|| મધુરાષ્ટકમ્ ||
******
અધરં મધુરં વદનં મધુરં નયનં મધુરં હસિતં મધુરમ્ |
હૃદયં મધુરં ગમનં મધુરં મધુરાધિપતેરખિલં મધુરમ્ || ૧ ||
વચનં મધુરં ચરિતં મધુરં વસનં મધુરં વલિતં મધુરમ્ |
ચલિતં મધુરં ભ્રમિતં મધુરં મધુરાધિપતેરખિલં મધુરમ્ || ૨ ||
વેણુર્મધુરો રેણુર્મધુરઃ પાણિ-ર્મધુરઃ પાદૌ મધુરૌ |
નૃત્યં મધુરં સખ્યં મધુરં મધુરાધિપતેરખિલં મધુરમ્ || ૩ ||
ગીતં મધુરં પીતં મધુરં ભુક્તં મધુરં સુપ્તં મધુરમ્ |
રૂપં મધુરં તિલકં મધુરં મધુરાધિપતેરખિલં મધુરમ્ || ૪ ||
કરણં મધુરં તરણં મધુરં હરણં મધુરં સ્મરણં મધુરં |
વમિતં મધુરં શમિતં મધુરં મધુરાધિપતેરખિલં મધુરમ્ || ૫ ||
ગુંજા મધુરા માલા મધુરા યમુના મધુરા વીચી મધુરા |
સલિલં મધુરં કમલં મધુરં મધુરાધિપતેરખિલં મધુરમ્ || ૬ ||
ગોપી મધુરા લીલા મધુરા યુક્તં મધુરં મુક્તં મધુરમ્ |
દૃષ્ટં મધુરં શિષ્ટં મધુરં મધુરાધિપતેરખિલં મધુરમ્ || ૭ ||
ગોપા મધુરા ગાવો મધુરા યષ્ટિ ર્મધુરા સૃષ્ટિર્મધુરા |
દલિતં મધુરં ફલિતં મધુરં મધુરાધિપતેરખિલં મધુરમ્ || ૮ ||
|| ઇતી શ્રી મદ્વલ્લભાચાર્ય વિરચિત મધુરાષ્ટકં સંપૂર્ણમ્ ||