|| વેંકટેશ્વર સુપ્રભાતમ્ ||
******
કૌસલ્યા સુપ્રજા રામ પૂર્વાસંધ્યા પ્રવર્તતે |
ઉત્તિષ્ઠ નરશાર્દૂલા કર્તવ્યં દૈવમાહ્નિકમ્ || ૧ ||
ઉત્તિષ્ઠોત્તિષ્ઠ ગોવિંદ ઉત્તિષ્ઠ ગરુઢદ્વજ |
ઉત્તિષ્ઠ કમલાકાંતા ત્રૈલોક્યં મંગળં કુરુ || ૨ ||
માતસ્સમસ્ત જગતાં મધુકૈટભારેઃ
વક્ષોવિહારિણિ મનોહર દિવ્યમૂર્તે |
શ્રીસ્વામિનિ શ્રિતજનપ્રિય દાનશીલે
શ્રી વેંકટેશ દયિતે તવ સુપ્રભાતમ્ || ૩ ||
તવ સુપ્રભાતમરવિંદ લોચને
ભવતુ પ્રસન્નમુખ ચંદ્રમંડલે |
વિધિ શંકરેંદ્ર વનિતાભિરર્ચિતે
વૃશ શૈલનાથ દયિતે દયાનિધે || ૪ ||
અત્ર્યાદિ સપ્ત ઋષયસ્સમુપાસ્ય સંધ્યાં
આકાશ સિંધુ કમલાનિ મનોહરાણિ |
આદાય પાદયુગ મર્ચયિતું પ્રપન્નાઃ
શેષાદ્રિ શેખર વિભો તવ સુપ્રભાતમ્ || ૫ ||
પંચાનનાબ્જ ભવ ષણ્મુખ વાસવાદ્યાઃ
ત્રૈવિક્રમાદિ ચરિતં વિબુધાઃ સ્તુવંતિ |
ભાષાપતિઃ પઠતિ વાસર શુદ્ધિ મારાત્
શેષાદ્રિ શેખર વિભો તવ સુપ્રભાતમ્ || ૬ ||
ઈશત્ પ્રફુલ્લ સરસીરુહ નારિકેળ
પૂગદ્રુમાદિ સુમનોહર પાલિકાનામ્ |
આવાતિ મંદમનિલઃ સહદિવ્ય ગંધૈઃ
શેષાદ્રિ શેખર વિભો તવ સુપ્રભાતમ્ || ૭ ||
ઉન્મીલ્યનેત્ર યુગમુત્તમ પંજરસ્થાઃ
પાત્રાવસિષ્ઠ કદલી ફલ પાયસાનિ |
ભુક્તાઃ સલીલ મથકેળિ શુકાઃ પઠંતિ
શેષાદ્રિ શેખર વિભો તવ સુપ્રભાતમ્ || ૮ ||
તંત્રી પ્રકર્ષ મધુર સ્વનયા વિપંચ્યા
ગાયત્યનંત ચરિતં તવ નારદોપિ |
ભાષા સમગ્ર મસત્-કૃતચારુ રમ્યં
શેષાદ્રિ શેખર વિભો તવ સુપ્રભાતમ્ || ૯ ||
ભૃંગાવળી ચ મકરંદ રસાનુ વિદ્ધ
ઝંકારગીત નિનદૈઃ સહસેવનાય |
નિર્યાત્યુપાંત સરસી કમલોદરેભ્યઃ
શેષાદ્રિ શેખર વિભો તવ સુપ્રભાતમ્ || ૧૦ ||
યોષાગણેન વરદધ્નિ વિમથ્યમાને
ઘોષાલયેષુ દધિમંથન તીવ્રઘોષાઃ |
રોષાત્કલિં વિદધતે કકુભશ્ચ કુંભાઃ
શેષાદ્રિ શેખર વિભો તવ સુપ્રભાતમ્ || ૧૧ ||
પદ્મેશમિત્ર શતપત્ર ગતાળિવર્ગાઃ
હર્તું શ્રિયં કુવલયસ્ય નિજાંગલક્ષ્યાઃ |
ભેરી નિનાદમિવ ભિભ્રતિ તીવ્રનાદમ્
શેષાદ્રિ શેખર વિભો તવ સુપ્રભાતમ્ || ૧૨ ||
શ્રીમન્નભીષ્ટ વરદાખિલ લોક બંધો
શ્રી શ્રીનિવાસ જગદેક દયૈક સિંધો |
શ્રી દેવતા ગૃહ ભુજાંતર દિવ્યમૂર્તે
શ્રી વેંકટાચલપતે તવ સુપ્રભાતમ્ || ૧૩ ||
શ્રી સ્વામિ પુષ્કરિણિકાપ્લવ નિર્મલાંગાઃ
શ્રેયાર્થિનો હરવિરિંચિ સનંદનાધ્યાઃ |
દ્વારે વસંતિ વરનેત્ર હતોત્ત માંગાઃ
શ્રી વેંકટાચલપતે તવ સુપ્રભાતમ્ || ૧૪ ||
શ્રી શેષશૈલ ગરુડાચલ વેંકટાદ્રિ
નારાયણાદ્રિ વૃષભાદ્રિ વૃષાદ્રિ મુખ્યામ્ |
આખ્યાં ત્વદીય વસતે રનિશં વદંતિ
