ಗಣೇಶ ಕವಚಮ್
******
ಗೌರೀ ಉವಾಚ
ಏಷೋತಿ ಚಪಲೋ ದೈತ್ಯಾನ್ ಬಾಲ್ಯೇಪಿ ನಾಶಯತ್ಯಹೋ |
ಅಗ್ರೇ ಕಿಂ ಕರ್ಮ ಕರ್ತೇತಿ ನ ಜಾನೇ ಮುನಿಸತ್ತಮ ||
ದೈತ್ಯಾ ನಾನಾವಿಧಾ ದುಷ್ಟಾಃ ಸ್ಸಾಧು ದೇವದ್ರುಮಃ ಖಲಾಃ |
ಅತೋಸ್ಯ ಕಂಠೇ ಕಿಂಚಿತ್ತ್ವಂ ರಕ್ಷಾಂ ಸಂಬದ್ದುಮರ್ಹಸಿ ||
ಮುನಿರುವಾಚ
ಅಥ ಧ್ಯಾನಮ್
ಧ್ಯಾಯೇತ್ ಸಿಂಹಗತಂ ವಿನಾಯಕಮಮುಂ ದಿಗ್ಬಾಹು ಮಾದ್ಯೇ ಯುಗೇ
ತ್ರೇತಾಯಾಂ ತು ಮಯೂರ ವಾಹನಮಮುಂ ಷಡ್ಬಾಹುಕಂ ಸಿದ್ಧಿದಮ್ |
ದ್ವಾಪರೇತು ಗಜಾನನಂ ಯುಗಭುಜಂ ರಕ್ತಾಂಗರಾಗಂ ವಿಭುಮ್ ತುರ್ಯೇ
ತು ದ್ವಿಭುಜಂ ಸಿತಾಂಗರುಚಿರಂ ಸರ್ವಾರ್ಥದಂ ಸರ್ವದಾ ||
ಅಥ ಕವಚಮ್
ವಿನಾಯಕ ಶ್ಶಿಖಾಂಪಾತು ಪರಮಾತ್ಮಾ ಪರಾತ್ಪರಃ |
ಅತಿಸುಂದರ ಕಾಯಸ್ತು ಮಸ್ತಕಂ ಸುಮಹೋತ್ಕಟಃ || ೧ ||
ಲಲಾಟಂ ಕಶ್ಯಪಃ ಪಾತು ಭ್ರೂಯುಗಂ ತು ಮಹೋದರಃ |
ನಯನೇ ಭಾಲಚಂದ್ರಸ್ತು ಗಜಾಸ್ಯಸ್ಯೋಷ್ಠ ಪಲ್ಲವೌ || ೨ ||
ಜಿಹ್ವಾಂ ಪಾತು ಗಣಕ್ರೀಡಶ್ಚುಬುಕಂ ಗಿರಿಜಾಸುತಃ |
ವಾಚಂ ವಿನಾಯಕಃ ಪಾತು ದಂತಾನ್ ರಕ್ಷತು ದುರ್ಮುಖಃ || ೩ ||
ಶ್ರವಣೌ ಪಾಶಪಾಣಿಸ್ತು ನಾಸಿಕಾಂ ಚಿಂತಿತಾರ್ಥದಃ |
ಗಣೇಶಸ್ತು ಮುಖಂ ಪಾತು ಕಂಠಂ ಪಾತು ಗಣಾಧಿಪಃ || ೪ ||
ಸ್ಕಂಧೌ ಪಾತು ಗಜಸ್ಕಂಧಃ ಸ್ತನೇ ವಿಘ್ನವಿನಾಶನಃ |
ಹೃದಯಂ ಗಣನಾಥಸ್ತು ಹೇರಂಬೋ ಜಠರಂ ಮಹಾನ್ || ೫ ||
ಧರಾಧರಃ ಪಾತು ಪಾರ್ಶ್ವೌ ಪೃಷ್ಠಂ ವಿಘ್ನಹರಶ್ಯುಭಃ |
ಲಿಂಗಂ ಗುಹ್ಯಂ ಸದಾ ಪಾತು ವಕ್ರತುಂಡೋ ಮಹಾಬಲಃ || ೬ ||
ಗಣಕ್ರೀಡೋ ಜಾನು ಜಂಘೇ ಊರೂ ಮಂಗಳಕೀರ್ತಿಮಾನ್ |
ಏಕದಂತೋ ಮಹಾಬುದ್ಧಿಃ ಪಾದೌ ಗುಲ್ಫೌ ಸದಾವತು || ೭ ||
ಕ್ಷಿಪ್ರ ಪ್ರಸಾದನೋ ಬಾಹು ಪಾಣೀ ಆಶಾಪ್ರಪೂರಕಃ |
ಅಂಗುಲೀಶ್ಚ ನಖಾನ್ ಪಾತು ಪದ್ಮಹಸ್ತೋ ರಿನಾಶನಃ || ೮ ||
ಸರ್ವಾಂಗಾನಿ ಮಯೂರೇಶೋ ವಿಶ್ವವ್ಯಾಪೀ ಸದಾವತು |
ಅನುಕ್ತಮಪಿ ಯತ್ ಸ್ಥಾನಂ ಧೂಮ್ರಕೇತುಃ ಸದಾವತು || ೯ ||
ಆಮೋದಸ್ತ ಗ್ರತಃ ಪಾತು ಪ್ರಮೋದಃ ಪೃಷ್ಠತೋವತು |
ಪ್ರಾಚ್ಯಾಂ ರಕ್ಷತು ಬುದ್ಧೀಶ ಆಗ್ನೇಯಾಂ ಸಿದ್ಧಿದಾಯಕಃ || ೧೦ ||
