|| శ్రీ రామరక్షా స్తోత్రం ||
******
- శ్రీ రామచంద్రాయనమ: -
అస్య శ్రీ రామరక్షా స్తోత్ర మహా మంత్రస్య
బుధకౌశిక ఋషి: | శ్రీ సీతారామచంద్రో దేవతా |
అనుష్టుప్ ఛందః | సీతాశక్తిః | శ్రీ హనుమాన్‌ కీలకమ్‌ |
శ్రీ రామచంద్ర ప్రీత్యర్థే శ్రీ రామరక్షా స్తోత్ర జపే వినియోగః ||
- అథ ధ్యానమ్‌ -
ధ్యాయోదాజానుబాహుం ధృతశరధనుశం బద్ధపద్మాసనస్థం |
పీతంవాసో వసానం నవకమలదల స్పర్ధినేత్రం ప్రసన్నమ్‌ |
వామాంకారూఢ సీతాముఖకమల విలల్లోచనం నీరదాభమ్‌ |
నానాలంకార దీప్తం దధత మురుజటా మండలం రామచంద్రమ్‌ ||
- స్తోత్రం -
చరితం రఘునాథస్య శతకోటి ప్రవిస్తరమ్‌ |
ఏకైకమక్షరం పుంసాం మహాపాతక నాశనమ్‌ ||౧||
ద్యాత్వానీలోత్పలశ్యామం రామం రాజీవ లోచనమ్‌ |
జానకీ లక్ష్మణోపేతం జటాముకుట మండితమ్‌ ||౨||
సాసితూణ ధనుర్బాణం పాణీం నక్తంచరాంతకమ్‌ |
స్వలీలయా జగత్త్రాతుం ఆవిర్భూతమజం విభుమ్‌ ||౩||
రామరక్షాం పఠేత్ప్రాజ్ఞః పాపఘ్నిం సర్వకామదామ్‌ |
శిరో మే రాఘవః పాతు ఫాలం దశరథాత్మజః ||౪||
కౌశలేయో దృశౌ పాతు విశ్వామిత్ర ప్రియ: శృతీ |
ఘ్రాణం పాతు ముఖత్రాతా ముఖం సౌ‍మిత్రివత్సలః ||౫||
జిహ్వాం విద్యానిధిః పాతు కంఠం భరతవందితః |
స్కంధౌ దివ్యాయుధః పాతు భుజౌ భగ్నేశకార్ముకః ||౬||
కరౌ సీతాపతిః పాతు హృదయం జామదగ్న్యజిత్‌ |
మధ్యం పాతు ఖరధ్వంసీ నాభిం జాంబవదాశ్రయః ||౭||
సుగ్రీవేశః కటీపాతు సక్థినీ హనుమత్ప్రభుః |
ఊరూ రఘోత్తమః పాతు రక్షః కులవినాశకృత్‌ ||౮||
జానునీ సేతుకృత్పాతు జంఘే దశముఖాంతకః |
పాదౌ విభీషణశ్రీదః పాతు రామోఽఖిలం వపుః ||౯||
- ఫలశ్రుతిః -
ఏతాం రామబలోపేతాం రక్షాం యః సుకృతీ పఠేత్‌ |
స చిరాయుః సుఖీ పుత్రీ విజయీ వినయీ భవేత్‌ ||౧౦||
పాతాల భూతల వ్యోమ చారిణశ్-ఛద్మచారిణః |
న దృష్టుమపి శక్తాస్తే రక్షితం రామనామభిః ||౧౧||
రామేతి రామభద్రేతి రామచంద్రేతి వా స్మరన్‌ |
నరో న లిప్యతే పాపైర్భుక్తిం ముక్తిం చ విందతి ||౧౨||
జగజ్జైత్రేక మంత్రేణ రామనామ్నాభి రక్షితమ్‌ |
యః కంఠే ధారయేత్తస్య కరస్థాః సర్వసిద్ధయః ||౧౩||
వజ్రపంజర నామేదం యో రామ కవచం స్మరేత్‌ |
అవ్యాహతాజ్ఞః సార్వత్ర లభతే జయమంగలమ్‌ ||౧౪||
ఆదిష్టవాన్‌ యథా స్వప్నే రామరక్షమిమాం హరః |
తథా లిఖితవాన్‌ ప్రాతః ప్రబుద్ధొ బుధకౌశికః ||౧౫||
- ప్రార్థనా -
ఆరామః కల్పవృక్షాణాం విరామః సకలాపదామ్‌ |
అభిరామ స్త్రిలోకానాం రామః శ్రీమాన్‍సనః ప్రభుః ||౧౬||
తరుణౌ రూపసంపన్నౌ సుకుమారౌ మహాబలౌ |
పుండరీక విశాలాక్షౌ చీరకృష్ణా జినాంబరౌ ||౧౭||
ఫలమూలాశినౌ దాంతౌ తాపసౌ బ్రహ్మచారిణౌ |
పుత్రౌ దశరథస్యైతౌ భ్రాతరౌ రామలక్ష్మణౌ ||౧౮||
శరణ్యౌ సర్వసత్త్వానాం శ్రేష్టౌ సర్వధనుష్మతామ్‌ |
