|| ଵେଂକଟେଶ୍ଵର ସୁପ୍ରଭାତମ୍ ||
******
କୌସଲ୍ୟା ସୁପ୍ରଜା ରାମ ପୂର୍ଵାସଂଧ୍ୟା ପ୍ରଵର୍ତତେ |
ଉତ୍ତିଷ୍ଠ ନରଶାର୍ଦୂଲା କର୍ତଵ୍ୟଂ ଦୈଵମାହ୍ନିକମ୍ || ୧ ||
ଉତ୍ତିଷ୍ଠୋତ୍ତିଷ୍ଠ ଗୋଵିଂଦ ଉତ୍ତିଷ୍ଠ ଗରୁଢଦ୍ଵଜ |
ଉତ୍ତିଷ୍ଠ କମଲାକାଂତା ତ୍ରୈଲୋକ୍ୟଂ ମଂଗଳଂ କୁରୁ || ୨ ||
ମାତସ୍ସମସ୍ତ ଜଗତାଂ ମଧୁକୈଟଭାରେଃ
ଵକ୍ଷୋଵିହାରିଣି ମନୋହର ଦିଵ୍ୟମୂର୍ତେ |
ଶ୍ରୀସ୍ଵାମିନି ଶ୍ରିତଜନପ୍ରିୟ ଦାନଶୀଲେ
ଶ୍ରୀ ଵେଂକଟେଶ ଦୟିତେ ତଵ ସୁପ୍ରଭାତମ୍ || ୩ ||
ତଵ ସୁପ୍ରଭାତମରଵିଂଦ ଲୋଚନେ
ଭଵତୁ ପ୍ରସନ୍ନମୁଖ ଚଂଦ୍ରମଂଡଲେ |
ଵିଧି ଶଂକରେଂଦ୍ର ଵନିତାଭିରର୍ଚିତେ
ଵୃଶ ଶୈଲନାଥ ଦୟିତେ ଦୟାନିଧେ || ୪ ||
ଅତ୍ର୍ୟାଦି ସପ୍ତ ଋଷୟସ୍ସମୁପାସ୍ୟ ସଂଧ୍ୟାଂ
ଆକାଶ ସିଂଧୁ କମଲାନି ମନୋହରାଣି |
ଆଦାୟ ପାଦୟୁଗ ମର୍ଚୟିତୁଂ ପ୍ରପନ୍ନାଃ
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୫ ||
ପଂଚାନନାବ୍ଜ ଭଵ ଷଣ୍ମୁଖ ଵାସଵାଦ୍ୟାଃ
ତ୍ରୈଵିକ୍ରମାଦି ଚରିତଂ ଵିବୁଧାଃ ସ୍ତୁଵଂତି |
ଭାଷାପତିଃ ପଠତି ଵାସର ଶୁଦ୍ଧି ମାରାତ୍
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୬ ||
ଈଶତ୍ ପ୍ରଫୁଲ୍ଲ ସରସୀରୁହ ନାରିକେଳ
ପୂଗଦ୍ରୁମାଦି ସୁମନୋହର ପାଲିକାନାମ୍ |
ଆଵାତି ମଂଦମନିଲଃ ସହଦିଵ୍ୟ ଗଂଧୈଃ
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୭ ||
ଉନ୍ମୀଲ୍ୟନେତ୍ର ୟୁଗମୁତ୍ତମ ପଂଜରସ୍ଥାଃ
ପାତ୍ରାଵସିଷ୍ଠ କଦଲୀ ଫଲ ପାୟସାନି |
ଭୁକ୍ତାଃ ସଲୀଲ ମଥକେଳି ଶୁକାଃ ପଠଂତି
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୮ ||
ତଂତ୍ରୀ ପ୍ରକର୍ଷ ମଧୁର ସ୍ଵନୟା ଵିପଂଚ୍ୟା
ଗାୟତ୍ୟନଂତ ଚରିତଂ ତଵ ନାରଦୋପି |
ଭାଷା ସମଗ୍ର ମସତ୍-କୃତଚାରୁ ରମ୍ୟଂ
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୯ ||
ଭୃଂଗାଵଳୀ ଚ ମକରଂଦ ରସାନୁ ଵିଦ୍ଧ
ଝଂକାରଗୀତ ନିନଦୈଃ ସହସେଵନାୟ |
ନିର୍ୟାତ୍ୟୁପାଂତ ସରସୀ କମଲୋଦରେଭ୍ୟଃ
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୧୦ ||
ୟୋଷାଗଣେନ ଵରଦଧ୍ନି ଵିମଥ୍ୟମାନେ
