|| సంకష్ట నాశన గణేశ స్తోత్రమ్ ||
ప్రణమ్య శిరసా దేవం గౌరీపుత్రం వినాయకమ్‌ ||
భక్తావాసం స్మరేన్నిత్యం ఆయుష్కామార్థసిద్ధయే || ౧ ||
ప్రథమం వక్రతుండం చ ఏకదంతం ద్వితీయకమ్‌ |
తృతీయం కృష్ణపింగాక్షం గజవక్త్రం చతుర్థకమ్‌ || ౨ ||
లంబోదరం పంచమం చ షష్టం వికటమేవ చ |
సప్తమం విఘ్నరాజం చ ధూమ్రవర్ణం తథాష్టమమ్‌ || ౩ ||
నవమం భాలచంద్రం చ దశమం తు వినాయకమ్‌ |
ఏకాదశం గణపతిం ద్వాదశం తు గజాననమ్‌ || ౪ ||
ద్వాదశైతాని నామాని త్రిసంధ్యం యః పఠేన్నరః |
న చ విఘ్నభయం తస్య సర్వసిద్ధికరః ప్రభుః || ౫ ||
విద్యార్థీ లభతే విద్యాం ధనార్థీ లభతే ధనం |
పుత్రార్థీ లభతే పుత్రాన్మోక్షార్థీ లభతే గతిమ్‌ || ౬ ||
జపేద్గణపతిస్తోత్రం షడ్భిర్మాసైః ఫలం లభేత్‌ |
సంవత్సరేణ సిద్ధిం చ లభతే నాత్ర సంశయః || ౭ ||
అష్టేభ్యో బ్రాహ్మణేభ్యశ్చ లిఖిత్వా యః సమర్పయేత్‌ |
తస్య విద్యా భవేత్సర్వా గణేశస్య ప్రసాదతః || ౮ ||
|| ఇతి శ్రీ నారద పురాణే సంకష్టనాశన గణేశత్రోత్రం సంపూర్ణమ్‌ ||