నవగ్రహ పీడాపరిహార స్తోత్ర
******
గ్రహాణామాదిరాదిత్యో లోకరక్షణకారక: |
విషమస్థాన సంభూతాం పీడాం హరతు మే రవి: ||
రోహిణీశ: సుధామూర్తి: సుధాగాత్ర: సుధాశన: |
విషమస్థాన సంభూతాం పీడాం హరతు మే విధు: ||
భూమిపుత్రో మహాతేజా జగతాం భయకృత్సదా |
వృష్టికృద్వృష్టిహర్తాచ పీడాం హరతు మే కుజ: ||
ఉత్పాతరూపీ జగతాం చంద్రపుత్రో మహాద్యుతి: |
సూర్యప్రియకరో విద్వాన్పీడాం హరతు మే బుధ: ||
దేవమంత్రీ విశాలాక్ష: సదా లోకహితే రత: |
అనేక శిష్య సంపూర్ణ: పీడాం హరతు మే గురు: ||
దైత్య మంత్రీ గురుస్తేషాం ప్రణవశ్చ మహామతి: |
ప్రభుస్తారాగ్రహణాం చ పీడాం హరతు మే భృగు: ||
సుర్యపుత్రో దీర్ఘదేహో విశాలాక్ష: శివప్రియ: |
మందచార: ప్రసన్నాత్మా పీడాం హరతు మే శని: ||
మహాశిరా మహావక్త్రో దీర్ఘదంష్ట్రో మహాబల: |
అతనుశ్చోర్ధ్వకేశశ్చ పీడాం హరతు మే శిఖీ ||
అనేకరూప వర్ణైశ్చ శతశోఽథ సహస్రశ: |
ఉత్పాతరూపో జగతాం పీడాం హరతు మే తమ: ||
|| ఇతి నవగ్రహ పీడాపరిహార స్తొత్రం సంపూర్ణం ||