શ્રી વેંકટાચલપતે તવ સુપ્રભાતમ્ || ૧૫ ||
સેવાપરાઃ શિવ સુરેશ કૃશાનુધર્મ
રક્ષોંબુનાથ પવમાન ધનાધિ નાથાઃ |
બદ્ધાંજલિ પ્રવિલસન્નિજ શીર્ષદેશાઃ
શ્રી વેંકટાચલપતે તવ સુપ્રભાતમ્ || ૧૬ ||
ધાટીષુ તે વિહગરાજ મૃગાધિરાજ
નાગાધિરાજ ગજરાજ હયાધિરાજાઃ |
સ્વસ્વાધિકાર મહિમાધિક મર્થયંતે
શ્રી વેંકટાચલપતે તવ સુપ્રભાતમ્ || ૧૭ ||
સૂર્યેંદુ ભ્ૐઅ બુધવાક્પતિ કાવ્યશૌરિ
સ્વર્ભાનુકેતુ દિવિશત્-પરિશત્-પ્રધાનઃ |
ત્વદ્દાસદાસ ચરમાવધિ દાસદાસાઃ
શ્રી વેંકટાચલપતે તવ સુપ્રભાતમ્ || ૧૮ ||
તત્-પાદધૂળિ ભરિત સ્પુરિતોત્તમાંગાઃ
સ્વર્ગાપવર્ગ નિરપેક્ષ નિજાંતરંગાઃ |
કલ્પાગમા કલનયાકુલતાં લભંતે
શ્રી વેંકટાચલપતે તવ સુપ્રભાતમ્ || ૧૯ ||
ત્વદ્ગોપુરાગ્ર શિખરાણિ નિરીક્ષમાણાઃ
સ્વર્ગાપવર્ગ પદવીં પરમાં શ્રયંતઃ |
મર્ત્યા મનુષ્ય ભુવને મતિમાશ્રયંતે
શ્રી વેંકટાચલપતે તવ સુપ્રભાતમ્ || ૨૦ ||
શ્રી ભૂમિનાયક દયાદિ ગુણામૃતાબ્ધે
દેવાદિદેવ જગદેક શરણ્યમૂર્તે |
શ્રીમન્નનંત ગરુડાદિભિ રર્ચિતાંઘ્રે
શ્રી વેંકટાચલપતે તવ સુપ્રભાતમ્ || ૨૧ ||
શ્રી પદ્મનાભ પુરુષોત્તમ વાસુદેવ
વૈકુંઠ માધવ જનાર્દન ચક્રપાણે |
શ્રીવત્સ ચિહ્ન શરણાગત પારિજાત
શ્રી વેંકટાચલપતે તવ સુપ્રભાતમ્ || ૨૨ ||
કંદર્પ દર્પ હર સુંદર દિવ્ય મૂર્તે
કાંતા કુચાંબુરુહ કુટ્મલ લોલદૃષ્ટે |
કલ્યાણ નિર્મલ ગુણાકર દિવ્યકીર્તે
શ્રી વેંકટાચલપતે તવ સુપ્રભાતમ્ || ૨૩ ||
મીનાકૃતે કમઠકોલ નૃસિંહ વર્ણીન્
સ્વામિન્ પરશ્વથ તપોધન રામચંદ્ર |
શેષાંશરામ યદુનંદન કલ્કિરૂપ
શ્રી વેંકટાચલપતે તવ સુપ્રભાતમ્ || ૨૪ ||
એલાલવંગ ઘનસાર સુગંધિ તીર્થં
દિવ્યં વિયત્સરિતુ હેમઘટેષુ પૂર્ણમ્ |
ધૃત્વાદ્ય વૈદિક શિખામણયઃ પ્રહૃષ્ટાઃ
તિષ્ઠંતિ વેંકટપતે તવ સુપ્રભાતમ્ || ૨૫ ||
ભાસ્વાનુદેતિ વિકચાનિ સરોરુહાણિ
સંપૂરયંતિ નિનદૈઃ કકુભો વિહંગાઃ |
શ્રીવૈષ્ણવાઃ સતત મર્થિત મંગળાસ્તે
ધામાશ્રયંતિ તવ વેંકટ સુપ્રભાતમ્ || ૨૬ ||
બ્રહ્માદયા સ્સુરવરા સ્સમહર્ષયસ્તે
સંતસ્સનંદન મુખાસ્તથ યોગિવર્યાઃ |
ધામાંતિકે તવ હિ મંગળ વસ્તુ હસ્તાઃ
શ્રી વેંકટાચલપતે તવ સુપ્રભાતમ્ || ૨૭ ||
લક્ષ્મીનિવાસ નિરવદ્ય ગુણૈક સિંધો
સંસારસાગર સમુત્તરણૈક સેતો |
વેદાંત વેદ્ય નિજવૈભવ ભક્તભોગ્ય
શ્રી વેંકટાચલપતે તવ સુપ્રભાતમ્ || ૨૮ ||
ઇત્થં વૃષાચલપતેરિહ સુપ્રભાતં
યે માનવાઃ પ્રતિદિનં પઠિતું પ્રવૃત્તાઃ |
તેષાં પ્રભાત સમયે સ્મૃતિરંગભાજાં
પ્રજ્ઞાં પરાર્થ સુલભાં પરમાં પ્રસૂતે || ૨૯ ||