|| શ્રી રામરક્ષા સ્તોત્રં ||
******
- શ્રી રામચંદ્રાયનમ: -
અસ્ય શ્રી રામરક્ષા સ્તોત્ર મહા મંત્રસ્ય
બુધકૌશિક ઋષિ: | શ્રી સીતારામચંદ્રો દેવતા |
અનુષ્ટુપ છંદઃ | સીતાશક્તિઃ | શ્રી હનુમાન્ કીલકમ્ |
શ્રી રામચંદ્ર પ્રીત્યર્થે શ્રી રામરક્ષા સ્તોત્ર જપે વિનિયોગઃ ||
- અથ ધ્યાનમ્ -
ધ્યાયોદાજાનુબાહું ધૃતશરધનુશં બદ્ધપદ્માસનસ્થં |
પીતંવાસો વસાનં નવકમલદલ સ્પર્ધિનેત્રં પ્રસન્નમ્ |
વામાંકારૂઢ સીતામુખકમલ વિલલ્લોચનં નીરદાભમ્ |
નાનાલંકાર દીપ્તં દધત મુરુજટા મંડલં રામચંદ્રમ્ ||
- સ્તોત્રં -
ચરિતં રઘુનાથસ્ય શતકોટિ પ્રવિસ્તરમ્ |
એકૈકમક્ષરં પુંસાં મહાપાતક નાશનમ્ ||૧||
દ્યાત્વાનીલોત્પલશ્યામં રામં રાજીવ લોચનમ્ |
જાનકી લક્ષ્મણોપેતં જટામુકુટ મંડિતમ્ ||૨||
સાસિતૂણ ધનુર્બાણં પાણીં નક્તંચરાંતકમ્ |
સ્વલીલયા જગત્ત્રાતું આવિર્ભૂતમજં વિભુમ્ ||૩||
રામરક્ષાં પઠેત્પ્રાજ્ઞઃ પાપઘ્નિં સર્વકામદામ્ |
શિરો મે રાઘવઃ પાતુ ફાલં દશરથાત્મજઃ ||૪||
કૌશલેયો દૃશૌ પાતુ વિશ્વામિત્ર પ્રિય: શૃતી |
ઘ્રાણં પાતુ મુખત્રાતા મુખં સૌમિત્રિવત્સલઃ ||૫||
જિહ્વાં વિદ્યાનિધિઃ પાતુ કંઠં ભરતવંદિતઃ |
સ્કંધૌ દિવ્યાયુધઃ પાતુ ભુજૌ ભગ્નેશકાર્મુકઃ ||૬||
કરૌ સીતાપતિઃ પાતુ હૃદયં જામદગ્ન્યજિત્ |
મધ્યં પાતુ ખરધ્વંસી નાભિં જાંબવદાશ્રયઃ ||૭||
સુગ્રીવેશઃ કટીપાતુ સક્થિની હનુમત્પ્રભુઃ |
ઊરૂ રઘોત્તમઃ પાતુ રક્ષઃ કુલવિનાશકૃત્ ||૮||
જાનુની સેતુકૃત્પાતુ જંઘે દશમુખાંતકઃ |
પાદૌ વિભીષણશ્રીદઃ પાતુ રામોઽખિલં વપુઃ ||૯||
- ફલશ્રુતિઃ -
એતાં રામબલોપેતાં રક્ષાં યઃ સુકૃતી પઠેત્ |
સ ચિરાયુઃ સુખી પુત્રી વિજયી વિનયી ભવેત્ ||૧૦||
પાતાલ ભૂતલ વ્યોમ ચારિણશ-છદ્મચારિણઃ |
ન દૃષ્ટુમપિ શક્તાસ્તે રક્ષિતં રામનામભિઃ ||૧૧||
રામેતિ રામભદ્રેતિ રામચંદ્રેતિ વા સ્મરન્ |
નરો ન લિપ્યતે પાપૈર્ભુક્તિં મુક્તિં ચ વિંદતિ ||૧૨||
જગજ્જૈત્રેક મંત્રેણ રામનામ્નાભિ રક્ષિતમ્ |
યઃ કંઠે ધારયેત્તસ્ય કરસ્થાઃ સર્વસિદ્ધયઃ ||૧૩||
વજ્રપંજર નામેદં યો રામ કવચં સ્મરેત્ |
અવ્યાહતાજ્ઞઃ સાર્વત્ર લભતે જયમંગલમ્ ||૧૪||
આદિષ્ટવાન્ યથા સ્વપ્ને રામરક્ષમિમાં હરઃ |
તથા લિખિતવાન્ પ્રાતઃ પ્રબુદ્ધો બુધકૌશિકઃ ||૧૫||
- પ્રાર્થના -
આરામઃ કલ્પવૃક્ષાણાં વિરામઃ સકલાપદામ્ |
અભિરામ સ્ત્રિલોકાનાં રામઃ શ્રીમાન્સનઃ પ્રભુઃ ||૧૬||
તરુણૌ રૂપસંપન્નૌ સુકુમારૌ મહાબલૌ |
પુંડરીક વિશાલાક્ષૌ ચીરકૃષ્ણા જિનાંબરૌ ||૧૭||
ફલમૂલાશિનૌ દાંતૌ તાપસૌ બ્રહ્મચારિણૌ |
પુત્રૌ દશરથસ્યૈતૌ ભ્રાતરૌ રામલક્ષ્મણૌ ||૧૮||
શરણ્યૌ સર્વસત્ત્વાનાં શ્રેષ્ટૌ સર્વધનુષ્મતામ્ |
