|| ଶନି ଵଜ୍ର ପଂଜର କଵଚମ୍ ||
******
ନୀଲାଂବରୋ ନୀଲଵପୁ: କିରିଟୀ: |
ଗୃଧ୍ରସ୍ଥିତାସ୍ତ୍ରକରୋ ଧନୁଷ୍ମାନ୍ |
ଚତୁର୍ଭୁଜ: ସୂର୍ୟସୁତ: ପ୍ରସନ୍ନ:
ସଦା ମମସ୍ୟାଦ୍ଵରଦ: ପ୍ରଶାଂତ: ||
- ବ୍ରହ୍ମ ଉଵାଚ -
ଶୃଣୁଧ୍ଵଂ ଋଷୟ: ସର୍ଵେ: ଶନି ପୀଡାହରମ ମହତ୍ |
କଵଚଂ ଶନିରାଜସ୍ୟ ସୌରୈରିଦମନୁତ୍ତମମ୍ ||
କଵଚଂ ଦେଵତାଵାସଂ ଵଜ୍ର ପଂଜର ସଂଙକମ୍ |
ଶନୈଶ୍ଚର ପ୍ରୀତିକରଂ ସର୍ଵସୌଭାଗ୍ୟଦାୟକମ୍ ||
- ହରି: ଓଂ -
ଓଂ ଶନୈଶ୍ଚର ପାତୁ ଭାଲଂ ମେ ସୂର୍ୟନଂଦନ: |
ନେତ୍ରେ ଛାୟାତ୍ମଜ: ପାତୁ ପାତୁ କର୍ଣୌ ୟମାନୁଜ: || ୧ ||
ନାସାଂ ଵୈଵସ୍ଵତ: ପାତୁ ମୁଖଂ ମେ ଭାସ୍କର: ସଦା |
ସ୍ନିଗ୍ଧକଂଠଶ୍ଚ ମେ କଂଠଂ ଭୁଜୌ ପାତୁ ମହାଭୁଜ: || ୨ ||
ସ୍କଂଧୌ ପାତୁ ଶନିଶ୍ଚୈଵ କରୌ ପାତୁ ଶୁଭପ୍ରଦ: |
ଵକ୍ଷ: ପାତୁ ୟମଭ୍ରାତା କୁକ୍ଷିଂ ପାତ୍ଵସିତସ୍ତଥା || ୩ ||
ନାଭିଂ ଗ୍ରହପତି: ପାତୁ ମଂଦ: ପାତୁ କଟିଂ ତଥା |
ଊରୂ ମମାଂତକ: ପାତୁ ୟମୋ ଜାନୁୟୁଗଂ ତଥା || ୪ ||
ପାଦୌ ମଂଦଗତି: ପାତୁ ସର୍ଵାଂଗଂ ପାତୁ ପିପ୍ପଲ: |
ଅଂଗୋପାଂଗାନି ସର୍ଵାଣି ରକ୍ଷେନ ମେ ସୂର୍ୟନଂଦନ: || ୫ ||
- ଫଲଶ୍ରୁତି: -
ଇତ୍ୟେତତ୍କଵଚଂ ଦିଵ୍ୟଂ ପଠେତ୍ସୂର୍ୟ ସୁତସ୍ୟ ୟ: |
ନ ତସ୍ୟ ଜାୟତେ ପୀଡା ପ୍ରୀତୋ ଭଵତି ସୂର୍ୟଜ: ||
ଵ୍ୟୟଜନ୍ମଦ୍ଵିତୀୟସ୍ଥୋ ମୃତ୍ୟୁସ୍ଥାନଗତୋପିଵା |
କଲତ୍ରସ୍ଥୋ ଗତୋଵାପି ସୁପ୍ରୀତସ୍ତୁ ସଦା ଶନି: ||
ଅଷ୍ଟମସ୍ଥୋ ସୂର୍ୟସୁତେ ଵ୍ୟୟେ ଜନ୍ମଦ୍ଵିତୀୟଗେ |
କଵଚଂ ପଠତେ ନିତ୍ୟଂ ନ ପୀଡା ଜାୟତେ କ୍ଵଚିତ୍ ||
ଇତ୍ୟେତତ୍କଵଚଂ ଦିଵ୍ୟଂ ସୌରେର୍ୟନ୍ନିର୍ମିତଂ ପୁରା |
ଦ୍ଵାଦଶାଷ୍ଟମଜନ୍ମସ୍ଥ ଦୋଶାନ୍ନାଶୟତେ ସଦା |
ଜନ୍ମ ଲଗ୍ନସ୍ଥିତାନ୍ ଦୋଷାନ୍ ସର୍ଵନ୍ନାଶୟତେ ପ୍ରଭୁ: ||
ଇତୀ ଶ୍ରୀ ବ୍ରହ୍ମାଂଡପୁରାଣେ ବ୍ରହ୍ମନାରଦସଂଵାଦେ ଶନିଵଜ୍ରପଂଜର କଵଚଂ ସଂପୂର୍ଣମ୍ ||