|| ମହିଷାସୁର ମର୍ଦିନି ସ୍ତୋତ୍ରମ୍ ||
******
ଅୟିଗିରି ନଂଦିନି ନଂଦିତ ମେଦିନି ଵିଶ୍ଵ ଵିନୋଦିନି ନଂଦନୁତେ |
ଗିରିଵର ଵିଂଧ୍ୟ ଶିରୋଽଧିନିଵାସିନି ଵିଷ୍ଣୁଵିଲାସିନି ଜିଷ୍ଣୁନୁତେ |
ଭଗଵତି ହେ ଶିତିକଂଠ କୁଟୁଂବିନି ଭୂରିକୁଟୁଂବିନି ଭୂରିକୃତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧ ||
ସୁରଵରଵର୍ଷିଣି ଦୁର୍ଧରଧର୍ଷିଣି ଦୁର୍ମୁଖମର୍ଷିଣି ହର୍ଷରଶେ |
ତ୍ରିଭୁଵନପୋଷିଣି ଶଂକରତୋଷିଣି କିଲ୍ବିଷମୋଷିଣି ଘୋଷରତେ |
ଦନୁଜନିରୋଷିଣି ଦିତିସୁତରୋଷିଣି ଦୁର୍ମଦଶୋଷିଣି ସିଂଧୁସୁତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୨ ||
ଅୟି ଜଗଦଂବ ମଦଂବ କଦଂବ ଵନପ୍ରିୟଵାସିନି ହାସରତେ |
ଶିଖରିଶିରୋମଣି ତୁଂଗହିମାଲୟ ଶୃଂଗନିଜାଲୟ ମଧ୍ୟଗତେ |
ମଧୁମଧୁରେ ମଧୁକୈଟଭଗଂଜିନି କୈଟଭଭଂଜିନି ରାସରତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୩ ||
ଅୟି ଶତଖଂଡ ଵିଖଂଡିତରୁଂଡ ଵିତୁଂଡିତଶୁଂଡ ଗଜାଧିପତେ |
ରିପୁଗଜଗଂଡ ଵିଦାରଣଚଂଡ ପରାକ୍ରମଶୁଂଡ ମୃଗାଧିପତେ |
ନିଜଭୁଜଦଂଡ ନିପାତିତଖଂଡ ଵିପାତିତମୁଂଡ ଭଟାଧିପତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୪ ||
ଅୟିରଣଦୁର୍ମଦ ଶତ୍ରୁଵଧୋଦିତ ଦୁର୍ଧରନିର୍ଜର ଶକ୍ତିଭୃତେ |
ଚତୁରଵିଚାର ଧୁରୀଣମହାଶିଵ ଦୂତକୃତ ପ୍ରମଥାଧିପତେ |
ଦୁରିତଦୁରୀହ ଦୁରାଶୟଦୁର୍ମତି ଦାନଵଦୂତ କୃତାଂତମତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୫ ||
ଅୟି ଶରଣାଗତ ଵୈରିଵଧୂଵର ଵୀରଵରାଭୟ ଦାୟକରେ |
ତ୍ରିଭୁଵନମସ୍ତକ ଶୂଲଵିରୋଧି ଶିରୋଽଧିକୃତାମଲ ଶୂଲକରେ |
ଦୁମିଦୁମିତାମର ଦୁଂଦୁଭିନାଦ ମହୋମୁଖରୀକୃତ ତିଗ୍ମକରେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୬ ||
ଅୟିନିଜହୁଂକୃତି ମାତ୍ରନିରାକୃତ ଧୂମ୍ରଵିଲୋଚନ ଧୂମ୍ରଶତେ |
ସମରଵିଶୋଷିତ ଶୋଣିତବୀଜ ସମୁଦ୍ଭଵଶୋଣିତ ବୀଜଲତେ |
