|| സംകഷ്ട നാശന ഗണേശ സ്തോത്രമ് ||
പ്രണമ്യ ശിരസാ ദേവം ഗൗരീപുത്രം വിനായകമ്‌ ||
ഭക്താവാസം സ്മരേന്നിത്യം ആയുഷ്കാമാര്ഥസിദ്ധയേ || ൧ ||
പ്രഥമം വക്രതുംഡം ച ഏകദംതം ദ്വിതീയകമ്‌ |
തൃതീയം കൃഷ്ണപിംഗാക്ഷം ഗജവക്ത്രം ചതുര്ഥകമ്‌ || ൨ ||
ലംബോദരം പംചമം ച ഷഷ്ടം വികടമേവ ച |
സപ്തമം വിഘ്നരാജം ച ധൂമ്രവര്ണം തഥാഷ്ടമമ്‌ || ൩ ||
നവമം ഭാലചംദ്രം ച ദശമം തു വിനായകമ്‌ |
ഏകാദശം ഗണപതിം ദ്വാദശം തു ഗജാനനമ്‌ || ൪ ||
ദ്വാദശൈതാനി നാമാനി ത്രിസംധ്യം യഃ പഠേന്നരഃ |
ന ച വിഘ്നഭയം തസ്യ സര്വസിദ്ധികരഃ പ്രഭുഃ || ൫ ||
വിദ്യാര്ഥീ ലഭതേ വിദ്യാം ധനാര്ഥീ ലഭതേ ധനം |
പുത്രാര്ഥീ ലഭതേ പുത്രാന്മോക്ഷാര്ഥീ ലഭതേ ഗതിമ്‌ || ൬ ||
ജപേദ്ഗണപതിസ്തോത്രം ഷഡ്ഭിര്മാസൈഃ ഫലം ലഭേത്‌ |
സംവത്സരേണ സിദ്ധിം ച ലഭതേ നാത്ര സംശയഃ || ൭ ||
അഷ്ടേഭ്യോ ബ്രാഹ്മണേഭ്യശ്ച ലിഖിത്വാ യഃ സമര്പയേത്‌ |
തസ്യ വിദ്യാ ഭവേത്സര്വാ ഗണേശസ്യ പ്രസാദതഃ || ൮ ||
|| ഇതി ശ്രീ നാരദ പുരാണേ സംകഷ്ടനാശന ഗണേശത്രോത്രം സംപൂര്ണമ്‌ ||