ଶନି ଗ୍ରହ ଶାଂତି ସ୍ତୋତ୍ରମ୍
******
- ଅଥ ଶ୍ରୀ ଶନୈଶ୍ଚରାଷ୍ଟୋତ୍ତର ଶତନାମ ସ୍ତୋତ୍ରମ୍ -
ଶନୈଶ୍ଚରାୟ ଶାଂତାୟ ସର୍ଵାଭିଷ୍ଟ ପ୍ରଦାୟିନେ |
ଶରଣ୍ୟାୟ ଵରେଣ୍ୟାୟ ସର୍ଵେଶାୟ ନମୋ ନମ: || ୧ ||
ସୌମ୍ୟାୟ ସୁରଵଂଦ୍ୟାୟ ସୁରଲୋକ ଵିହାରିଣେ |
ସୁଖାସନୋପଵିଷ୍ଟାୟ ସୁଂଦରାୟ ନମୋ ନମ: || ୨ ||
ଘନାୟ ଘନରୂପାୟ ଘନାଭରଣଧାରିଣେ |
ଘନସାରଵିଲେପାୟ ଖଦ୍ୟୋତାୟ ନମୋ ନମ: || ୩ ||
ମଂଦାୟ ମଂଦଚେଷ୍ଟାୟ ମହନୀୟ ଗୁଣାତ୍ମନେ |
ମର୍ତ୍ୟପାଵନ ପାଦାୟ ମହେଶାୟ ନମୋ ନମ: || ୪ ||
ଛାୟାପୁତ୍ରାୟ ଶର୍ଵାୟ ଶରତୂଣୀରଧାରିଣେ |
ଚରସ୍ଥିରସ୍ଵଭାଵାୟ ଚଂଚଲାୟ ନମୋ ନମ: || ୫ ||
ନୀଲଵର୍ଣାୟ ନିତ୍ୟାୟ ନୀଲାଂଜନ ନିଭାୟଚ |
ନୀଲାଂବର ଵିଭୂଷାୟ ନିଶ୍ଚଲାୟ ନମୋ ନମ: || ୬ ||
ଵେଦ୍ୟାୟ ଵିଧିରୂପାୟ ଵିରୋଧାଧାର ଭୂମୟେ |
ଵେଦାସ୍ପଦ ସ୍ଵଭାଵାୟ ଵଜ୍ରଦେହାୟ ତେ ନମ: || ୭ ||
ଵୈରାଗ୍ୟଦାୟ ଵୀରାୟ ଵୀତରୋଗଭୟାୟ ଚ |
ଵିପତ୍ପରଂପରେଶାୟ ଵିଶ୍ଵଵଂଦ୍ୟାୟ ତେ ନମ: || ୮ ||
ଗୃଧ୍ରଵାହାୟ ଗୂଢାୟ କୂର୍ମାଂଗାୟ କୁରୂପିଣେ |
କୁତ୍ସିତାୟ ଗୁଣାଢ୍ୟାୟ ଗୋଚରାୟ ନମୋ ନମ: || ୯ ||
ଅଵିଦ୍ୟାମୂଲନାଶାୟ ଵିଦ୍ୟାଵିଦ୍ୟା ସ୍ଵରୂପିଣେ |
ଆୟୁଷ୍ୟକାରଣାୟାପଦ୍ଧର୍ତ୍ରେ ତସ୍ମୈ ନମୋ ନମ: || ୧୦ ||
ଵିଷ୍ଣୁଭକ୍ତାୟ ଵଶିନେ ଵିଵିଧାଗମଵେଦିନେ |
ଵିଧିସ୍ତୁତ୍ୟାୟ ଵଂଦ୍ୟାୟ ଵିରୂପାକ୍ଷାୟତେ ନମ: || ୧୧ ||
ଵରିଷ୍ଠାୟ ଗରିଷ୍ଠାୟ ଵଜ୍ରାଂକୁଶଧରାୟ ଚ |
ଵରଦାଭୟହସ୍ତାୟ ଵାମନାୟ ନମୋ ନମ: || ୧୨ ||
ଜ୍ୟେଷ୍ଠାପତ୍ନୀସମେତାୟ ଶ୍ରେଷ୍ଠାୟାମିତ ଭାଷିଣେ |
କଷ୍ଟୌଘନାଶକର୍ୟାୟ ପୁଷ୍ଟିଦାୟ ନମୋ ନମ: || ୧୩ ||
ସ୍ତୁତ୍ୟାୟ ସ୍ତୋତ୍ରଗମ୍ୟାୟ ଭକ୍ତଵଶ୍ଯାୟ ଭାନଵେ |
ଭାନୁପୁତ୍ରାୟ ଭଵ୍ୟାୟ ପାଵନାୟ ନମୋ ନମ: || ୧୪ ||
ଧନୁର୍ମଂଡଲ ସଂସ୍ଥାୟ ଧନଦାୟ ଧନୁଷ୍ମତେ |
ତନୁପ୍ରକାଶ ଦେହାୟ ତାମସାୟ ନମୋ ନମ: || ୧୫ ||
ଆଶେଷଧନିଵଂଦ୍ଯାୟ ଵିଶେଷ ଫଲଦାୟିନେ |
ଵଶୀକୃତ ଜନେଶାୟ ପଶୂନାମ୍ ପତୟେ ନମ: || ୧୬ ||
ଖେଚରାୟ ଖଗେଶାୟ ଘନ ନୀଲାଂବରାୟ ଚ |
କାଠିଣ୍ୟମାନସାୟାର୍ୟ ଗୁଣସ୍ତୁତ୍ୟାୟ ତେ ନମ: || ୧୭ ||
ନୀଲଚ୍ଛତ୍ରାୟ ନିତ୍ୟାୟ ନିର୍ଗୁଣାୟ ଗୁଣାତ୍ମନେ |
ନିରାମୟାୟନିଂଦ୍ୟାୟ ଵଂଦନୀୟାୟ ତେ ନମ: || ୧୮ ||
ଧୀରାୟ ଦିଵ୍ୟଦେହାୟ ଦୀନାର୍ତିହରଣାୟ ଚ |
ଦୈନ୍ୟନାଶକରାୟାର୍ୟ ଜନଗଣ୍ୟାୟ ତେ ନମ: || ୧୯ ||
କ୍ରୂରାୟ କ୍ରୂରଚେଷ୍ଟାୟ କାମକ୍ରୋଧ ଧରାୟ ଚ |
କଳତ୍ର ପୁତ୍ର ଶତ୍ରୁତ୍ଵ କାରଣାୟ ନମୋ ନମ: || ୨୦ ||
ପରିପୋଷିତ ଭକ୍ତାୟ ପରଭୀତି ହରାୟ ଚ |
ଭକ୍ତସଂଘ ମନୋଽଭୀଷ୍ଟ ଫଲଦାୟ ନମୋ ନମ: || ୨୧ ||
|| ଇତି ଶ୍ରୀ ଶନୈଶ୍ଚରାଷ୍ଟୋତ୍ତର ଶତନାମ ସ୍ତୋତ୍ରମ୍ ସଂପୂର୍ଣମ୍ ||