|| శ్రీ విష్ణుసహస్రనామ స్తోత్రమ్ ||
|| హరి: ఓం||
శుక్లాంబరధరం విష్ణుం శశివర్ణం చతుర్భుజమ్ |
ప్రసన్నవదనం ధ్యాయేత్ సర్వవిఘ్నోపశాంతయే ||
నారాయణం నమస్కృత్య నరం చైవ నరోత్తమమ్ |
దేవీం సరస్వతీం వ్యాసం తతో జయముదీరయేత్ ||
వ్యాసం వసిష్ఠనప్తారం శక్తె: పౌత్రమకల్మషమ్ |
పరాశరాత్మజం వందే శుకతాతం తపోనిధిమ్ ||
వ్యాసాయ విష్ణురూపాయ వ్యాసరూపాయ విష్ణవే |
నమో వై బ్రహ్మనిధయే వాసిష్ఠాయ నమో నమ: ||
అవికారాయ శుద్ధాయ నిత్యాయ పరమాత్మనే |
సదైక రూపరూపాయ విష్ణవే సర్వజిష్ణవే ||
యస్య స్మరణమాత్రేన జన్మసంసార బంధనాత్ |
విముచ్యతే నమస్తస్మై విష్ణవే ప్రభవిష్ణవే ||
నమ: సమస్తభూతానాం ఆదిభూతాయ భూబ్రతే |
అనేక రూపరూపాయ విష్ణవే ప్రభవిష్ణవే ||
|| ఓం నమో విష్ణవే ప్రభవిష్ణవే ||
|| వైశంపాయన ఉవాచ ||
శ్రుత్వా ధర్మానశేషేణ పావనాని చ సర్వశ: |
యుధిష్ఠిర: శాంతనవం పునరేవాభ్యభాశత ||
|| యుధిష్ఠిర ఉవాచ ||
కిమేకం దైవతం లోకే కిం వాప్యేకం పరాయణమ్ |
స్తువంత: కం కమర్చంత: ప్రాప్నుయుర్మానవా: శుభమ్ ||
కో ధర్మ: సర్వధర్మాణాం భవత: పరమో మత: |
కిం జపన్ముచ్యతే జంతు: జన్మసంసార బంధనాత్ ||
|| భీష్మ ఉవాచ ||
జగత్ప్రభుం దేవదేవం అనంతం పురుషోత్తమమ్ |
స్తువన్నామ సహస్రేణ పురుష: సతతోత్థిత: ||
త్వమెవ చార్చయన్నిత్యం భక్త్యా పురుషమవ్యయమ్ |
ధ్యాయన్ స్తువన్నమస్యంచ యజమాన: తమెవ చ ||
అనాదినిధనం విష్ణుం సర్వలొక మహేశ్వరమ్ |
లోకాధ్యక్షం స్తువన్నిత్యం సర్వదు:ఖాతిగో భవేత్ ||
బ్రహ్మణ్యం సర్వధర్మజ్ఞం లోకానాం కీర్తివర్ధనమ్ |
లోకనాథం మహద్భూతం సర్వభూత భవోద్భవమ్ ||
ఏశ మే సర్వధర్మాణాం ధర్మోఽధికతమో మత: |
యద్భక్త: పుండరీకాక్షం స్తవైరర్చేన్నర: సదా ||
పరమం యో మహత్తేజ: పరమం యో మహత్తప: |
పరమం యో మహద్బ్రహ్మ పరమం య: పరాయణమ్ ||
పవిత్రాణాం పవిత్రం యో మంగలానాం చ మంగలమ్ |
దైవతం దేవతానాం చ భూతానాం యోఽవ్యయ: పితా ||
యత: సర్వాణి భూతాని భవంత్యాది యుగాగమే |
యస్మింశ్చ ప్రలయం యాంతి పునరేవ యుగక్షయే ||
తస్య లోకప్రధానస్య జగన్నాథస్య భూపతే |
విష్ణోర్నామ సహస్రం మే శృణు పాపభయాపహమ్ ||
యాని నామాని గౌణాని విఖ్యాతాని మహాత్మన: |
ఋషిభి: పరిగీతాని తాని వక్ష్యామి భూతయే ||
విష్ణోర్నామ సహస్రస్య వేదవ్యాసో మహాముని: |
ఛందోఽనుష్టుప్ తథా దేవో భగవాన్ దేవకీసుత: ||
అమృతాంశూద్భవో బీజం శక్తిర్దేవకినందన: |
త్రిసామా హృదయం తస్య శాంత్యర్థే వినియుజ్యతే ||
విష్ణుం జిష్ణుం మహావిష్ణుం ప్రభవిష్ణుం మహేశ్వరమ్ |
అనేకరూపం దైత్యాంతం నమామి పురుషోత్తమమ్ ||
.