ଘୋଷାଲୟେଷୁ ଦଧିମଂଥନ ତୀଵ୍ରଘୋଷାଃ |
ରୋଷାତ୍କଲିଂ ଵିଦଧତେ କକୁଭଶ୍ଚ କୁଂଭାଃ
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୧୧ ||
ପଦ୍ମେଶମିତ୍ର ଶତପତ୍ର ଗତାଳିଵର୍ଗାଃ
ହର୍ତୁଂ ଶ୍ରିୟଂ କୁଵଲୟସ୍ୟ ନିଜାଂଗଲକ୍ଷ୍ୟାଃ |
ଭେରୀ ନିନାଦମିଵ ଭିଭ୍ରତି ତୀଵ୍ରନାଦମ୍
ଶେଷାଦ୍ରି ଶେଖର ଵିଭୋ ତଵ ସୁପ୍ରଭାତମ୍ || ୧୨ ||
ଶ୍ରୀମନ୍ନଭୀଷ୍ଟ ଵରଦାଖିଲ ଲୋକ ବଂଧୋ
ଶ୍ରୀ ଶ୍ରୀନିଵାସ ଜଗଦେକ ଦୟୈକ ସିଂଧୋ |
ଶ୍ରୀ ଦେଵତା ଗୃହ ଭୁଜାଂତର ଦିଵ୍ୟମୂର୍ତେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୩ ||
ଶ୍ରୀ ସ୍ଵାମି ପୁଷ୍କରିଣିକାପ୍ଲଵ ନିର୍ମଲାଂଗାଃ
ଶ୍ରେୟାର୍ଥିନୋ ହରଵିରିଂଚି ସନଂଦନାଧ୍ୟାଃ |
ଦ୍ଵାରେ ଵସଂତି ଵରନେତ୍ର ହତୋତ୍ତ ମାଂଗାଃ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୪ ||
ଶ୍ରୀ ଶେଷଶୈଲ ଗରୁଡାଚଲ ଵେଂକଟାଦ୍ରି
ନାରାୟଣାଦ୍ରି ଵୃଷଭାଦ୍ରି ଵୃଷାଦ୍ରି ମୁଖ୍ୟାମ୍ |
ଆଖ୍ୟାଂ ତ୍ଵଦୀୟ ଵସତେ ରନିଶଂ ଵଦଂତି
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୫ ||
ସେଵାପରାଃ ଶିଵ ସୁରେଶ କୃଶାନୁଧର୍ମ
ରକ୍ଷୋଂବୁନାଥ ପଵମାନ ଧନାଧି ନାଥାଃ |
ବଦ୍ଧାଂଜଲି ପ୍ରଵିଲସନ୍ନିଜ ଶୀର୍ଷଦେଶାଃ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୬ ||
ଧାଟୀଷୁ ତେ ଵିହଗରାଜ ମୃଗାଧିରାଜ
ନାଗାଧିରାଜ ଗଜରାଜ ହୟାଧିରାଜାଃ |
ସ୍ଵସ୍ଵାଧିକାର ମହିମାଧିକ ମର୍ଥୟଂତେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୭ ||
ସୂର୍ୟେଂଦୁ ଭୌମ ବୁଧଵାକ୍ପତି କାଵ୍ୟଶୌରି
ସ୍ଵର୍ଭାନୁକେତୁ ଦିଵିଶତ୍-ପରିଶତ୍-ପ୍ରଧାନଃ |
ତ୍ଵଦ୍ଦାସଦାସ ଚରମାଵଧି ଦାସଦାସାଃ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୮ ||
ତତ୍-ପାଦଧୂଳି ଭରିତ ସ୍ପୁରିତୋତ୍ତମାଂଗାଃ
ସ୍ଵର୍ଗାପଵର୍ଗ ନିରପେକ୍ଷ ନିଜାଂତରଂଗାଃ |
କଲ୍ପାଗମା କଲନୟାକୁଲତାଂ ଲଭଂତେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୧୯ ||
ତ୍ଵଦ୍ଗୋପୁରାଗ୍ର ଶିଖରାଣି ନିରୀକ୍ଷମାଣାଃ
ସ୍ଵର୍ଗାପଵର୍ଗ ପଦଵୀଂ ପରମାଂ ଶ୍ରୟଂତଃ |
