|| શ્રી કાલભૈરવાષ્ટકમ ||
******
દેવરાજસેવ્ય માનપાવનાંઘ્રિ પંકજં |
વ્યાલયજ્ઞસૂત્રમિંદુ શેખરં કૃપાકરં ||
નારદાદિયોગિવૃંદ વંદિતં દિગંબરં |
કાશિકાપુરાદિનાથ કાલભૈરવં ભજે || ૧ ||
ભાનુકોટિ ભાસ્કરં ભવાબ્ધિ તારકં પરં |
નીલકંઠમીપ્સિતાર્થદાયકં ત્રિલોચનં ||
કાલકાલ મંબુજાક્ષ મક્ષશૂલમક્ષરં |
કાશિકાપુરાદિનાથ કાલભૈરવં ભજે || ૨ ||
શૂલટંકપાશ દંડપાણિમાદિકારણં |
શ્યામકાયમાદિદેવ મક્ષરં નિરામયં ||
ભીમવિક્રમં પ્રભું વિચિત્ર તાંડવ પ્રિયમ |
કાશિકાપુરાદિનાથ કાલભૈરવં ભજે || ૩ ||
ભુક્તિ મુક્તિ દાયકં પ્રશસ્ત ચારુ વિગ્રહં |
ભક્ત વત્સલં સ્થિરં સમસ્ત લોક વિગ્રહં ||
નિક્વણન્મનોજ્ઞ હેમ કિંકિણીલસત્કટિં |
કાશિકાપુરાદિનાથ કાલભૈરવં ભજે || ૪ ||
ધર્મસેતુપાલકં ત્વધર્મ માર્ગનાશકં |
કર્મપાશમોચકં સુશર્મ દાયકં વિભુમ ||
સ્વર્ણવર્ણશેષ પાશ શોભિતાંગ મંડલં |
કાશિકાપુરાદિનાથ કાલભૈરવં ભજે || ૫ ||
રત્નપાદુકાપ્રભાભિરામ પાદયુગ્મકં |
નિત્ય મદ્વિતીય મિષ્ટદૈવતં નિરંજનમ ||
મૃત્યુદર્પનાશકં કરાલદંષ્ટ્ર મોક્ષણં |
કાશિકાપુરાદિનાથ કાલભૈરવં ભજે || ૬ ||
અટ્ટહાસભિન્ન પદ્મ જાંડકોશ સંતતિં |
દૃષ્ટિ પાતનષ્ટ પાપજાલ મુગ્રશાસનમ ||
અષ્ટસિદ્ધિદાયકં કપાલ માલિકાધરં |
કાશિકાપુરાદિનાથ કાલભૈરવં ભજે || ૭ ||
ભૂતસંઘનાયકં વિશાલ કીર્તિદાયકં |
કાશિવાસલોકપુણ્ય પાપશોધકં વિભુમ ||
નીતિ માર્ગકોવિદં પુરાતનં જગત્પતિં |
કાશિકાપુરાદિનાથ કાલભૈરવં ભજે || ૮ ||
કાલભૈરવાષ્ટકં પઠંતિ યે મનોહરં |
જ્ઞાનમુક્તિ સાધનં વિચિત્ર પુણ્ય વર્ધનમ ||
શોકમોહલોભદૈન્ય કોપતાપનાશનમ ||
તે પ્રયાંતિ કાલભૈરવાંઘ્રિ સન્નિંધ્રુવમ || ૯ ||
|| સંપૂર્ણમ્ ||