ক্ষমস্বং ত্বং শেষশৈল শিখামণে || ১১ ||
ইতি শ্রী বেংকটেশ স্ত্রোত্রং সংপূর্ণম্