|| ଶିଵାଷ୍ଟକଂ ||
******
ପ୍ରଭୁଂ ପ୍ରାଣନାଥଂ ଵିଭୁଂ ଵିଶ୍ଵନାଥଂ ଜଗନାଥନାଥଂ ସଦାନଂଦଭାଜାମ୍ |
ଭଵେଦ୍ଭଵ୍ୟ ଭୂତେଶ୍ଵରଂ ଭୂତନାଥଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୧ ||
ଗଲେ ରୁଂଡମାଲଂ ତନୌ ସର୍ପଜାଲଂ ମହା କାଲକାଲଂ ଗଣେଶାଦିପାଲମ୍ |
ଜଟାଜୂଟ ଭଂଗୋତ୍ତରଂଗୈର୍ଵିଶାଲଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୨ ||
ମୁଦାମାକରଂ ମଂଡନଂ ମଂଡୟଂତଂ ମହାମଂଡଲଂ ଭସ୍ମଭୂଷାଧରଂ ତମ୍ |
ଅନାଦିହ୍ୟପାରଂ ମହାମୋହହାରଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୩ ||
ଵଟାଧୋନିଵାସଂ ମହାଟ୍ଟଟ୍ଟହାସଂ ମହାପାପ ନାଶଂ ସଦା ସୁପ୍ରକାଶମ୍ |
ଗିରୀଶଂ ଗଣେଶଂ ସୁରେଶଂ ମହେଶଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୪ ||
ଗିରଈଂଦ୍ରାତ୍ମଜା ସଂଗ୍ରହିତାର୍ଧ ଦେହଂ ଗିରୌ ସଂସ୍ଥିତଂ ସର୍ଵଦା ସନ୍ନଗେହମ୍ |
ପରବ୍ରହ୍ମ ବ୍ରହ୍ମାଦିଭିର୍ଵଂଧ୍ୟମାନଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୫ ||
କପାଲଂ ତ୍ରିଶୂଲଂ କରାଭ୍ୟାଂ ଦଧାନଂ ପଦାଂଭୋଜନମ୍ରାୟ କାମଂ ଦଦାନମ୍ |
ବଲୀଵର୍ଦୟାନଂ ସୁରାଣାଂ ପ୍ରଧାନଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୬ ||
ଶରଚ୍ଚଂଦ୍ର ଗାତ୍ରଂ ଗୁଣାନଂଦ ପାତ୍ରଂ ତ୍ରିନେତ୍ରଂ ପଵିତ୍ରଂ ଧନେଶସ୍ୟ ମିତ୍ରମ୍ |
ଅପର୍ଣା କଳତ୍ରଂ ଚରିତ୍ରଂ ଵିଚିତ୍ରଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୭ ||
ହରଂ ସର୍ପହାରଂ ଚିତାଭୂଵିହାରଂ ଭଵଂ ଵେଦସାରଂ ସଦା ନିର୍ଵିକାରମ୍ |
ସ୍ମଶାନେ ଵଦଂତଂ ମନୋଜଂ ଦହଂତଂ ଶିଵଂ ଶଂକରଂ ଶଂଭୁମୀଶାନ ମୀଡେ || ୮ ||
*
ସ୍ତଵଂ ୟ: ପ୍ରଭାତେ ନରଶ୍ଯୂଲପାଣେ ପଠେତ ସ୍ତୋତ୍ରରତ୍ନଂ ତ୍ଵିହପ୍ରାପ୍ୟ ରତ୍ନମ୍ |
ସୁପୁତ୍ରଂ ସୁଧାନ୍ୟଂ ସୁମିତ୍ରଂ କଳତ୍ରଂ ଵିଚିତ୍ରୈସ୍ସମାରାଧ୍ୟମୋକ୍ଷଂ ପ୍ରୟାତି ||
|| ଇତୀ ଶିଵାଷ୍ଟକମ ସଂପୂର୍ଣମ୍ ||