|| ଶ୍ରୀ ସୂର୍ୟାଷ୍ଟକମ୍ ||
******
ଆଦିଦେଵ ନମସ୍ତୁଭ୍ୟଂ ପ୍ରସୀଦ ମମ ଭାସ୍କର: |
ଦିଵାକର ନମସ୍ତୁଭ୍ୟଂ ପ୍ରଭାକର ନମୋସ୍ତୁତେ || ୧ ||
ସପ୍ତାଶ୍ଵ ରଥମାରୂଢଂ ପ୍ରଚଂଡଂ କଶ୍ୟପାତ୍ମଜମ୍ |
ଶ୍ଵେତପଦ୍ମଧରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୨ ||
ଲୋହିତଂ ରଥମାରୂଢଂ ସର୍ଵଲୋକପିତାମହମ୍ |
ମହାପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୩ ||
ତ୍ରୈଗୁଣ୍ୟଂଚ ମହାଶୂରଂ ବ୍ରହ୍ମଵିଷ୍ଣୁମହେଶ୍ଵରମ୍ |
ମହାପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୪ ||
ବୃଂହିତଂ ତେଜ: ପୁଂଜଂ ଚ ଵାୟୁମାକାଶ ମେଵଚ |
ପ୍ରଭୁଂଚ ସର୍ଵ ଲୋକାନାଂ ତଂ ସୂର୍ୟଂ ପ୍ରଣମାମ୍ୟହମ୍ || ୫ ||
ବଂଧୂକ ପୁଷ୍ପ ସଂକାଶଂ ହାର କୁଂଡଲ ଭୂଷିତମ୍ |
ଏକ ଚକ୍ରଧରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୬ ||
ତଂ ସୂର୍ୟଂ ଜଗତ୍କର୍ତାରଂ ମହା ତେଜ: ପ୍ରଦୀପନମ୍ |
ମହାପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୭ ||
ତଂ ସୂର୍ୟଂ ଜଗତାଂ ନାଥଂ ଜ୍ଞାନଵିଜ୍ଞାନମୋକ୍ଷଦମ୍ |
ମହା ପାପ ହରଂ ଦେଵଂ ତଂ ସୂର୍ୟଂ ପ୍ରଣମାମ୍ୟହମ୍ || ୮ ||
ସୂର୍ୟାଷ୍ଟକଂ ପଠେନ୍ନିତ୍ୟଂ ଗ୍ରହପୀଡାପ୍ରଣାଶନମ୍ |
ଅପୁତ୍ରୋ ଲଭତେ ପୁତ୍ରଂ ଦରିଦ୍ରୋ ଧନଵାନ୍ ଭଵେତ୍ ||
|| ଇତି ଶ୍ରୀ ସୂର୍ୟାଷ୍ଟକଂ ସଂପୂର୍ଣମ୍ ||