|| ଶିଵ ନାମାଵଳି ଅଷ୍ଟକମ୍ ||
******
ହେ ଚନ୍ଦ୍ରଚୂଡ ମଦନାନ୍ତକ ଶୂଲପାଣେ
ସ୍ଥାନୋ ଗିରୀଶ ଗିରିଜେଶ ମହେଶ ଶଂଭୋ |
ଭୂତେଶ ଭୀତଭୟସୂଦନ ମାମନାଥମ୍
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ |||୧||
ହେ ପାର୍ଵତୀହୃଦୟଵଲ୍ଲଭ ଚଂଦ୍ରମୌଳେ
ଭୂତାଧିପ ପ୍ରମଥନାଥ ଗିରୀଶ ଚାପ |
ହେ ଵାମଦେଵ ଭଵରୁଦ୍ର ପିନାକପାଣେ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୨||
ହେ ନୀଲକଂଠ ଵୃଷଭଧ୍ଵଜ ପଂଚଵକ୍ତ୍ର
ଲୋକେଶ ଶେଷଵଲୟ ପ୍ରମଥେଶ ଶର୍ଵ |
ହେ ଧୂର୍ଜଟେ ପଶୁପତେ ଗିରିଜାପତେ ମାଂ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୩||
ହେ ଵିଶ୍ଵନାଥ ଶିଵଶଂକର ଦେଵଦେଵ
ଗଂଗାଧର ପ୍ରମଥନାୟକ ନଂଦିକେଶ |
ବାଣେଶ୍ଵରାଂଧକରିପୋ ହରଲୋକନାଥ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୪||
ଵାରଣାସୀ ପୁରପତେ ମଣିକର୍ଣକେଶ
ଵୀରେଶ ଦକ୍ଷ ମଖକାଲ ଵିଭୋ ଗଣେଶ |
ସର୍ଵଜ୍ଞ ସର୍ଵ ହୃଦୟୈକନିଵାସ ନାଥ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୫||
ଶ୍ରୀମନ୍ମହେଶ୍ଵର କୃପାମୟ ହେ ଦୟାଳୋ
ହେ ଵ୍ୟୋମକେଶ ଶିତିକଂଠ ଗଣାଧିନାଥ |
ଭସ୍ମାଂଗରାଗ ନୃକପାଲ କପାଲମାଲ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୬||
କୈଲାସଶୈଲ ଵିନିଵାସ ଵୃଷାକପେ
ହେ ମୃତ୍ୟୁଂଜୟ ତ୍ରିନୟନ ତ୍ରିଜନ୍ନିଵାସ |
ନାରାୟଣ ପ୍ରିୟ ମଦାପହ ଶକ୍ତିନାଥ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୭||
ଵିଶ୍ଵେଶ ଵିଶ୍ଵଭଵ ନାଶକ ଵିଶ୍ଵରୂପ
ଵିଶ୍ଵାତ୍ମକ ତ୍ରିଭୁଵନୈକ ଗୁଣାଭିଵେଶ |
ହେ ଵିଶ୍ଵବଂଧୁ କରୁଣାମୟ ଦୀନବଂଧୋ
ସଂସାରଦୁ:ଖ ଗହନାଜ୍ଜଗଦୀଶ ରକ୍ଷ ||୮||
ଗୌରୀଵିଲାସ ଭୁଵନାୟ ମହେଶ୍ଵରାୟ
ପଂଚାନନାୟ ଶରଣାଗତ କଲ୍ପକାୟ |
ଶର୍ଵାୟ ସର୍ଵଜଗତା ମଧିପାୟ ତସ୍ମ୍ୟେ
ଦାରିଦ୍ର୍ୟ ଦୁ:ଖଦହନାୟ ନମ:ଶିଵାୟ ||
|| ଇତି ଶ୍ରୀମତ ଶଂକରାଚାର୍ୟ ଵିରଚିତ ଶ୍ରୀ ଶିଵନାମାଵଲ୍ୟଷ୍ଟକମ୍ ସଂପୂର୍ଣମ୍ ||