|| శ్రీ సూర్యాష్టకమ్‌ ||
******
ఆదిదేవ నమస్తుభ్యం ప్రసీద మమ భాస్కర: |
దివాకర నమస్తుభ్యం ప్రభాకర నమోస్తుతే || ౧ ||
సప్తాశ్వ రథమారూఢం ప్రచండం కశ్యపాత్మజమ్‌ |
శ్వేతపద్మధరం దేవం తం సూర్యం ప్రణమామ్యహమ్‌ || ౨ ||
లోహితం రథమారూఢం సర్వలోకపితామహమ్‌ |
మహాపాప హరం దేవం తం సూర్యం ప్రణమామ్యహమ్‌ || ౩ ||
త్రైగుణ్యంచ మహాశూరం బ్రహ్మవిష్ణుమహేశ్వరమ్‌ |
మహాపాప హరం దేవం తం సూర్యం ప్రణమామ్యహమ్‌ || ౪ ||
బృంహితం తేజ: పుంజం చ వాయుమాకాశ మేవచ |
ప్రభుంచ సర్వ లోకానాం తం సూర్యం ప్రణమామ్యహమ్‌ || ౫ ||
బంధూక పుష్ప సంకాశం హార కుండల భూషితమ్‌ |
ఏక చక్రధరం దేవం తం సూర్యం ప్రణమామ్యహమ్‌ || ౬ ||
తం సూర్యం జగత్కర్తారం మహా తేజ: ప్రదీపనమ్‌ |
మహాపాప హరం దేవం తం సూర్యం ప్రణమామ్యహమ్‌ || ౭ ||
తం సూర్యం జగతాం నాథం జ్ఞానవిజ్ఞానమోక్షదమ్‌ |
మహా పాప హరం దేవం తం సూర్యం ప్రణమామ్యహమ్‌ || ౮ ||
సూర్యాష్టకం పఠేన్నిత్యం గ్రహపీడాప్రణాశనమ్‌ |
అపుత్రో లభతే పుత్రం దరిద్రో ధనవాన్‌ భవేత్‌ ||
|| ఇతి శ్రీ సూర్యాష్టకం సంపూర్ణమ్‌ ||