|| വിശ്വനാഥാഷ്ടകമ്‌ ||
******
ഗംഗാതരംഗ രമണീയജടാകലാപമ്‌
ഗൗരീ നിരന്തര വിഭൂഷിതവാമഭാഗമ്‌
നാരായണ പ്രിയമനന്ഗ മദാപഹാരമ്‌
വാരാണസി പുരപതിം ഭജ വിശ്വനാഥമ്‌ || ൧ ||
വാചാമഗോചര മനേക ഗുണസ്വരൂപമ്‌
വാഗീശ വിഷ്ണുസുരസേവിത പാദപീഠമ്‌
വാമേന വിഗ്രഹവരേണ കളത്രവംതം
വാരാണസി പുരപതിം ഭജ വിശ്വനാഥമ്‌ || ൨ ||
ഭൂതാധിപം ഭുജഗ ഭൂഷണ ഭൂഷിതാംഗമ്‌
വ്യാഘ്രാജിനാംബര ധരം ജടിലം ത്രിനേത്രമ്‌
പാശാംകുശാഭയ വരപ്രദ ശൂലപാണിമ്‌
വാരാണസി പുരപതിം ഭജ വിശ്വനാഥമ്‌ || ൩ ||
ശീതാംശു ശോഭിത കിരീടവിരാജ മാനമ്‌
പാലേക്ഷണാനല വിശോഷിത പംചബാണമ്‌
നാഗാധിപാരചിത ഭാസുര കര്ണപൂരമ്‌
വാരാണസി പുരപതിം ഭജ വിശ്വനാഥമ്‌ || ൪ ||
പംചാനനം ദുരിതമത്ത മാതംഗജാനമ്‌
നാഗാംതകം ദനുജപുംഗവ പന്നഗാനാമ്‌
ദാവാനലം മരണശോകജരാടവീനാമ്‌
വാരാണസി പുരപതിം ഭജ വിശ്വനാഥമ്‌ || ൫ ||
തേജോമയം സുഗുണ നിര്ഗുണ മദ്വിതീയമ്‌
മാനംദകംദ മപരാജിത മപ്രമേയമ്‌
നാദാത്മകം സകള്നിഷ്കള മാതൃരൂപം
വാരാണസി പുരപതിം ഭജ വിശ്വനാഥമ്‌ || ൬ ||
ആശാം വിഹായ പരിഹൃത്യ പരസ്യ നിംദാ
പാപേ രതിം ച സുനിവാര്യ മനസ്സമാധൗ
ആദായ ഹൃത്കമല മധ്യഗതം പരേശമ്‌
വാരാണസി പുരപതിം ഭജ വിശ്വനാഥമ്‌ || ൭ ||
രാഗാദി ദോഷരഹിതം സ്വജനാനുരാഗ
വൈരാഗ്യ ശാംതിനിലയം ഗിരിജാ സഹായകം
മാധുര്യ ധൈര്യസുഭഗം ഗരളാഭി രാമമ്‌
വാരാണസി പുരപതിം ഭജ വിശ്വനാഥമ്‌ || ൮ ||
വാരാണസീപുരപതേ: സ്തവനം ശിവസ്യ
വ്യാസോക്ത മഷ്ടകമിദം പഠതേ മനുഷ്യ:
വിദ്യാം ശ്രീയം വിപുല സൗഖ്യ മനംതകീര്തിം
സംപ്രാപ്യ ദേഹവിലയേ ലഭതേ ച മോക്ഷമ്‌
വിശ്വനാഥാഷ്ടകമിദം യ: പഠേച്ഛിവസന്നിധൗ
ശിവലോക മവാപ്നോതി ശിവേനസഹമോദതേ
||ഇതീ ശ്രീമദ്വേദവ്യാസവിരചിത വിശ്വനാഥാഷ്ടകം സംപൂര്ണമ്‌ ||