|| మహిషాసుర మర్దిని స్తోత్రమ్ ||
******
అయిగిరి నందిని నందిత మేదిని విశ్వ వినోదిని నందనుతే |
గిరివర వింధ్య శిరోఽధినివాసిని విష్ణువిలాసిని జిష్ణునుతే |
భగవతి హే శితికంఠ కుటుంబిని భూరికుటుంబిని భూరికృతే |
జయ జయ హే మహిషాసురమర్దిని రమ్యకపర్దిని శైలసుతే || ౧ ||
సురవరవర్షిణి దుర్ధరధర్షిణి దుర్ముఖమర్షిణి హర్షరశే |
త్రిభువనపోషిణి శంకరతోషిణి కిల్బిషమోషిణి ఘోషరతే |
దనుజనిరోషిణి దితిసుతరోషిణి దుర్మదశోషిణి సింధుసుతే |
జయ జయ హే మహిషాసురమర్దిని రమ్యకపర్దిని శైలసుతే || ౨ ||
అయి జగదంబ మదంబ కదంబ వనప్రియవాసిని హాసరతే |
శిఖరిశిరోమణి తుంగహిమాలయ శృంగనిజాలయ మధ్యగతే |
మధుమధురే మధుకైటభగంజిని కైటభభంజిని రాసరతే |
జయ జయ హే మహిషాసురమర్దిని రమ్యకపర్దిని శైలసుతే || ౩ ||
అయి శతఖండ విఖండితరుండ వితుండితశుండ గజాధిపతే |
రిపుగజగండ విదారణచండ పరాక్రమశుండ మృగాధిపతే |
నిజభుజదండ నిపాతితఖండ విపాతితముండ భటాధిపతే |
జయ జయ హే మహిషాసురమర్దిని రమ్యకపర్దిని శైలసుతే || ౪ ||
అయిరణదుర్మద శత్రువధోదిత దుర్ధరనిర్జర శక్తిభృతే |
చతురవిచార ధురీణమహాశివ దూతకృత ప్రమథాధిపతే |
దురితదురీహ దురాశయదుర్మతి దానవదూత కృతాంతమతే |
జయ జయ హే మహిషాసురమర్దిని రమ్యకపర్దిని శైలసుతే || ౫ ||
అయి శరణాగత వైరివధూవర వీరవరాభయ దాయకరే |
త్రిభువనమస్తక శూలవిరోధి శిరోఽధికృతామల శూలకరే |
దుమిదుమితామర దుందుభినాద మహోముఖరీకృత తిగ్మకరే |
జయ జయ హే మహిషాసురమర్దిని రమ్యకపర్దిని శైలసుతే || ౬ ||
అయినిజహుంకృతి మాత్రనిరాకృత ధూమ్రవిలోచన ధూమ్రశతే |
సమరవిశోషిత శోణితబీజ సముద్భవశోణిత బీజలతే |
శివశివశివ శుంభనిశుంభ మహాహవతర్పిత భూతపిశాచరతే |
జయ జయ హే మహిషాసురమర్దిని రమ్యకపర్దిని శైలసుతే || ౭ ||
ధనురనుసంగ రణక్షణసంగ పరిస్ఫురదంగ నటత్కటకే |
కనకపిశంగ పృషత్కనిషంగ రసద్భటశృంగ హతాబటుకే |
కృతచతురంగ బలక్షితిరంగ ఘటద్భహురంగ రటద్బటుకే |
జయ జయ హే మహిషాసురమర్దిని రమ్యకపర్దిని శైలసుతే || ౮ ||
జయజయ జప్య జయేజయశబ్ద పరస్తుతి తత్పరవిశ్వనుతే |
ఝణఝణ ఝింఝిమి ఝింకృతనూపుర శింజితమోహిత భూతపతే |
నటిత నటార్థ నటీనటనాయక నాటితనాట్య సుగానరతే |
జయ జయ హే మహిషాసురమర్దిని రమ్యకపర్దిని శైలసుతే || ౯ ||
అయి సుమన: సుమన: సుమన: సుమన: సుమనోహర కాంతియుతే |
శ్రితరజనీ రజనీరజనీ రజనీ రజనీకర వక్త్రవృతే |
సునయనవిభ్రమర భ్రమర భ్రమర భ్రమర భ్రమరాధిపతే |
జయ జయ హే మహిషాసురమర్దిని రమ్యకపర్దిని శైలసుతే || ౧౦ ||
సహితమహాహవ మల్లమతల్లిక మల్లితరల్లక మల్లరతే |
