|| ശനി വജ്ര പംജര കവചമ്‌ ||
******
നീലാംബരോ നീലവപു: കിരിടീ: |
ഗൃധ്രസ്ഥിതാസ്ത്രകരോ ധനുഷ്മാന്‌ |
ചതുര്ഭുജ: സൂര്യസുത: പ്രസന്ന:
സദാ മമസ്യാദ്വരദ: പ്രശാംത: ||
- ബ്രഹ്മ ഉവാച -
ശൃണുധ്വം ഋഷയ: സര്വേ: ശനി പീഡാഹരമ് മഹത്‌ |
കവചം ശനിരാജസ്യ സൗരൈരിദമനുത്തമമ്‌ ||
കവചം ദേവതാവാസം വജ്ര പംജര സംങകമ്‌ |
ശനൈശ്ചര പ്രീതികരം സര്വസൗഭാഗ്യദായകമ്‌ ||
- ഹരി: ഓ‍ം -
ഓ‍ം ശനൈശ്ചര പാതു ഭാലം മേ സൂര്യനംദന: |
നേത്രേ ഛായാത്മജ: പാതു പാതു കര്ണൗ യമാനുജ: || ൧ ||
നാസാം വൈവസ്വത: പാതു മുഖം മേ ഭാസ്കര: സദാ |
സ്നിഗ്ധകംഠശ്ച മേ കംഠം ഭുജൗ പാതു മഹാഭുജ: || ൨ ||
സ്കംധൗ പാതു ശനിശ്ചൈവ കരൗ പാതു ശുഭപ്രദ: |
വക്ഷ: പാതു യമഭ്രാതാ കുക്ഷിം പാത്വസിതസ്തഥാ || ൩ ||
നാഭിം ഗ്രഹപതി: പാതു മംദ: പാതു കടിം തഥാ |
ഊരൂ മമാംതക: പാതു യമോ ജാനുയുഗം തഥാ || ൪ ||
പാദൗ മംദഗതി: പാതു സര്വാംഗം പാതു പിപ്പല: |
അംഗോപാംഗാനി സര്വാണി രക്ഷേന് മേ സൂര്യനംദന: || ൫ ||
- ഫലശ്രുതി: -
ഇത്യേതത്കവചം ദിവ്യം പഠേത്സൂര്യ സുതസ്യ യ: |
ന തസ്യ ജായതേ പീഡാ പ്രീതോ ഭവതി സൂര്യജ: ||
വ്യയജന്മദ്വിതീയസ്ഥോ മൃത്യുസ്ഥാനഗതോപിവാ |
കലത്രസ്ഥോ ഗതോവാപി സുപ്രീതസ്തു സദാ ശനി: ||
അഷ്ടമസ്ഥോ സൂര്യസുതേ വ്യയേ ജന്മദ്വിതീയഗേ |
കവചം പഠതേ നിത്യം ന പീഡാ ജായതേ ക്വചിത്‌ ||
ഇത്യേതത്കവചം ദിവ്യം സൗരേര്യന്നിര്മിതം പുരാ |
ദ്വാദശാഷ്ടമജന്മസ്ഥ ദോശാന്നാശയതേ സദാ |
ജന്മ ലഗ്നസ്ഥിതാന്‌ ദോഷാന്‌ സര്വന്നാശയതേ പ്രഭു: ||
ഇതീ ശ്രീ ബ്രഹ്മാംഡപുരാണേ ബ്രഹ്മനാരദസംവാദേ ശനിവജ്രപംജര കവചം സംപൂര്ണമ്‌ ||