బృహస్పతి కవచం (గురు కవచం)
అస్య శ్రీ బృహస్పతి కవచ మహామంత్రస్య
ఈశ్వర ఋషి: |అనుష్టుప్ ఛంద: | బృహస్పతిర్దేవతా |
గం బీజం | శ్రీం శక్తి: | క్లీం కీలకమ్‌ |
బృహస్పతి ప్రసాద సిద్ధ్యర్థే జపే వినియోగ: ||
అథ కవచమ్‌
అభీష్టఫలదం వందే సర్వజ్ఞం సురపూజితమ్‌ |
అక్షమాలాధరం శాంతం ప్రణమామి బృహస్పతిమ్‌ || ౧ ||
బృహస్పతి: శిర: పాతు లలాటం పాతు మే గురు: |
కర్ణౌ సురగురు: పాతు నేత్రే మేభిష్టదాయక: || ౨ ||
జిహ్వాం పాతు సురాచార్య: నాసాం మే వేదపారగ: |
ముఖం మే పాతు సర్వజ్ఞ: కంఠం మే దేవతాగురు: || ౩ ||
భుజా వంగీరస: పాతు కరౌ పాతు శుభప్రద: |
స్తనౌ మే పాతు వాగీశ: కుక్షిం మే శుభలక్షణ: || ౪ ||
నాభీం దేవగురు: పాతు మధ్యం పాతు సుఖప్రద: |
కటిం పాతు జగద్వంద్య: ఊరూ మే పాతు వాక్పతి: || ౫ ||
జానుజంఘే సురాచార్యో పాదౌ విశ్వాత్మక: సదా |
అన్యాని యాని చాంగాని రక్షేన్మే సర్వతో గురు: || ౬ ||
ఇత్యేతత్కవచం దివ్యం త్రిసంధ్యం య: పఠేన్నర: |
సర్వాన్ కామానవాప్నోతి సర్వత్ర విజయీ భవేత్ || ౭ ||
|| ఇతీ శ్రీ బ్రహ్మయామలొక్తమ్‌ బృహస్పతి కవచమ్‌ సంపూర్ణమ్‌ ||