|| ଶ୍ରୀ କାଲଭୈରଵାଷ୍ଟକମ ||
******
ଦେଵରାଜସେଵ୍ୟ ମାନପାଵନାଂଘ୍ରି ପଂକଜଂ |
ଵ୍ୟାଲୟଜ୍ଞସୂତ୍ରମିଂଦୁ ଶେଖରଂ କୃପାକରଂ ||
ନାରଦାଦିୟୋଗିଵୃଂଦ ଵଂଦିତଂ ଦିଗଂବରଂ |
କାଶିକାପୁରାଦିନାଥ କାଲଭୈରଵଂ ଭଜେ || ୧ ||
ଭାନୁକୋଟି ଭାସ୍କରଂ ଭଵାବ୍ଧି ତାରକଂ ପରଂ |
ନୀଲକଂଠମୀପ୍ସିତାର୍ଥଦାୟକଂ ତ୍ରିଲୋଚନଂ ||
କାଲକାଲ ମଂବୁଜାକ୍ଷ ମକ୍ଷଶୂଲମକ୍ଷରଂ |
କାଶିକାପୁରାଦିନାଥ କାଲଭୈରଵଂ ଭଜେ || ୨ ||
ଶୂଲଟଂକପାଶ ଦଂଡପାଣିମାଦିକାରଣଂ |
ଶ୍ୟାମକାୟମାଦିଦେଵ ମକ୍ଷରଂ ନିରାମୟଂ ||
ଭୀମଵିକ୍ରମଂ ପ୍ରଭୁଂ ଵିଚିତ୍ର ତାଂଡଵ ପ୍ରିୟମ |
କାଶିକାପୁରାଦିନାଥ କାଲଭୈରଵଂ ଭଜେ || ୩ ||
ଭୁକ୍ତି ମୁକ୍ତି ଦାୟକଂ ପ୍ରଶସ୍ତ ଚାରୁ ଵିଗ୍ରହଂ |
ଭକ୍ତ ଵତ୍ସଲଂ ସ୍ଥିରଂ ସମସ୍ତ ଲୋକ ଵିଗ୍ରହଂ ||
ନିକ୍ଵଣନ୍ମନୋଜ୍ଞ ହେମ କିଂକିଣୀଲସତ୍କଟିଂ |
କାଶିକାପୁରାଦିନାଥ କାଲଭୈରଵଂ ଭଜେ || ୪ ||
ଧର୍ମସେତୁପାଲକଂ ତ୍ଵଧର୍ମ ମାର୍ଗନାଶକଂ |
କର୍ମପାଶମୋଚକଂ ସୁଶର୍ମ ଦାୟକଂ ଵିଭୁମ ||
ସ୍ଵର୍ଣଵର୍ଣଶେଷ ପାଶ ଶୋଭିତାଂଗ ମଂଡଲଂ |
କାଶିକାପୁରାଦିନାଥ କାଲଭୈରଵଂ ଭଜେ || ୫ ||
ରତ୍ନପାଦୁକାପ୍ରଭାଭିରାମ ପାଦୟୁଗ୍ମକଂ |
ନିତ୍ୟ ମଦ୍ଵିତୀୟ ମିଷ୍ଟଦୈଵତଂ ନିରଂଜନମ ||
ମୃତ୍ୟୁଦର୍ପନାଶକଂ କରାଲଦଂଷ୍ଟ୍ର ମୋକ୍ଷଣଂ |
କାଶିକାପୁରାଦିନାଥ କାଲଭୈରଵଂ ଭଜେ || ୬ ||
ଅଟ୍ଟହାସଭିନ୍ନ ପଦ୍ମ ଜାଂଡକୋଶ ସଂତତିଂ |
ଦୃଷ୍ଟି ପାତନଷ୍ଟ ପାପଜାଲ ମୁଗ୍ରଶାସନମ ||
ଅଷ୍ଟସିଦ୍ଧିଦାୟକଂ କପାଲ ମାଲିକାଧରଂ |
କାଶିକାପୁରାଦିନାଥ କାଲଭୈରଵଂ ଭଜେ || ୭ ||
ଭୂତସଂଘନାୟକଂ ଵିଶାଲ କୀର୍ତିଦାୟକଂ |
କାଶିଵାସଲୋକପୁଣ୍ୟ ପାପଶୋଧକଂ ଵିଭୁମ ||
ନୀତି ମାର୍ଗକୋଵିଦଂ ପୁରାତନଂ ଜଗତ୍ପତିଂ |
କାଶିକାପୁରାଦିନାଥ କାଲଭୈରଵଂ ଭଜେ || ୮ ||
କାଲଭୈରଵାଷ୍ଟକଂ ପଠଂତି ୟେ ମନୋହରଂ |
ଜ୍ଞାନମୁକ୍ତି ସାଧନଂ ଵିଚିତ୍ର ପୁଣ୍ୟ ଵର୍ଧନମ ||
ଶୋକମୋହଲୋଭଦୈନ୍ୟ କୋପତାପନାଶନମ ||
ତେ ପ୍ରୟାଂତି କାଲଭୈରଵାଂଘ୍ରି ସନ୍ନିଂଧ୍ରୁଵମ || ୯ ||
|| ସଂପୂର୍ଣମ୍ ||