ମର୍ତ୍ୟା ମନୁଷ୍ୟ ଭୁଵନେ ମତିମାଶ୍ରୟଂତେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୦ ||
ଶ୍ରୀ ଭୂମିନାୟକ ଦୟାଦି ଗୁଣାମୃତାବ୍ଧେ
ଦେଵାଦିଦେଵ ଜଗଦେକ ଶରଣ୍ୟମୂର୍ତେ |
ଶ୍ରୀମନ୍ନନଂତ ଗରୁଡାଦିଭି ରର୍ଚିତାଂଘ୍ରେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୧ ||
ଶ୍ରୀ ପଦ୍ମନାଭ ପୁରୁଷୋତ୍ତମ ଵାସୁଦେଵ
ଵୈକୁଂଠ ମାଧଵ ଜନାର୍ଦନ ଚକ୍ରପାଣେ |
ଶ୍ରୀଵତ୍ସ ଚିହ୍ନ ଶରଣାଗତ ପାରିଜାତ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୨ ||
କଂଦର୍ପ ଦର୍ପ ହର ସୁଂଦର ଦିଵ୍ୟ ମୂର୍ତେ
କାଂତା କୁଚାଂବୁରୁହ କୁଟ୍ମଲ ଲୋଲଦୃଷ୍ଟେ |
କଲ୍ୟାଣ ନିର୍ମଲ ଗୁଣାକର ଦିଵ୍ୟକୀର୍ତେ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୩ ||
ମୀନାକୃତେ କମଠକୋଲ ନୃସିଂହ ଵର୍ଣୀନ୍
ସ୍ଵାମିନ୍ ପରଶ୍ଵଥ ତପୋଧନ ରାମଚଂଦ୍ର |
ଶେଷାଂଶରାମ ୟଦୁନଂଦନ କଲ୍କିରୂପ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୪ ||
ଏଲାଲଵଂଗ ଘନସାର ସୁଗଂଧି ତୀର୍ଥଂ
ଦିଵ୍ୟଂ ଵିୟତ୍ସରିତୁ ହେମଘଟେଷୁ ପୂର୍ଣମ୍ |
ଧୃତ୍ଵାଦ୍ୟ ଵୈଦିକ ଶିଖାମଣୟଃ ପ୍ରହୃଷ୍ଟାଃ
ତିଷ୍ଠଂତି ଵେଂକଟପତେ ତଵ ସୁପ୍ରଭାତମ୍ || ୨୫ ||
ଭାସ୍ଵାନୁଦେତି ଵିକଚାନି ସରୋରୁହାଣି
ସଂପୂରୟଂତି ନିନଦୈଃ କକୁଭୋ ଵିହଂଗାଃ |
ଶ୍ରୀଵୈଷ୍ଣଵାଃ ସତତ ମର୍ଥିତ ମଂଗଳାସ୍ତେ
ଧାମାଶ୍ରୟଂତି ତଵ ଵେଂକଟ ସୁପ୍ରଭାତମ୍ || ୨୬ ||
ବ୍ରହ୍ମାଦୟା ସ୍ସୁରଵରା ସ୍ସମହର୍ଷୟସ୍ତେ
ସଂତସ୍ସନଂଦନ ମୁଖାସ୍ତଥ ୟୋଗିଵର୍ୟାଃ |
ଧାମାଂତିକେ ତଵ ହି ମଂଗଳ ଵସ୍ତୁ ହସ୍ତାଃ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୭ ||
ଲକ୍ଷ୍ମୀନିଵାସ ନିରଵଦ୍ୟ ଗୁଣୈକ ସିଂଧୋ
ସଂସାରସାଗର ସମୁତ୍ତରଣୈକ ସେତୋ |
ଵେଦାଂତ ଵେଦ୍ୟ ନିଜଵୈଭଵ ଭକ୍ତଭୋଗ୍ୟ
ଶ୍ରୀ ଵେଂକଟାଚଲପତେ ତଵ ସୁପ୍ରଭାତମ୍ || ୨୮ ||
ଇତ୍ଥଂ ଵୃଷାଚଲପତେରିହ ସୁପ୍ରଭାତଂ
ୟେ ମାନଵାଃ ପ୍ରତିଦିନଂ ପଠିତୁଂ ପ୍ରଵୃତ୍ତାଃ |
ତେଷାଂ ପ୍ରଭାତ ସମୟେ ସ୍ମୃତିରଂଗଭାଜାଂ
ପ୍ରଜ୍ଞାଂ ପରାର୍ଥ ସୁଲଭାଂ ପରମାଂ ପ୍ରସୂତେ || ୨୯ ||