|| ചംദ്ര അഷ്ടാവിംശതിനാമ സ്തോത്രമ് ||
*********
അസ്യ ശ്രീ ചംദ്ര സ്യാഷ്ടാവിംശതി നാമ സ്തോത്രസ്യ | ഗൗതമ ഋഷി: |
വിരാട്‌ ഛംദ: | സോമോ ദേവതാ | ചംദ്രസ്യ പ്രീത്യര്ഥേ ജപേ വിനിയോഗ: ||
***
ചംദ്രസ്യ ശൃണു നാമാനി ശുഭദാനി മഹീപതേ |
യാനി ശൃത്വാ നരോ ദു:ഖാന്മുച്യതേ നാത്രസംശയ: || ൧ ||
സുധാകരശ്ച സോമശ്ച ഗ്ലൗരബ്ജ: കുമുദപ്രിയ: |
ലോകപ്രിയ: ശുഭ്രഭാനുശ്ചംദ്രമാ രോഹിണീപതി || ൨ ||
ശശീ ഹിമകരോ രാജാ ദ്വിജരാജോ നിശാകര: |
ആത്രേയ ഇംദു: ശീതാംശുരോഷധീശ: കലാനിധി: || ൩ ||
ജൈവാതൃകോ രമാഭ്രാതാ ക്ഷീരോദാര്ണവ സംഭവ: |
നക്ഷത്രനായക: ശംഭു: ശിരശ്ചൂഡാമണിര്വിഭു: || ൪ ||
താപഹര്താ നഭോദീപോ നാമാന്യേതാനി യ: പഠേത്‌ |
പ്രത്യഹം ഭക്തിസംയുക്തസ്തസ്യ പീഡാ വിനശ്യതി || ൫ ||
ഫലശ്രുതിഃ
തദ്ദിനേ ച പഠേദ്യസ്തു ലഭേത്‌ സര്വം സമീഹിതമ്‌ |
ഗ്രഹാദീനാം ച സര്വേഷാം ഭവേച്ചംദ്രബലം സദാ ||
|| ഇതി ശ്രീ ചംദ്രാഷ്ടാവിംശതിനാമ സ്തോത്രമ് സംപൂര്ണമ്‌ ||