|| దత్తాత్రేయ స్తోత్రమ్ ||
******
జటాధరమ్ పాండురంగమ్ శూలహస్తమ్ కృపానిధిమ్ |
సర్వరొగ హరం దేవం దత్తాత్రేయమహం భజే ||
అస్య శ్రీ దత్తాత్రేయ స్తోత్ర మంత్రస్య భగవాన్ నారద ఋషి: | అనుష్టుప్ ఛంద: |
శ్రీ దత్త పరమాత్మా దేవతా | శ్రీ దత్త ప్రీత్యర్థే జపే వినియోగ: ||
ఓం
జగదుత్పత్తి కర్త్రే చ స్థితి సంహార హేతవే |
భవపాశ విముక్తాయ దత్తాత్రేయ నమోస్తుతే || ౧ ||
జరాజన్మ వినాశాయ దేహ శుద్ధి కరాయ చ |
దిగంబర దయా మూర్తే దత్తాత్రేయ నమోస్తుతే || ౨ ||
కర్పూర కాంతి దేహాయ బ్రహ్మ మూర్తి ధరాయ చ |
వేద శాస్త్ర పరిజ్ఞాయ దత్తాత్రేయ నమోస్తుతే || ౩ ||
హ్రస్వ దీర్ఘ కృశ స్థూల నామ గోత్ర వివర్జిత |
పంచ భూతైక దీప్తాయ దత్తాత్రేయ నమోస్తుతే || ౪ ||
యజ్ఞ భొక్తే చ యజ్ఞాయ యజ్ఞరూప ధరాయ చ |
యజ్ఞప్రియాయ సిద్ధాయ దత్తాత్రేయ నమోస్తుతే || ౫ ||
ఆదౌ బ్రహ్మా మధ్యే విష్ణుర్ అంతే దేవ సదాశివ:
| మూర్తిత్రయ స్వరూపాయ దత్తాత్రేయ నమోస్తుతే || ౬ ||
భోగాలయాయ భోగాయ యోగ యోగ్యాయ ధారిణే |
జితేంద్రియ జితజ్ఞాయ దత్తాత్రేయ నమోస్తుతే || ౭ ||
దిగంబరాయ దివ్యాయ దివ్య రూపధరాయ చ |
సదోదిత పరబ్రహ్మ దత్తాత్రేయ నమోస్తుతే || ౮ ||
జంబుద్వీప మహాక్షేత్ర మాతాపుర నివాసినే |
జయమానసతాం దేవ దత్తాత్రేయ నమోస్తుతే || ౯ ||
భిక్షాటనం గృహే గ్రామే పాత్రం హేమమయం కరే |
నానా స్వాదమయీ భిక్షా దత్తాత్రేయ నమోస్తుతే || ౧౦ ||
బ్రహ్మ జ్ఞానమయీ ముద్రా వస్త్రే చాకాశ భూతలే |
ప్రజ్ఞాన ఘనబొధాయ దత్తాత్రేయ నమోస్తుతే || ౧౧ ||
అవధూత సదానంద పరబ్రహ్మ స్వరూపిణే |
విదేహ దేహ రూపాయ దత్తాత్రేయ నమోస్తుతే || ౧౨ ||
సత్యంరూప సదాచార సత్యధర్మ పరాయణ |
సత్యాశ్రయ పరోక్షాయ దత్తాత్రేయ నమోస్తుతే || ౧౩ ||
శూలహస్త గదాపాణే వనమాలా సుకంధర |
యజ్ఞ సూత్రధర బ్రహ్మన్ దత్తాత్రేయ నమోస్తుతే || ౧౪ ||
క్షరాక్షర స్వరూపాయ పరాత్పర తరాయ చ |
దత్తముక్తి పరస్తోత్ర దత్తాత్రేయ నమోస్తుతే || ౧౫ ||
దత్త విద్యాఢ్య లక్ష్మీశ దత్త స్వాత్మ స్వరూపిణే |
గుణనిర్గుణ రూపాయ దత్తాత్రేయ నమోస్తుతే || ౧౬ ||
శత్రునాశకరం స్తోత్రం జ్ఞానవిజ్ఞాన దాయకమ్ |
సర్వపాపం శమం యాతి దత్తాత్రేయ నమోస్తుతే || ౧౭ ||
ఇదం స్తోత్రం మహద్దివ్యం దత్తప్రత్యక్ష కారకమ్ |
దత్తాత్రేయ ప్రసాదచ్చ నారదేన ప్రకీర్తితమ్ ||౧౮ ||
|| ఇతి శ్రీ నారద పురాణే నారద విరచిత దత్తాత్రేయ స్తోత్రం సంపూర్ణమ్ ||