|| ಶನಿ ಗ್ರಹ ಶಾಂತಿ ||
******
- ಅಥ ಶ್ರೀ ಶನೈಶ್ಚರಾಷ್ಟೋತ್ತರ ಶತನಾಮ ಸ್ತೋತ್ರಮ್ -
ಶನೈಶ್ಚರಾಯ ಶಾಂತಾಯ ಸರ್ವಾಭಿಷ್ಟ ಪ್ರದಾಯಿನೇ |
ಶರಣ್ಯಾಯ ವರೇಣ್ಯಾಯ ಸರ್ವೇಶಾಯ ನಮೋ ನಮ: ||೧||
ಸೌಮ್ಯಾಯ ಸುರವಂದ್ಯಾಯ ಸುರಲೋಕ ವಿಹಾರಿಣೇ |
ಸುಖಾಸನೋಪವಿಷ್ಟಾಯ ಸುಂದರಾಯ ನಮೋ ನಮ: ||೨||
ಘನಾಯ ಘನರೂಪಾಯ ಘನಾಭರಣಧಾರಿಣೇ |
ಘನಸಾರವಿಲೇಪಾಯ ಖದ್ಯೋತಾಯ ನಮೋ ನಮ: ||೩||
ಮಂದಾಯ ಮಂದಚೇಷ್ಟಾಯ ಮಹನೀಯ ಗುಣಾತ್ಮನೇ |
ಮರ್ತ್ಯಪಾವನ ಪಾದಾಯ ಮಹೇಶಾಯ ನಮೋ ನಮ: ||೪||
ಛಾಯಾಪುತ್ರಾಯ ಶರ್ವಾಯ ಶರತೂಣೀರಧಾರಿಣೇ |
ಚರಸ್ಥಿರಸ್ವಭಾವಾಯ ಚಂಚಲಾಯ ನಮೋ ನಮ: ||೫||
ನೀಲವರ್ಣಾಯ ನಿತ್ಯಾಯ ನೀಲಾಂಜನ ನಿಭಾಯಚ |
ನೀಲಾಂಬರ ವಿಭೂಷಾಯ ನಿಶ್ಚಲಾಯ ನಮೋ ನಮ: ||೬||
ವೇದ್ಯಾಯ ವಿಧಿರೂಪಾಯ ವಿರೋಧಾಧಾರ ಭೂಮಯೇ |
ವೇದಾಸ್ಪದ ಸ್ವಭಾವಾಯ ವಜ್ರದೇಹಾಯ ತೇ ನಮ: ||೭||
ವೈರಾಗ್ಯದಾಯ ವೀರಾಯ ವೀತರೋಗಭಯಾಯ ಚ |
ವಿಪತ್ಪರಂಪರೇಶಾಯ ವಿಶ್ವವಂದ್ಯಾಯ ತೇ ನಮ: ||೮||
ಗೃಧ್ರವಾಹಾಯ ಗೂಢಾಯ ಕೂರ್ಮಾಂಗಾಯ ಕುರೂಪಿಣೇ |
ಕುತ್ಸಿತಾಯ ಗುಣಾಢ್ಯಾಯ ಗೋಚರಾಯ ನಮೋ ನಮ: ||೯||
ಅವಿದ್ಯಾಮೂಲನಾಶಾಯ ವಿದ್ಯಾವಿದ್ಯಾ ಸ್ವರೂಪಿಣೇ |
ಆಯುಷ್ಯಕಾರಣಾಯಾಪದ್ಧರ್ತ್ರೇ ತಸ್ಮೈ ನಮೋ ನಮ: ||೧೦||
ವಿಷ್ಣುಭಕ್ತಾಯ ವಶಿನೇ ವಿವಿಧಾಗಮವೇದಿನೇ |
ವಿಧಿಸ್ತುತ್ಯಾಯ ವಂದ್ಯಾಯ ವಿರೂಪಾಕ್ಷಾಯತೇ ನಮ: ||೧೧||
ವರಿಷ್ಠಾಯ ಗರಿಷ್ಠಾಯ ವಜ್ರಾಂಕುಶಧರಾಯ ಚ |
ವರದಾಭಯಹಸ್ತಾಯ ವಾಮನಾಯ ನಮೋ ನಮ: ||೧೨||
ಜ್ಯೇಷ್ಠಾಪತ್ನೀಸಮೇತಾಯ ಶ್ರೇಷ್ಠಾಯಾಮಿತ ಭಾಷಿಣೇ |
ಕಷ್ಟೌಘನಾಶಕರ್ಯಾಯ ಪುಷ್ಟಿದಾಯ ನಮೋ ನಮ: ||೧೩||
ಸ್ತುತ್ಯಾಯ ಸ್ತೋತ್ರಗಮ್ಯಾಯ ಭಕ್ತವಶ್ಯಾಯ ಭಾನವೇ |
ಭಾನುಪುತ್ರಾಯ ಭವ್ಯಾಯ ಪಾವನಾಯ ನಮೋ ನಮ: ||೧೪||
ಧನುರ್ಮಂಡಲ ಸಂಸ್ಥಾಯ ಧನದಾಯ ಧನುಷ್ಮತೇ |
ತನುಪ್ರಕಾಶ ದೇಹಾಯ ತಾಮಸಾಯ ನಮೋ ನಮ: ||೧೫||
ಆಶೇಷಧನಿವಂದ್ಯಾಯ ವಿಶೇಷ ಫಲದಾಯಿನೇ |
ವಶೀಕೃತ ಜನೇಶಾಯ ಪಶೂನಾಮ್ ಪತಯೇ ನಮ: ||೧೬||
ಖೇಚರಾಯ ಖಗೇಶಾಯ ಘನ ನೀಲಾಂಬರಾಯ ಚ |
ಕಾಠಿಣ್ಯಮಾನಸಾಯಾರ್ಯ ಗುಣಸ್ತುತ್ಯಾಯ ತೇ ನಮ: ||೧೭||
ನೀಲಚ್ಛತ್ರಾಯ ನಿತ್ಯಾಯ ನಿರ್ಗುಣಾಯ ಗುಣಾತ್ಮನೇ |
ನಿರಾಮಯಾಯನಿಂದ್ಯಾಯ ವಂದನೀಯಾಯ ತೇ ನಮ: ||೧೮||
ಧೀರಾಯ ದಿವ್ಯದೇಹಾಯ ದೀನಾರ್ತಿಹರಣಾಯ ಚ |
ದೈನ್ಯನಾಶಕರಾಯಾರ್ಯ ಜನಗಣ್ಯಾಯ ತೇ ನಮ: ||೧೯||
ಕ್ರೂರಾಯ ಕ್ರೂರಚೇಷ್ಟಾಯ ಕಾಮಕ್ರೋಧ ಧರಾಯ ಚ |
ಕಳತ್ರ ಪುತ್ರ ಶತ್ರುತ್ವ ಕಾರಣಾಯ ನಮೋ ನಮ: ||೨೦||
ಪರಿಪೋಷಿತ ಭಕ್ತಾಯ ಪರಭೀತಿ ಹರಾಯ ಚ |
ಭಕ್ತಸಂಘ ಮನೋಽಭೀಷ್ಟ ಫಲದಾಯ ನಮೋ ನಮ: ||೨೧||
|| ಇತಿ ಶ್ರೀ ಶನೈಶ್ಚರಾಷ್ಟೋತ್ತರ ಶತನಾಮ ಸ್ತೋತ್ರಮ್ ಸಂಪೂರ್ಣಮ್ ||