|| ಚಂದ್ರ ಅಷ್ಟಾವಿಂಶತಿನಾಮ ಸ್ತೋತ್ರಮ್ ||
*********
ಅಸ್ಯ ಶ್ರೀ ಚಂದ್ರ ಸ್ಯಾಷ್ಟಾವಿಂಶತಿ ನಾಮ ಸ್ತೋತ್ರಸ್ಯ | ಗೌತಮ ಋಷಿ: |
ವಿರಾಟ್‌ ಛಂದ: | ಸೋಮೋ ದೇವತಾ | ಚಂದ್ರಸ್ಯ ಪ್ರೀತ್ಯರ್ಥೇ ಜಪೇ ವಿನಿಯೋಗ: ||
***
ಚಂದ್ರಸ್ಯ ಶೃಣು ನಾಮಾನಿ ಶುಭದಾನಿ ಮಹೀಪತೇ |
ಯಾನಿ ಶೃತ್ವಾ ನರೋ ದು:ಖಾನ್ಮುಚ್ಯತೇ ನಾತ್ರಸಂಶಯ: || ೧ ||
ಸುಧಾಕರಶ್ಚ ಸೋಮಶ್ಚ ಗ್ಲೌರಬ್ಜ: ಕುಮುದಪ್ರಿಯ: |
ಲೋಕಪ್ರಿಯ: ಶುಭ್ರಭಾನುಶ್ಚಂದ್ರಮಾ ರೋಹಿಣೀಪತಿ || ೨ ||
ಶಶೀ ಹಿಮಕರೋ ರಾಜಾ ದ್ವಿಜರಾಜೋ ನಿಶಾಕರ: |
ಆತ್ರೇಯ ಇಂದು: ಶೀತಾಂಶುರೋಷಧೀಶ: ಕಲಾನಿಧಿ: || ೩ ||
ಜೈವಾತೃಕೋ ರಮಾಭ್ರಾತಾ ಕ್ಷೀರೋದಾರ್ಣವ ಸಂಭವ: |
ನಕ್ಷತ್ರನಾಯಕ: ಶಂಭು: ಶಿರಶ್ಚೂಡಾಮಣಿರ್ವಿಭು: || ೪ ||
ತಾಪಹರ್ತಾ ನಭೋದೀಪೋ ನಾಮಾನ್ಯೇತಾನಿ ಯ: ಪಠೇತ್‌ |
ಪ್ರತ್ಯಹಂ ಭಕ್ತಿಸಂಯುಕ್ತಸ್ತಸ್ಯ ಪೀಡಾ ವಿನಶ್ಯತಿ || ೫ ||
ಫಲಶ್ರುತಿಃ
ತದ್ದಿನೇ ಚ ಪಠೇದ್ಯಸ್ತು ಲಭೇತ್‌ ಸರ್ವಂ ಸಮೀಹಿತಮ್‌ |
ಗ್ರಹಾದೀನಾಂ ಚ ಸರ್ವೇಷಾಂ ಭವೇಚ್ಚಂದ್ರಬಲಂ ಸದಾ ||
|| ಇತಿ ಶ್ರೀ ಚಂದ್ರಾಷ್ಟಾವಿಂಶತಿನಾಮ ಸ್ತೋತ್ರಮ್ ಸಂಪೂರ್ಣಮ್‌ ||
