|| ମଧୁରାଷ୍ଟକମ୍ ||
******
ଅଧରଂ ମଧୁରଂ ଵଦନଂ ମଧୁରଂ ନୟନଂ ମଧୁରଂ ହସିତଂ ମଧୁରମ୍ |
ହୃଦୟଂ ମଧୁରଂ ଗମନଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୧ ||
ଵଚନଂ ମଧୁରଂ ଚରିତଂ ମଧୁରଂ ଵସନଂ ମଧୁରଂ ଵଲିତଂ ମଧୁରମ୍ |
ଚଲିତଂ ମଧୁରଂ ଭ୍ରମିତଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୨ ||
ଵେଣୁର୍ମଧୁରୋ ରେଣୁର୍ମଧୁରଃ ପାଣି-ର୍ମଧୁରଃ ପାଦୌ ମଧୁରୌ |
ନୃତ୍ୟଂ ମଧୁରଂ ସଖ୍ୟଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୩ ||
ଗୀତଂ ମଧୁରଂ ପୀତଂ ମଧୁରଂ ଭୁକ୍ତଂ ମଧୁରଂ ସୁପ୍ତଂ ମଧୁରମ୍ |
ରୂପଂ ମଧୁରଂ ତିଲକଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୪ ||
କରଣଂ ମଧୁରଂ ତରଣଂ ମଧୁରଂ ହରଣଂ ମଧୁରଂ ସ୍ମରଣଂ ମଧୁରଂ |
ଵମିତଂ ମଧୁରଂ ଶମିତଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୫ ||
ଗୁଂଜା ମଧୁରା ମାଲା ମଧୁରା ୟମୁନା ମଧୁରା ଵୀଚୀ ମଧୁରା |
ସଲିଲଂ ମଧୁରଂ କମଲଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୬ ||
ଗୋପୀ ମଧୁରା ଲୀଲା ମଧୁରା ୟୁକ୍ତଂ ମଧୁରଂ ମୁକ୍ତଂ ମଧୁରମ୍ |
ଦୃଷ୍ଟଂ ମଧୁରଂ ଶିଷ୍ଟଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୭ ||
ଗୋପା ମଧୁରା ଗାଵୋ ମଧୁରା ୟଷ୍ଟି ର୍ମଧୁରା ସୃଷ୍ଟିର୍ମଧୁରା |
ଦଲିତଂ ମଧୁରଂ ଫଲିତଂ ମଧୁରଂ ମଧୁରାଧିପତେରଖିଲଂ ମଧୁରମ୍ || ୮ ||
|| ଇତୀ ଶ୍ରୀ ମଦ୍ଵଲ୍ଲଭାଚାର୍ୟ ଵିରଚିତ ମଧୁରାଷ୍ଟକଂ ସଂପୂର୍ଣମ୍ ||