|| ನವಗ್ರಹ ಪೀಡಾಪರಿಹಾರ ಸ್ತೋತ್ರ ||
******
ಗ್ರಹಾಣಾಮಾದಿರಾದಿತ್ಯೋ ಲೋಕರಕ್ಷಣಕಾರಕ: |
ವಿಷಮಸ್ಥಾನ ಸಂಭೂತಾಂ ಪೀಡಾಂ ಹರತು ಮೇ ರವಿ: ||
ರೋಹಿಣೀಶ: ಸುಧಾಮೂರ್ತಿ: ಸುಧಾಗಾತ್ರ: ಸುಧಾಶನ: |
ವಿಷಮಸ್ಥಾನ ಸಂಭೂತಾಂ ಪೀಡಾಂ ಹರತು ಮೇ ವಿಧು: ||
ಭೂಮಿಪುತ್ರೋ ಮಹಾತೇಜಾ ಜಗತಾಂ ಭಯಕೃತ್ಸದಾ |
ವೃಷ್ಟಿಕೃದ್ವೃಷ್ಟಿಹರ್ತಾಚ ಪೀಡಾಂ ಹರತು ಮೇ ಕುಜ: ||
ಉತ್ಪಾತರೂಪೀ ಜಗತಾಂ ಚಂದ್ರಪುತ್ರೋ ಮಹಾದ್ಯುತಿ: |
ಸೂರ್ಯಪ್ರಿಯಕರೋ ವಿದ್ವಾನ್ಪೀಡಾಂ ಹರತು ಮೇ ಬುಧ: ||
ದೇವಮಂತ್ರೀ ವಿಶಾಲಾಕ್ಷ: ಸದಾ ಲೋಕಹಿತೇ ರತ: |
ಅನೇಕ ಶಿಷ್ಯ ಸಂಪೂರ್ಣ: ಪೀಡಾಂ ಹರತು ಮೇ ಗುರು: ||
ದೈತ್ಯ ಮಂತ್ರೀ ಗುರುಸ್ತೇಷಾಂ ಪ್ರಣವಶ್ಚ ಮಹಾಮತಿ: |
ಪ್ರಭುಸ್ತಾರಾಗ್ರಹಣಾಂ ಚ ಪೀಡಾಂ ಹರತು ಮೇ ಭೃಗು: ||
ಸುರ್ಯಪುತ್ರೋ ದೀರ್ಘದೇಹೋ ವಿಶಾಲಾಕ್ಷ: ಶಿವಪ್ರಿಯ: |
ಮಂದಚಾರ: ಪ್ರಸನ್ನಾತ್ಮಾ ಪೀಡಾಂ ಹರತು ಮೇ ಶನಿ: ||
ಮಹಾಶಿರಾ ಮಹಾವಕ್ತ್ರೋ ದೀರ್ಘದಂಷ್ಟ್ರೋ ಮಹಾಬಲ: |
ಅತನುಶ್ಚೋರ್ಧ್ವಕೇಶಶ್ಚ ಪೀಡಾಂ ಹರತು ಮೇ ಶಿಖೀ ||
ಅನೇಕರೂಪ ವರ್ಣೈಶ್ಚ ಶತಶೋಽಥ ಸಹಸ್ರಶ: |
ಉತ್ಪಾತರೂಪೋ ಜಗತಾಂ ಪೀಡಾಂ ಹರತು ಮೇ ತಮ: ||
|| ಇತಿ ನವಗ್ರಹ ಪೀಡಾಪರಿಹಾರ ಸ್ತೊತ್ರಂ ಸಂಪೂರ್ಣಂ ||