|| శ్రీ కాలభైరవాష్టకమ్ ||
******
దేవరాజసేవ్య మానపావనాంఘ్రి పంకజం |
వ్యాలయజ్ఞసూత్రమిందు శేఖరం కృపాకరం ||
నారదాదియోగివృంద వందితం దిగంబరం |
కాశికాపురాదినాథ కాలభైరవం భజే || ౧ ||
భానుకోటి భాస్కరం భవాబ్ధి తారకం పరం |
నీలకంఠమీప్సితార్థదాయకం త్రిలోచనం ||
కాలకాల మంబుజాక్ష మక్షశూలమక్షరం |
కాశికాపురాదినాథ కాలభైరవం భజే || ౨ ||
శూలటంకపాశ దండపాణిమాదికారణం |
శ్యామకాయమాదిదేవ మక్షరం నిరామయం ||
భీమవిక్రమం ప్రభుం విచిత్ర తాండవ ప్రియమ్ |
కాశికాపురాదినాథ కాలభైరవం భజే || ౩ ||
భుక్తి ముక్తి దాయకం ప్రశస్త చారు విగ్రహం |
భక్త వత్సలం స్థిరం సమస్త లోక విగ్రహం ||
నిక్వణన్మనోజ్ఞ హేమ కింకిణీలసత్కటిం |
కాశికాపురాదినాథ కాలభైరవం భజే || ౪ ||
ధర్మసేతుపాలకం త్వధర్మ మార్గనాశకం |
కర్మపాశమోచకం సుశర్మ దాయకం విభుమ్ ||
స్వర్ణవర్ణశేష పాశ శోభితాంగ మండలం |
కాశికాపురాదినాథ కాలభైరవం భజే || ౫ ||
రత్నపాదుకాప్రభాభిరామ పాదయుగ్మకం |
నిత్య మద్వితీయ మిష్టదైవతం నిరంజనమ్ ||
మృత్యుదర్పనాశకం కరాలదంష్ట్ర మోక్షణం |
కాశికాపురాదినాథ కాలభైరవం భజే || ౬ ||
అట్టహాసభిన్న పద్మ జాండకోశ సంతతిం |
దృష్టి పాతనష్ట పాపజాల ముగ్రశాసనమ్ ||
అష్టసిద్ధిదాయకం కపాల మాలికాధరం |
కాశికాపురాదినాథ కాలభైరవం భజే || ౭ ||
భూతసంఘనాయకం విశాల కీర్తిదాయకం |
కాశివాసలోకపుణ్య పాపశోధకం విభుమ్ ||
నీతి మార్గకోవిదం పురాతనం జగత్పతిం |
కాశికాపురాదినాథ కాలభైరవం భజే || ౮ ||
కాలభైరవాష్టకం పఠంతి యే మనోహరం |
జ్ఞానముక్తి సాధనం విచిత్ర పుణ్య వర్ధనమ్ ||
శోకమోహలోభదైన్య కోపతాపనాశనమ్ ||
తే ప్రయాంతి కాలభైరవాంఘ్రి సన్నింధ్రువమ్ || ౯ ||
|| సంపూర్ణమ్‌ ||