అస్య శ్రీ విష్ణోర్దివ్య సహస్రనామ స్తోత్రమహామంత్రస్య |
శ్రీ వేదవ్యాసో భగవాన్ ఋషి: | అనుష్టుప్ ఛంద: |
శ్రీ మహావిష్ణు: పరమాత్మా శ్రీ మన్నారాయణో దేవతా | అమృతాం శూద్భవో భానురితి బీజమ్ |
దేవకీనందన స్రష్ఠేతి శక్తి: | ఉద్భవ: క్షొభణో దేవ ఇతి పరమో మంత్ర: |
శంఖ భృన్నందకీ చక్రీతి కీలకమ్ | శార్ఙ్గధన్వా గదాధర ఇత్యస్త్రమ్ |
రథాంగపాణి రక్శోభ్య ఇతి నేత్రేమ్ | త్రిసామా సామగ: సామేతి కవచమ్ |
అనందం పరబ్రహ్మేతి యోని: | ఋతుసుదర్శన: కాల ఇతి దిగ్బంద: |
శ్రీ విశ్వరూప ఇతి ధ్యానమ్ | శ్రీ మహావిష్ణుర్ప్రీత్యర్థె విష్ణోర్దివ్య సహస్రనామ జపే వినియోగ: |
.
|| ధ్యానమ్ ||
క్షిరో ధన్వత్ప్రదేశే శుచిమణి విలసత్ సైక్యతే మౌక్తికానాం మాలాక్లిప్తాసనస్థ: స్ఫటికమణి నిభైర్మౌక్తికై: మండితాంగ: ||
శ్రుభ్రైరభ్రై రదభ్రై: ఉపరివిరచితై: ముక్త పీయూష వర్షై: ఆనందో న: పునీయాదరినలినగదా శంఖపాణి ముకుంద: ||
భూ: పాదౌ యస్యనాభి: వియదసురనల చంద్ర సూర్యం చ నేత్రే కర్ణావాశో శిరోద్యౌ ముఖమపి దహనో యస్య వాస్తేయమబ్ధి: ||
అంతస్థం యస్యవిశ్వం సురనర ఖగగో భోగిగంధర్వ దైత్యశ్చిత్రం రంరమ్యతే తం త్రిభువనవపుశం విష్ణుమీశం నమామి ||
.
|| ఓం నమో భగవతే వాసుదేవాయ ||
శాంతాకారం భుజగశయనం పద్మనాభం సురేశమ్ |
విశ్వాకారం గగనసదృశం మేఘవర్ణం శుభాంగమ్ ||
లక్ష్మీకాంతం కమలనయనం యోగిహృధ్యాన గమ్యమ్ |
వందే విష్ణుం భవభయ హరం సర్వలోకైకనాథమ్ ||
.
