|| ଶୁକ୍ର କଵଚଂ ||
******
- ଅଥ ଧ୍ୟାନମ୍ -
ମୃଣାଲକୁଂଦେଂଦୁପୟୋଜସୁପ୍ରଭଂ ପୀତାଂବରଂ ପ୍ରସୃତମକ୍ଷମାଲିନମ୍ |
ସମସ୍ତଶାସ୍ତ୍ରାର୍ଥ ଵିଧିଂ ମହାଂତଂ, ଧ୍ୟାୟେତ୍କଵିଂ ଵାଂଛିତମର୍ଥ ସିଦ୍ଧୟେ ||
- ଅଥ ଶୁକ୍ର କଵଚମ୍ -
ଓଂ ଶିରୋ ମେ ଭାର୍ଗଵ: ପାତୁ ଭାଲଂ ପାତୁ ଗ୍ରହାଦିପ: |
ନେତ୍ରେ ଦୈତ୍ୟଗୁରୁ: ପାତୁ ଶ୍ରୋତ୍ରେ ମେ ଚଂଦନଦ୍ୟୁତି: || ୧ ||
ପାତୁ ମେ ନାସିକାଂ କାଵ୍ୟୋ ଵଦନଂ ଦୈତ୍ୟଵଂଦିତ: |
ଵଚନଂ ଚୋଶନା: ପାତୁ କଂଠଂ ଶ୍ରୀକଂଠ ଭକ୍ତିମାନ || ୨ ||
ଭୁଜୌ ତେଜୋନିଧି: ପାତୁ କୁକ୍ଷିଂ ପାତୁ ମନୋଵ୍ରଜ: |
ନାଭିଂ ଭୃଗୁସୁତ: ପାତୁ ମଧ୍ୟଂ ପାତୁ ମହୀପ୍ରିୟ: || ୩ ||
କଟିଂ ମେ ପାତୁ ଵିଶ୍ଵାତ୍ମା ଊରୂ ମେ ସୁରପୂଜିତ: |
ଜାନୁଂ ଜାଡ୍ୟହର: ପାତୁ ଜଂଘେ ଜ୍ଞାନଵତାଂ ଵର: || ୪ ||
ଗୁଲ୍ଫୋ ଗୁଣନିଧି: ପାତୁ, ପାତୁ ପାଦୌ ଵରାଂବର: |
ସର୍ଵାଣ୍ୟଂଗାନି ମେ ପାତୁ ସ୍ଵର୍ଣମାଲାପରିଷ୍କୃତ: || ୫ ||
ୟ ଇଦଂ କଵଚଂ ଦିଵ୍ୟଂ ପଠତି ଶ୍ରଦ୍ଧୟାନ୍ଵିତ: |
ନ ତସ୍ୟ ଜାୟତେ ପୀଡା ଭାର୍ଗଵସ୍ୟ ପ୍ରସାଦତ: || ୬ ||
|| ଇତୀ ଶ୍ରୀ ବ୍ରହ୍ମାଂଡପୁରାଣେ ଶୁକ୍ରକଵଚମ୍ ସଂପୂର୍ଣମ୍ ||