విరచితవల్లిక పల్లికమల్లిక ఝిల్లికభిల్లిక వర్గవృతే |
శితకృతఫుల్ల సముల్లసితారుణ తల్లజపల్లవ సల్లలితే |
జయ జయ హే మహిషాసురమర్దిని రమ్యకపర్దిని శైలసుతే || ౧౧ ||
అవిరలగండ గలన్మదమేదుర మత్తమతంగజ రాజపతే |
త్రిభువనభూషణ భూతకలానిధి రూపపయోనిధి రాజసుతే |
అయి సుదతీజన లాలసమానస మోహనమన్మథ రాజసుతే |
జయ జయ హే మహిషాసురమర్దిని రమ్యకపర్దిని శైలసుతే || ౧౨ ||
కమలదలామల కోమలకాంతిల కలాకలితామల భాలలతే |
సకలవిలాస కలానిలయక్రమ కేలిచలత్కల హంసకులే |
అలికులసంకుల కువలయమండల మౌలిమిలద్భకులాలికులే |
జయ జయ హే మహిషాసురమర్దిని రమ్యకపర్దిని శైలసుతే || ౧౩ ||
కరమురలీరవ వీజితకూజిత లజ్జితకోకిల మంజుమతే |
మిలితపులింద మనోహరగుంజిత రంజితశైల నికుంజగతే |
నిజగుణభూత మహాశబరీగణ సద్గుణసంభృత కేలితలే |
జయ జయ హే మహిషాసురమర్దిని రమ్యకపర్దిని శైలసుతే || ౧౪ ||
కటితటపీత దుకూలవిచిత్ర మయూఖతిరస్కృత చంద్రరుచే |
ప్రణతసురాసుర మౌలిమణిస్ఫుర దంశులసన్నఖ చంద్రరుచే |
జితకనకాచల మౌలిమదోర్జిత నిర్భరకుంజర కుంభకుచే |
జయ జయ హే మహిషాసురమర్దిని రమ్యకపర్దిని శైలసుతే || ౧౫ ||
విజితసహస్ర కరైకసహస్ర కరైకసహస్ర కరైకనుతే |
కృతసురతారక సంగరతారక సంగరతారక సూనుసుతే |
సురథసమాధి సమానసమాధి సమాధిసమాధి సుజాతరతే |
జయ జయ హే మహిషాసురమర్దిని రమ్యకపర్దిని శైలసుతే || ౧౬ ||
పదకమలం కరుణానిలయే వరివస్యతి యోఽనుదినం సశివే |
అయికమలే కమలానిలయే కమలానిలయ: సకథం న భవేత్ |
తవపదమేవ పరంపదమిత్యను శీలయతో మమ కిం న శివే |
జయ జయ హే మహిషాసురమర్దిని రమ్యకపర్దిని శైలసుతే || ౧౭ ||
కనకలసత్కల సింధుజలైరను సింజినుతేగుణ రంగభువమ్ |
భజతి సకిం న శచీకుచకుంభ తటీపరిరంభ సుఖానుభవమ్ |
తవ చరణం శరణం కరవాణి నతామరవాణి నివాసి శివమ్ |
జయ జయ హే మహిషాసురమర్దిని రమ్యకపర్దిని శైలసుతే || ౧౮ ||
తవవిమలేందు కులంవదనేందు మలంసకలం అనుకూలయతే |
కిము పురుహూతపురిందు ముఖీ సుముఖీభిరసౌ విముఖీక్రియతే |
మమ తు మతం శివనామధనే భవతికృపయా కిముతక్రియతే |
జయ జయ హే మహిషాసురమర్దిని రమ్యకపర్దిని శైలసుతే || ౧౯ ||
అయిమయి దీనదయాలుతయా కృపయైవ త్వయా భవితవ్యముమే |
అయి జగతోజననీ కృపయాసి యథాసి తథానుమితాసిరతే |
యదుచితమత్ర భవత్యురరీకురు తాదురుతాప మపాకురుతే |
జయ జయ హే మహిషాసురమర్దిని రమ్యకపర్దిని శైలసుతే || ౨౦ ||
***
స్తుతిమితిస్తిమితస్తు సమాధినా నియమతోఽ నియమతోనుదినం పఠేత్ |
సరమయా రమయా సహసేవ్యశే పరిజనోహి జనోఽపి చ సుఖీ భవేత్ ||
|| ఇతి శ్రీ మహిషాసుర మర్దిని స్తోత్రం సంపూర్ణమ్ ||