మేఘశ్యామం పీతకౌశేయ వాసం శ్రీవత్సాంకం కౌస్తుభోద్భాసితాంగమ్ |
పుణ్యోపేతాం పుండరీకాయతాక్షం విష్ణుం వందే సర్వలొకైక నాథమ్ ||
సశంఖచక్రం సకిరీట కుండలం సపీతవస్త్రం సరసీరుహేక్షణమ్ |
సహారవక్ష: స్థలకౌస్తుభశ్రీయం నమామివిష్ణుం శిరసా చతుర్భుజమ్ ||
|| ఇతి పూర్వ పీఠికా ||
|| హరి: ఓం ||
విశ్వ౦ విష్ణుర్వషట్కారో: భూతభవ్యభవత్ప్రభు: |
భూతకృద్భూతభృద్భావో భూతాత్మా భూతభావన: ||౧||
పూతాత్మా పరమాత్మా చ ముక్తానా౦ పరమాగతి: |
అవ్యయ: పురుష: సాక్షీ క్షేత్రజ్ఞోక్షర ఏవ చ ||౨||
యోగో యోగవిదా౦ నేతా ప్రధాన పురుషేశ్వర: |
నారసి౦హవపు: శ్రీమాన్ కేశవ: పురుషోత్తమ: ||౩||
సర్వ: శర్వ: శివ: స్థాణుర్భూతాదిర్నిధిరవ్యయ: |
స౦భవో భావనో భర్తా ప్రభవ: ప్రభురీశ్వర: ||౪||
స్వయ౦భూ: శ౦భురాదిత్య: పుష్కరాక్షో మహాస్వన: |
అనాదినిధనో ధాతా విధాతా ధాతురుత్తమ: ||౫||
అప్రమేయో హృషీకేశ: పద్మనాభోఽమరప్రభు: |
విశ్వకర్మా మనుస్త్వష్టాస్థవిష్టా: స్థవిరో ధ్రువ: ||౬||
అగ్రాహ్య: శాశ్వత: కృష్ణో లోహితాక్ష: ప్రతర్దన: |
ప్రభూతస్త్రికకుబ్ధామ పవిత్ర౦ మ౦గల౦ పరమ్ ||౭||
ఈశాన: ప్రాణద: ప్రాణో జ్యేష్ఠ: శ్రేష్ఠ: ప్రజాపతి: |
హిరణ్యగర్భో భూగర్భో మాధవో మధుసూదన: ||౮||
ఈశ్వరో విక్రమీ ధన్వీ మేధావీ విక్రమ: క్రమ: |
అనుత్తమో దురాధర్ష: కృతజ్ఞ: కృతిరాత్మవాన్ ||౯||
సురేశ: శరణ౦ శర్మ విశ్వరేతా: ప్రజాభవ: |
అహ: స౦వత్సరో వ్యాల: ప్రత్యయ: సర్వదర్శన: ||౧౦||
అజ: సర్వేశ్వర: సిద్ధ: సిద్ధి: సర్వాదిరచ్యుత: |
వృషాకపిరమేయాత్మా సర్వయోగవినిస్సృత: ||౧౧||
వసుర్వసుమనా: సత్య: సమాత్మా సమ్మిత: సమ: |
అమోఘ: పు౦డరీకాక్షో వృషకర్మా వృషాకృతి: ||౧౨||
రుద్రో బహుశిరా బభ్రు: విశ్వయోని: శుచిశ్రవా: |
అమృత: శాశ్వత: స్థాణు: వరారోహో మహాతపా: ||౧౩||
సర్వగస్సర్వ విద్భాను: విశ్వక్సేనో జనార్దన: |
వేదో వేదవిదవ్య౦గో వేదా౦గో వేదవిత్ కవి: ||౧౪||
లోకాధ్యక్ష: సురాధ్యక్షో ధర్మాధ్యక్ష: కృతాకృత: |
చతురాత్మా చతుర్వ్యూహ శ్చతుర్ద౦ష్ట్ర శ్చతుర్భుజ: ||౧౫||