ದಕ್ಷಿಣಸ್ಯಾಮುಮಾಪುತ್ರೋ ನೈರುತ್ಯಾಂ ತು ಗಣೇಶ್ವರಃ |
ಪ್ರತಿಚ್ಯಾಂ ವಿಘ್ನಹರ್ತಾ ವ್ಯಾದ್ವಾಯವ್ಯಾಂ ಗಜಕರ್ಣಕಃ || ೧೧ ||
ಕೌಬೇರ್ಯಾಂ ನಿಧಿಪಃ ಪಾಯಾದೀಶಾನ್ಯಾ ವಿಷನಂದನಃ |
ದಿವಾವ್ಯಾದೇಕದಂತ ಸ್ತು ರಾತ್ರೌ ಸಂಧ್ಯಾಸು ಯಃವಿಘ್ನಹೃತ್ || ೧೨ ||
ರಾಕ್ಷಸಾಸುರ ಬೇತಾಳ ಗ್ರಹ ಭೂತ ಪಿಶಾಚತಃ |
ಪಾಶಾಂಕುಶಧರಃ ಪಾತು ರಜಸ್ಸತ್ವ ತಮಸ್ಮೃತೀಃ || ೧೩ ||
ಜ್ಞಾನಂ ಧರ್ಮಂ ಚ ಲಕ್ಷ್ಮೀ ಚ ಲಜ್ಜಾಂ ಕೀರ್ತಿಂ ತಥಾ ಕುಲಮ್ |
ವಪುರ್ಧನಂ ಚ ಧಾನ್ಯಂ ಚ ಗೃಹಂ ದಾರಾಸ್ಸುತಾನ್ಸಖೀನ್ || ೧೪ ||
ಸರ್ವಾಯುಧ ಧರಃ ಪೌತ್ರಾನ್ ಮಯೂರೇಶೋ ವತಾತ್ ಸದಾ |
ಕಪಿಲೋ ಜಾನುಕಂ ಪಾತು ಗಜಾಶ್ವಾನ್ ವಿಕಟೋವತು || ೧೫ ||
ಭೂರ್ಜಪತ್ರೇ ಲಿಖಿತ್ವೇದಂ ಯಃ ಕಂಠೇ ಧಾರಯೇತ್ ಸುಧೀಃ |
ನ ಭಯಂ ಜಾಯತೇ ತಸ್ಯ ಯಕ್ಷ ರಕ್ಷಃ ಪಿಶಾಚತಃ || ೧೬ ||
ತ್ರಿಸಂಧ್ಯಂ ಜಪತೇ ಯಸ್ತು ವಜ್ರಸಾರ ತನುರ್ಭವೇತ್ |
ಯಾತ್ರಾಕಾಲೇ ಪಠೇದ್ಯಸ್ತು ನಿರ್ವಿಘ್ನೇನ ಫಲಂ ಲಭೇತ್ || ೧೭ ||
ಯುದ್ಧಕಾಲೇ ಪಠೇದ್ಯಸ್ತು ವಿಜಯಂ ಚಾಪ್ನುಯಾದ್ಭುವಮ್ |
ಮಾರಣೋಚ್ಚಾಟನಾಕರ್ಷ ಸ್ತಂಭ ಮೋಹನ ಕರ್ಮಣಿ || ೧೮ ||
ಸಪ್ತವಾರಂ ಜಪೇದೇತದ್ದನಾನಾಮೇಕವಿಂಶತಿಃ |
ತತ್ತತ್ಫಲಮವಾಪ್ನೋತಿ ಸಾಧಕೋ ನಾತ್ರ ಸಂಶಯಃ || ೧೯ ||
ಏಕವಿಂಶತಿವಾರಂ ಚ ಪಠೇತ್ತಾವದ್ದಿನಾನಿ ಯಃ |
ಕಾರಾಗೃಹಗತಂ ಸದ್ಯೋ ರಾಜ್ಞಾವಧ್ಯಂ ಚ ಮೋಚಯೇತ್ || ೨೦ ||
ರಾಜದರ್ಶನ ವೇಳಾಯಾಂ ಪಠೇದೇತತ್ ತ್ರಿವಾರತಃ |
ಸ ರಾಜಾನಂ ವಶಂ ನೀತ್ವಾ ಪ್ರಕೃತೀಶ್ಚ ಸಭಾಂ ಜಯೇತ್ || ೨೧ ||
ಇದಂ ಗಣೇಶಕವಚಂ ಕಶ್ಯಪೇನ ಸವಿರಿತಮ್ |
ಮುದ್ಗಲಾಯ ಚ ತೇ ನಾಥ ಮಾಂಡವ್ಯಾಯ ಮಹರ್ಷಯೇ || ೨೨ ||
ಮಹ್ಯಂ ಸ ಪ್ರಾಹ ಕೃಪಯಾ ಕವಚಂ ಸರ್ವ ಸಿದ್ಧಿದಮ್ |
ನ ದೇಯಂ ಭಕ್ತಿಹೀನಾಯ ದೇಯಂ ಶ್ರದ್ಧಾವತೇ ಶುಭಮ್ || ೨೩ ||
ಅನೇನಾಸ್ಯ ಕೃತಾ ರಕ್ಷಾ ನ ಬಾಧಾಸ್ಯ ಭವೇತ್ ವ್ಯಚಿತ್ |
ರಾಕ್ಷಸಾಸುರ ಬೇತಾಳ ದೈತ್ಯ ದಾನವ ಸಂಭವಾಃ || ೨೪ ||
|| ಇತೀ ಶ್ರೀ ಗಣೇಶಪುರಾಣೇ ಶ್ರೀ ಗಣೇಶ ಕವಚಂ ಸಂಪೂರ್ಣಮ್ ||