રક્ષઃ કુલનિહંતારૌ ત્રાયેતાં નો રઘોત્તમૌ ||૧૯||
આત્તસજ્જધનુષા વિષુસ્પૃશા વક્ષયા શુગનિષંગ સંગિનૌ |
રક્ષણાય મમ રામ લક્ષ્મણા વગ્રતઃ પથિ સદૈવ ગછ્છતામ્ ||૨૦||
સન્નદ્ધઃ કવચીખડ્ગી ચાપબાણધરો યુવા |
ગચ્છન્ મનોરથોઽસ્માકં રામઃ પાતુ સ લક્ષ્મણઃ ||૨૧||
રામો દાશરથિઃ શૂરો લક્ષ્મણાનુ ચરો બલિઃ |
કાકુત્સ્થઃ પુરુષઃ પૂર્ણઃ કૌસલ્યેયો રઘોત્તમઃ ||૨૨||
વેદાંત વેદ્યો યજ્ઞ્યેશઃ પુરાણ પુરુષોત્તમઃ |
જાનકીવલ્લભઃ શ્રીમાનપ્રમેય પરાક્રમઃ ||૨૩||
ઇત્યેતાનિ જપેન્નિત્યં મદ્ભક્તઃ શ્રદ્ધયાન્વિતઃ |
અશ્વમેધાદિકં પુણ્યં સંપ્રાપ્નોતિ ન સંશયઃ ||૨૪||
રામં દૂર્વાદલ શ્યામં પદ્માક્ષં પીતવાસસમ્ |
સ્તુવંતિ નામભિર્દિવ્યૈ ર્ન તે સંસારિણો નરાઃ ||૨૫||
રામં લક્ષ્મણ પૂર્વજં રઘુવરં સીતાપતિં સુંદરં
કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકં |
રાજેંદ્રં સત્યસંધં દશરથતનયં શ્યામલં શાંતમૂર્તિં
વંદે લોકાભિરામં રઘુકુલ તિલકં રાઘવં રાવણારિમ્ ||૨૬||
રામાય રામભદ્રાય રામચંદ્રાય વેધસે |
રઘુનાથાય નાથાય સીતાયાઃ પતયે નમઃ ||૨૭||
શ્રી રામરામ રઘુનંદન રામરામ
શ્રી રામરામ ભરતાગ્રજ રામરામ
શ્રી રામરામ રણકર્કશ રામરામ
શ્રી રામરામ શરણં ભવ રામરામ ||૨૮||
શ્રી રામચંદ્ર ચરણૌ મનસાસ્મરામિ
શ્રી રામચંદ્ર ચરણૌ વચસા ગૃણામિ
શ્રી રામચંદ્ર ચરણૌ શિરસા નમમિ
શ્રી રામચંદ્ર ચરણૌ શરણં પ્રપદ્યે ||૨૯||
માતા રામો મત્પિતા રામચંદ્રઃ
સ્વામી રામો મત્સખા રામચંદ્રઃ |
સર્વસ્વં મે રામચંદ્રો દયાલુઃ
નાન્યં જાને નૈવ જાને ન જાને ||૩૦||
દક્ષિણે લક્ષ્મણો યસ્ય વામે ચ જનકાત્મજા |
પુરતો મારુતીર્યસ્ય તં વંદે રઘુનંદનમ્ ||૩૧||
લોકાભિરામં રણરંગધીરં રાજીવ નેત્રં રઘુવંશ નાથમ્ |
કારુણ્ય રૂપં કરુણાકરં તં શ્રીરામચંદ્રં શરણં પ્રપદ્યે ||૩૨||
મનોજવં મારુતતુલ્યવેગં જિતેંદ્રિયં બુદ્ધિમતાં વરિષ્ઠમ્ |
વાતાત્મજં વાનર યૂથ મુખ્યં શ્રીરામદૂતં શરણં પ્રપદ્યે ||૩૩||
કૂજંતં રામરામેતિ મધુરં મધુરાક્ષરમ્ |
આરુહ્ય઼ કવિતા શાખાં વંદે વાલ્મીકિ કોકિલમ્ ||૩૪||
આપદામપહર્તારં દાતારં સર્વ સંપદામ્ |
લોકાભિરામં શ્રીરામં ભૂયો ભૂયો નમામ્યહમ્ ||૩૫||
ભર્જનં ભવબીજાનામર્જનં સુખસંપદામ્ |
તર્જનં યમદૂતાનાં રામ રામેતિ ગર્જનમ્ || ૩૬ ||
રામો રાજમણિઃ સદા વિજયતે રામં રમેશં ભજે |
રામેણાભિહતા નિશાચરચમૂ રામાય તસ્મૈ નમઃ ||૩૬||
રામાન્નાસ્તિ પરાયણં પરતરં રામસ્ય દાસોસ્મ્યહમ્ |
રામે ચિત્તલયઃ સદા ભવતુ મે ભો રામ મામુદ્ધર ||૩૭||
શ્રીરામ રામરામેતિ રમે રામે મનોરમે |
સહસ્રનામ તત્તુલ્યં રામનામ વરાનને ||૩૮||
|| ઇતી શ્રી બુધકૌશિક વિરચિત રામરક્ષાસ્તોત્રં સંપૂર્ણમ્ ||