భ్రాజిష్ణుర్భోజన౦ భోక్తా సహిష్ణుర్జగదాదిజ: |
అనఘో విజయో జేతా విశ్వయోని: పునర్వసు: ||౧౬||
ఉపే౦ద్రో వామన: ప్రా౦శురమోఘ: శుచిరూర్జిత: |
అతీ౦ద్ర: స౦గ్రహ: సర్గో ధృతాత్మ నియమో యమ: ||౧౭||
వేద్యో వైద్య: సదాయోగీ వీరహా మాధవో మధు: |
అతీ౦ద్రియో మహామాయో మహోత్సాహో మహాబల: ||౧౮||
మహాబుద్ధిర్మహావీర్యో మహాశక్తిర్మహాద్యుతి: |
అనిర్దేశ్యవపు: శ్రీమానమేయాత్మా మహాద్రిధృక్ ||౧౯||
మహేష్వాసో మహీభర్తా శ్రీనివాస: సతా౦ గతి: |
అనిరుద్ధ: సురాన౦దో గోవి౦దో గోవిదా౦పతి: ||౨౦||
మరీచిర్దమనో హ౦స: సుపర్ణో భుజగోత్తమ: |
హిరణ్యనాభ: సుతపా: పద్మనాభ: ప్రజాపతి: ||౨౧||
అమృత్యు: సర్వదృక్ సి౦హ: స౦ధాతా స౦ధిమాన్ స్థిర: |
అజో దుర్మర్షణ: శాస్తా విశ్రుతాత్మా సురారిహా ||౨౨||
గురుర్గురుతమో ధామ సత్య: సత్యపరాక్రమ: |
నిమిషోఽనిమిష: స్రగ్వీ వాచస్పతిరుదారధీ: ||౨౩||
అగ్రణీర్గ్రామణీ: శ్రీమాన్ న్యాయో నేతా సమీరణ: |
సహస్రమూర్ధా విశ్వాత్మా సహస్రాక్ష: సహస్రపాత్ ||౨౪||
ఆవర్తనో వివృత్తాత్మా స౦వృత: స౦ప్రమర్దన: |
అహ: స౦వర్తకో వహ్నిరనిలో ధరణీధర: ||౨౫||
సుప్రసాద: ప్రసన్నాత్మా విశ్వధగ్విశ్వభుగ్విభు: |
సత్కర్తా సత్కృత: సాధుర్జహ్నుర్నారాయణో నర: ||౨౬||
అస౦ఖ్యేయోఽప్రమేయాత్మా విశిష్ట: శిష్టకృచ్ఛుచి: |
సిధ్ధార్థ: సిద్ధ స౦కల్ప: సిధ్ధిద: సిధ్ధి సాధన: ||౨౭||
వృషాహీ వృషభో విష్ణుర్వృషపర్వా వృషోదర: |
వర్ధనో వర్ధమానశ్చ వివిక్త: శ్రుతిసాగర: ||౨౮||
సుభుజో దుర్ధరో వాగ్మీ మహేంద్రో వసుదో వసు: |
నైకరూపో బృహద్రూప: శిపివిష్ట: ప్రకాశన: ||౨౯||
ఓజస్తేజోద్యుతిధర: ప్రకాశాత్మా ప్రతాపన: |
ఋధ్ధ: స్పష్టాక్షరో మంత్రశ్చంద్రాంశుర్భాస్కరద్యుతి: ||౩౦||
అమృతాంశూధ్భవో భాను: శశబిందు: సురేశ్వర: |
ఔషధం జగత: సేతు: సత్యధర్మపరాక్రమ: ||౩౧||
భూతభవ్యభవన్నాథ: పవన: పావనోఽనల: |
కామహా కామకృత్ కాంత: కామ: కామప్రద: ప్రభు: ||౩౨||
యుగాదికృద్ యుగావర్తో నైకమాయో మహాశన: |
అదృశ్యో వ్యక్త రూపశ్చ సహస్రజిదనంతజిత్ ||౩౩||
ఇష్టోఽవిశిష్ట: శిష్టేష్ట: శిఖండీ నహుషో వృష: |
