|| ശ്രീ കാലഭൈരവാഷ്ടകമ് ||
******
ദേവരാജസേവ്യ മാനപാവനാംഘ്രി പംകജം |
വ്യാലയജ്ഞസൂത്രമിംദു ശേഖരം കൃപാകരം ||
നാരദാദിയോഗിവൃംദ വംദിതം ദിഗംബരം |
കാശികാപുരാദിനാഥ കാലഭൈരവം ഭജേ || ൧ ||
ഭാനുകോടി ഭാസ്കരം ഭവാബ്ധി താരകം പരം |
നീലകംഠമീപ്സിതാര്ഥദായകം ത്രിലോചനം ||
കാലകാല മംബുജാക്ഷ മക്ഷശൂലമക്ഷരം |
കാശികാപുരാദിനാഥ കാലഭൈരവം ഭജേ || ൨ ||
ശൂലടംകപാശ ദംഡപാണിമാദികാരണം |
ശ്യാമകായമാദിദേവ മക്ഷരം നിരാമയം ||
ഭീമവിക്രമം പ്രഭും വിചിത്ര താംഡവ പ്രിയമ് |
കാശികാപുരാദിനാഥ കാലഭൈരവം ഭജേ || ൩ ||
ഭുക്തി മുക്തി ദായകം പ്രശസ്ത ചാരു വിഗ്രഹം |
ഭക്ത വത്സലം സ്ഥിരം സമസ്ത ലോക വിഗ്രഹം ||
നിക്വണന്മനോജ്ഞ ഹേമ കിംകിണീലസത്കടിം |
കാശികാപുരാദിനാഥ കാലഭൈരവം ഭജേ || ൪ ||
ധര്മസേതുപാലകം ത്വധര്മ മാര്ഗനാശകം |
കര്മപാശമോചകം സുശര്മ ദായകം വിഭുമ് ||
സ്വര്ണവര്ണശേഷ പാശ ശോഭിതാംഗ മംഡലം |
കാശികാപുരാദിനാഥ കാലഭൈരവം ഭജേ || ൫ ||
രത്നപാദുകാപ്രഭാഭിരാമ പാദയുഗ്മകം |
നിത്യ മദ്വിതീയ മിഷ്ടദൈവതം നിരംജനമ് ||
മൃത്യുദര്പനാശകം കരാലദംഷ്ട്ര മോക്ഷണം |
കാശികാപുരാദിനാഥ കാലഭൈരവം ഭജേ || ൬ ||
അട്ടഹാസഭിന്ന പദ്മ ജാംഡകോശ സംതതിം |
ദൃഷ്ടി പാതനഷ്ട പാപജാല മുഗ്രശാസനമ് ||
അഷ്ടസിദ്ധിദായകം കപാല മാലികാധരം |
കാശികാപുരാദിനാഥ കാലഭൈരവം ഭജേ || ൭ ||
ഭൂതസംഘനായകം വിശാല കീര്തിദായകം |
കാശിവാസലോകപുണ്യ പാപശോധകം വിഭുമ് ||
നീതി മാര്ഗകോവിദം പുരാതനം ജഗത്പതിം |
കാശികാപുരാദിനാഥ കാലഭൈരവം ഭജേ || ൮ ||
കാലഭൈരവാഷ്ടകം പഠംതി യേ മനോഹരം |
ജ്ഞാനമുക്തി സാധനം വിചിത്ര പുണ്യ വര്ധനമ് ||
ശോകമോഹലോഭദൈന്യ കോപതാപനാശനമ് ||
തേ പ്രയാംതി കാലഭൈരവാംഘ്രി സന്നിംധ്രുവമ് || ൯
|||| സംപൂര്ണമ്‌ ||