ଶିଵଶିଵଶିଵ ଶୁଂଭନିଶୁଂଭ ମହାହଵତର୍ପିତ ଭୂତପିଶାଚରତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୭ ||
ଧନୁରନୁସଂଗ ରଣକ୍ଷଣସଂଗ ପରିସ୍ଫୁରଦଂଗ ନଟତ୍କଟକେ |
କନକପିଶଂଗ ପୃଷତ୍କନିଷଂଗ ରସଦ୍ଭଟଶୃଂଗ ହତାବଟୁକେ |
କୃତଚତୁରଂଗ ବଲକ୍ଷିତିରଂଗ ଘଟଦ୍ଭହୁରଂଗ ରଟଦ୍ବଟୁକେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୮ ||
ଜୟଜୟ ଜପ୍ୟ ଜୟେଜୟଶବ୍ଦ ପରସ୍ତୁତି ତତ୍ପରଵିଶ୍ଵନୁତେ |
ଝଣଝଣ ଝିଂଝିମି ଝିଂକୃତନୂପୁର ଶିଂଜିତମୋହିତ ଭୂତପତେ |
ନଟିତ ନଟାର୍ଥ ନଟୀନଟନାୟକ ନାଟିତନାଟ୍ୟ ସୁଗାନରତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୯ ||
ଅୟି ସୁମନ: ସୁମନ: ସୁମନ: ସୁମନ: ସୁମନୋହର କାଂତିୟୁତେ |
ଶ୍ରିତରଜନୀ ରଜନୀରଜନୀ ରଜନୀ ରଜନୀକର ଵକ୍ତ୍ରଵୃତେ |
ସୁନୟନଵିଭ୍ରମର ଭ୍ରମର ଭ୍ରମର ଭ୍ରମର ଭ୍ରମରାଧିପତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୦ ||
ସହିତମହାହଵ ମଲ୍ଲମତଲ୍ଲିକ ମଲ୍ଲିତରଲ୍ଲକ ମଲ୍ଲରତେ |
ଵିରଚିତଵଲ୍ଲିକ ପଲ୍ଲିକମଲ୍ଲିକ ଝିଲ୍ଲିକଭିଲ୍ଲିକ ଵର୍ଗଵୃତେ |
ଶିତକୃତଫୁଲ୍ଲ ସମୁଲ୍ଲସିତାରୁଣ ତଲ୍ଲଜପଲ୍ଲଵ ସଲ୍ଲଲିତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୧ ||
ଅଵିରଲଗଂଡ ଗଲନ୍ମଦମେଦୁର ମତ୍ତମତଂଗଜ ରାଜପତେ |
ତ୍ରିଭୁଵନଭୂଷଣ ଭୂତକଲାନିଧି ରୂପପୟୋନିଧି ରାଜସୁତେ |
ଅୟି ସୁଦତୀଜନ ଲାଲସମାନସ ମୋହନମନ୍ମଥ ରାଜସୁତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୨ ||
କମଲଦଲାମଲ କୋମଲକାଂତିଲ କଲାକଲିତାମଲ ଭାଲଲତେ |
ସକଲଵିଲାସ କଲାନିଲୟକ୍ରମ କେଲିଚଲତ୍କଲ ହଂସକୁଲେ |
ଅଲିକୁଲସଂକୁଲ କୁଵଲୟମଂଡଲ ମୌଲିମିଲଦ୍ଭକୁଲାଲିକୁଲେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୩ ||
କରମୁରଲୀରଵ ଵୀଜିତକୂଜିତ ଲଜ୍ଜିତକୋକିଲ ମଂଜୁମତେ |
ମିଲିତପୁଲିଂଦ ମନୋହରଗୁଂଜିତ ରଂଜିତଶୈଲ ନିକୁଂଜଗତେ |
ନିଜଗୁଣଭୂତ ମହାଶବରୀଗଣ ସଦ୍ଗୁଣସଂଭୃତ କେଲିତଲେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୪ ||