రక్షః కులనిహంతారౌ త్రాయేతాం నో రఘోత్తమౌ ||౧౯||
ఆత్తసజ్జధనుషా విషుస్పృశా వక్షయా శుగనిషంగ సంగినౌ |
రక్షణాయ మమ రామ లక్ష్మణా వగ్రతః పథి సదైవ గఛ్ఛతామ్‌ ||౨౦||
సన్నద్ధః కవచీఖడ్గీ చాపబాణధరో యువా |
గచ్ఛన్‌ మనోరథోఽస్మాకం రామః పాతు స లక్ష్మణః ||౨౧||
రామో దాశరథిః శూరో లక్ష్మణాను చరో బలిః |
కాకుత్స్థః పురుషః పూర్ణః కౌసల్యేయో రఘోత్తమః ||౨౨||
వేదాంత వేద్యో యజ్ఞ్యేశః పురాణ పురుషోత్తమః |
జానకీవల్లభః శ్రీమానప్రమేయ పరాక్రమః ||౨౩||
ఇత్యేతాని జపేన్నిత్యం మద్భక్తః శ్రద్ధయాన్వితః |
అశ్వమేధాదికం పుణ్యం సంప్రాప్నోతి న సంశయః ||౨౪||
రామం దూర్వాదల శ్యామం పద్మాక్షం పీతవాససమ్‌ |
స్తువంతి నామభిర్దివ్యై ర్న తే సంసారిణో నరాః ||౨౫||
రామం లక్ష్మణ పూర్వజం రఘువరం సీతాపతిం సుందరం
కాకుత్స్థం కరుణార్ణవం గుణనిధిం విప్రప్రియం ధార్మికం |
రాజేంద్రం సత్యసంధం దశరథతనయం శ్యామలం శాంతమూర్తిం
వందే లోకాభిరామం రఘుకుల తిలకం రాఘవం రావణారిమ్‌ ||౨౬||
రామాయ రామభద్రాయ రామచంద్రాయ వేధసే |
రఘునాథాయ నాథాయ సీతాయాః పతయే నమః ||౨౭||
శ్రీ రామరామ రఘునందన రామరామ
శ్రీ రామరామ భరతాగ్రజ రామరామ
శ్రీ రామరామ రణకర్కశ రామరామ
శ్రీ రామరామ శరణం భవ రామరామ ||౨౮||
శ్రీ రామచంద్ర చరణౌ మనసాస్మరామి
శ్రీ రామచంద్ర చరణౌ వచసా గృణామి
శ్రీ రామచంద్ర చరణౌ శిరసా నమమి
శ్రీ రామచంద్ర చరణౌ శరణం ప్రపద్యే ||౨౯||
మాతా రామో మత్పితా రామచంద్రః
స్వామీ రామో మత్సఖా రామచంద్రః |
సర్వస్వం మే రామచంద్రో దయాలుః
నాన్యం జానే నైవ జానే న జానే ||౩౦||
దక్షిణే లక్ష్మణో యస్య వామే చ జనకాత్మజా |
పురతో మారుతీర్యస్య తం వందే రఘునందనమ్‌ ||౩౧||
లోకాభిరామం రణరంగధీరం రాజీవ నేత్రం రఘువంశ నాథమ్‌ |
కారుణ్య రూపం కరుణాకరం తం శ్రీరామచంద్రం శరణం ప్రపద్యే ||౩౨||
మనోజవం మారుతతుల్యవేగం జితేంద్రియం బుద్ధిమతాం వరిష్ఠమ్‌ |
వాతాత్మజం వానర యూథ ముఖ్యం శ్రీరామదూతం శరణం ప్రపద్యే ||౩౩||
కూజంతం రామరామేతి మధురం మధురాక్షరమ్‌ |
ఆరుహ్య కవితా శాఖాం వందే వాల్మీకి కోకిలమ్‌ ||౩౪||
ఆపదామపహర్తారం దాతారం సర్వ సంపదామ్‌ |
లోకాభిరామం శ్రీరామం భూయో భూయో నమామ్యహమ్‌ ||౩౫||
భర్జనం భవబీజానామర్జనం సుఖసంపదామ్‌ |
తర్జనం యమదూతానాం రామ రామేతి గర్జనమ్‌ || ౩౬ ||
రామో రాజమణిః సదా విజయతే రామం రమేశం భజే |
రామేణాభిహతా నిశాచరచమూ రామాయ తస్మై నమః ||౩౬||
రామాన్నాస్తి పరాయణం పరతరం రామస్య దాసోస్మ్యహమ్‌ |
రామే చిత్తలయః సదా భవతు మే భో రామ మాముద్ధర ||౩౭||
శ్రీరామ రామరామేతి రమే రామే మనోరమే |
సహస్రనామ తత్తుల్యం రామనామ వరాననే ||౩౮||
|| ఇతీ శ్రీ బుధకౌశిక విరచిత రామరక్షాస్తోత్రం సంపూర్ణమ్‌ ||