|| ശിവ നാമാവളി അഷ്ടകമ്‌ ||
******
ഹേ ചന്ദ്രചൂഡ മദനാന്തക ശൂലപാണേ
സ്ഥാനോ ഗിരീശ ഗിരിജേശ മഹേശ ശംഭോ |
ഭൂതേശ ഭീതഭയസൂദന മാമനാഥമ്‌
സംസാരദു:ഖ ഗഹനാജ്ജഗദീശ രക്ഷ |||൧||
ഹേ പാര്വതീഹൃദയവല്ലഭ ചംദ്രമൗളേ
ഭൂതാധിപ പ്രമഥനാഥ ഗിരീശ ചാപ |
ഹേ വാമദേവ ഭവരുദ്ര പിനാകപാണേ
സംസാരദു:ഖ ഗഹനാജ്ജഗദീശ രക്ഷ ||൨||
ഹേ നീലകംഠ വൃഷഭധ്വജ പംചവക്ത്ര
ലോകേശ ശേഷവലയ പ്രമഥേശ ശര്വ |
ഹേ ധൂര്ജടേ പശുപതേ ഗിരിജാപതേ മാം
സംസാരദു:ഖ ഗഹനാജ്ജഗദീശ രക്ഷ ||൩||
ഹേ വിശ്വനാഥ ശിവശംകര ദേവദേവ
ഗംഗാധര പ്രമഥനായക നംദികേശ |
ബാണേശ്വരാംധകരിപോ ഹരലോകനാഥ
സംസാരദു:ഖ ഗഹനാജ്ജഗദീശ രക്ഷ ||൪||
വാരണാസീ പുരപതേ മണികര്ണകേശ
വീരേശ ദക്ഷ മഖകാല വിഭോ ഗണേശ |
സര്വജ്ഞ സര്വ ഹൃദയൈകനിവാസ നാഥ
സംസാരദു:ഖ ഗഹനാജ്ജഗദീശ രക്ഷ ||൫||
ശ്രീമന്മഹേശ്വര കൃപാമയ ഹേ ദയാളോ
ഹേ വ്യോമകേശ ശിതികംഠ ഗണാധിനാഥ |
ഭസ്മാംഗരാഗ നൃകപാല കപാലമാല
സംസാരദു:ഖ ഗഹനാജ്ജഗദീശ രക്ഷ ||൬||
കൈലാസശൈല വിനിവാസ വൃഷാകപേ
ഹേ മൃത്യുംജയ ത്രിനയന ത്രിജന്നിവാസ |
നാരായണ പ്രിയ മദാപഹ ശക്തിനാഥ
സംസാരദു:ഖ ഗഹനാജ്ജഗദീശ രക്ഷ ||൭||
വിശ്വേശ വിശ്വഭവ നാശക വിശ്വരൂപ
വിശ്വാത്മക ത്രിഭുവനൈക ഗുണാഭിവേശ |
ഹേ വിശ്വബംധു കരുണാമയ ദീനബംധോ
സംസാരദു:ഖ ഗഹനാജ്ജഗദീശ രക്ഷ ||൮||
ഗൗരീവിലാസ ഭുവനായ മഹേശ്വരായ
പംചാനനായ ശരണാഗത കല്പകായ |
ശര്വായ സര്വജഗതാ മധിപായ തസ്മ്യെ
ദാരിദ്ര്യ ദു:ഖദഹനായ നമ:ശിവായ ||
|| ഇതി ശ്രീമത് ശംകരാചാര്യ വിരചിത ശ്രീ ശിവനാമാവല്യഷ്ടകമ്‌ സംപൂര്ണമ്‌ ||