କଟିତଟପୀତ ଦୁକୂଲଵିଚିତ୍ର ମୟୂଖତିରସ୍କୃତ ଚଂଦ୍ରରୁଚେ |
ପ୍ରଣତସୁରାସୁର ମୌଲିମଣିସ୍ଫୁର ଦଂଶୁଲସନ୍ନଖ ଚଂଦ୍ରରୁଚେ |
ଜିତକନକାଚଲ ମୌଲିମଦୋର୍ଜିତ ନିର୍ଭରକୁଂଜର କୁଂଭକୁଚେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୫ ||
ଵିଜିତସହସ୍ର କରୈକସହସ୍ର କରୈକସହସ୍ର କରୈକନୁତେ |
କୃତସୁରତାରକ ସଂଗରତାରକ ସଂଗରତାରକ ସୂନୁସୁତେ |
ସୁରଥସମାଧି ସମାନସମାଧି ସମାଧିସମାଧି ସୁଜାତରତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୬ ||
ପଦକମଲଂ କରୁଣାନିଲୟେ ଵରିଵସ୍ୟତି ୟୋଽନୁଦିନଂ ସଶିଵେ |
ଅୟିକମଲେ କମଲାନିଲୟେ କମଲାନିଲୟ: ସକଥଂ ନ ଭଵେତ୍ |
ତଵପଦମେଵ ପରଂପଦମିତ୍ୟନୁ ଶୀଲୟତୋ ମମ କିଂ ନ ଶିଵେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୭ ||
କନକଲସତ୍କଲ ସିଂଧୁଜଲୈରନୁ ସିଂଜିନୁତେଗୁଣ ରଂଗଭୁଵମ୍ |
ଭଜତି ସକିଂ ନ ଶଚୀକୁଚକୁଂଭ ତଟୀପରିରଂଭ ସୁଖାନୁଭଵମ୍ |
ତଵ ଚରଣଂ ଶରଣଂ କରଵାଣି ନତାମରଵାଣି ନିଵାସି ଶିଵମ୍ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୮ ||
ତଵଵିମଲେଂଦୁ କୁଲଂଵଦନେଂଦୁ ମଲଂସକଲଂ ଅନୁକୂଲୟତେ |
କିମୁ ପୁରୁହୂତପୁରିଂଦୁ ମୁଖୀ ସୁମୁଖୀଭିରସୌ ଵିମୁଖୀକ୍ରିୟତେ |
ମମ ତୁ ମତଂ ଶିଵନାମଧନେ ଭଵତିକୃପୟା କିମୁତକ୍ରିୟତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୧୯ ||
ଅୟିମୟି ଦୀନଦୟାଲୁତୟା କୃପୟୈଵ ତ୍ଵୟା ଭଵିତଵ୍ୟମୁମେ |
ଅୟି ଜଗତୋଜନନୀ କୃପୟାସି ୟଥାସି ତଥାନୁମିତାସିରତେ |
ୟଦୁଚିତମତ୍ର ଭଵତ୍ୟୁରରୀକୁରୁ ତାଦୁରୁତାପ ମପାକୁରୁତେ |
ଜୟ ଜୟ ହେ ମହିଷାସୁରମର୍ଦିନି ରମ୍ୟକପର୍ଦିନି ଶୈଲସୁତେ || ୨୦ ||
***
ସ୍ତୁତିମିତିସ୍ତିମିତସ୍ତୁ ସମାଧିନା ନିୟମତୋଽ ନିୟମତୋନୁଦିନଂ ପଠେତ୍ |
ସରମୟା ରମୟା ସହସେଵ୍ୟଶେ ପରିଜନୋହି ଜନୋଽପି ଚ ସୁଖୀ ଭଵେତ୍ ||
ଇତି ଶ୍ରୀ ମହିଷାସୁର ମର୍ଦିନି ସ୍ତୋତ୍ରଂ ସଂପୂର୍ଣମ୍ ||