|| କୃଷ୍ଣ ଅଷ୍ଟକମ୍ ||
******
|| ହରେ କୃଷ୍ଣ ହରେ କୃଷ୍ଣ, କୃଷ୍ଣ କୃଷ୍ଣ ହରେ ହରେ ||
ଵସୁଦେଵ ସୁତଂ ଦେଵଂ କଂସ ଚାଣୂର ମର୍ଦନମ୍ |
ଦେଵକୀ ପରମାନଂଦଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୧ ||
ଅତସୀ ପୁଷ୍ପ ସଂକାଶଂ ହାର ନୂପୁର ଶୋଭିତମ୍ |
ରତ୍ନ କଂକଣ କେୟୂରଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୨ ||
କୁଟିଲାଲକ ସଂୟୁକ୍ତଂ ପୂର୍ଣଚଂଦ୍ର ନିଭାନନମ୍ |
ଵିଲସତ୍କୁଂଡଲ ଧରଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୩ ||
ମଂଦାର ଗଂଧ ସଂୟୁକ୍ତଂ ଚାରୁହାସଂ ଚତୁର୍ଭୁଜମ୍ |
ବର୍ହି ପିଂଛାଵ ଚୂଡାଂଗଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୪ ||
ଉତ୍ପୁଲ୍ଲ ପଦ୍ମପତ୍ରାକ୍ଷଂ ନୀଲଜୀମୂତ ସନ୍ନିଭମ୍ |
ୟାଦଵାନାଂ ଶିରୋରତ୍ନଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୫ ||
ରୁକ୍ମିଣୀ କେଳି ସଂୟୁକ୍ତଂ ପୀତାଂବର ସୁଶୋଭିତମ୍ |
ଅଵାପ୍ତ ତୁଲସୀ ଗଂଧଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୬ ||
ଗୋପିକାନାଂ କୁଚଦ୍ଵଂଦ କୁଂକୁମାଂକିତ ଵକ୍ଷସମ୍ |
ଶ୍ରୀନିକେତଂ ମହେଷ୍ଵାସଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୭ ||
ଶ୍ରୀଵତ୍ସାଂକଂ ମହୋରସ୍କଂ ଵନମାଲା ଵିରାଜିତମ୍ |
ଶଂଖଚକ୍ର ଧରଂ ଦେଵଂ କୃଷ୍ଣଂ ଵଂଦେ ଜଗଦ୍ଗୁରୁମ୍ || ୮ ||
**
କୃଷ୍ଣାଷ୍ଟକ ମିଦଂ ପୁଣ୍ୟଂ ପ୍ରାତରୁତ୍ଥାୟ ୟଃ ପଠେତ୍ |
କୋଟିଜନ୍ମ କୃତଂ ପାପଂ ସ୍ମରଣେନ ଵିନଶ୍ୟତି ||