క్రోధహా క్రోధకృత్ కర్తా విశ్వబాహుర్మహీధర: ||౩౪||
అచ్యుత: ప్రథిత: ప్రాణ: ప్రాణదో వాసవానుజ: |
అపాంనిధిరధిష్ఠానమప్రమత్త: ప్రతిష్ఠిత: ||౩౫||
స్కంద: స్కందధరో ధుర్యో వరదో వాయువాహన: |
వాసుదేవో బృహద్భానురాదిదేవ: పురందర: ||౩౬||
అశోకస్తారణస్తార: శూర: శౌరిర్జనేశ్వర: |
అనుకూల: శతావర్త: పద్మీ పద్మనిభేక్షణ: ||౩౭||
పద్మనాభోఽరవిందాక్ష: పద్మగర్భ: శరీరభృత్ |
మహర్ద్ధిఋద్ధో వృద్ధాత్మా మహాక్షో గరుడధ్వజ: ||౩౮||
అతుల: శరభో భీమ: సమయజ్ఞో హవిర్హరి: |
సర్వలక్షణలక్షణ్యో లక్ష్మీవాన్ సమితింజయ: ||౩౯||
విక్షరో రోహితో మార్గో హేతుర్దామోదర: సహ: |
మహీధరో మహాభాగో వేగవానమితాశన: ||౪౦||
ఉద్భవ: క్షోభణో దేవ: శ్రీగర్భ: పరమేశ్వర: |
కరణం కారణం కర్తా వికర్తా గహనో గుహ: ||౪౧||
వ్యవసాయో వ్యవస్థాన: సంస్థాన: స్థానదో ధ్రువ: |
పరర్ద్ధీ: పరమస్పష్టస్తుష్ట: పుష్ట: శుభేక్షణ: ||౪౨||
రామో విరామో విరతో మార్గో నేయో నయోఽనయ: |
వీర: శక్తిమతాం శ్రేష్ఠో ధర్మో ధర్మవిదుత్తమ: ||౪౩||
వైకుంఠ: పురుష: ప్రాణ: ప్రాణద: ప్రణవ: పృథు: |
హిరణ్యగర్భ: శత్రుఘ్ఞో వ్యాప్తో వాయురధోక్షజ: ||౪౪||
ఋతుస్సుదర్శన: కాల: పరమేష్ఠీ పరిగ్రహ: |
ఉగ్రస్సంవత్సరో దక్షో విశ్రామో విశ్వదక్షిణ: ||౪౫||
విస్తార: స్థావర: స్థాణు: ప్రమాణం బీజమవ్యయమ్ |
అర్థోనర్థో మహాకోశో మహాభోగో మహాధన: ||౪౬||
అనిర్విణ్ణ: స్థవిష్ఠోఽభూర్ధర్మయూపో మహాముఖ: |
నక్షత్రనేమిర్నక్షత్రీ క్షమ: క్షామ: సమీహన: ||౪౭||
యజ్ఞ ఇజ్యో మహేజ్యశ్చ క్రతు: సత్రం సతాం గతి: |
సర్వదర్శీ విముక్తాత్మా సర్వజ్ఞో జ్ఞానముత్తమమ్ ||౪౮||
సువ్రత: సుముఖ: సూక్ష్మ: సుఘోష: సుఖద: సుహృత్ |
మనోహరో జితక్రోధో వీరబాహుర్విదారణ: ||౪౯||
స్వాపన: స్వవశో వ్యాపీ నైకాత్మా నైకకర్మకృత్ |
వత్సరో వత్సలో వత్సీ రత్నగర్భో ధనేశ్వర: ||౫౦||
ధర్మగుబ్ధర్మకృద్ధర్మీ సదసత్ క్షరమక్షరమ్ |
అవిజ్ఞాతా స్రహస్రాంశు: విధాతా కృతలక్షణ: ||౫౧||
గభస్తినేమి: సత్త్వస్థ: సింహో భూతమహేశ్వర: |
ఆదిదేవో మహాదేవో దేవేశో దేవభృద్గురు: ||౫౨||
ఉత్తరో గోపతిర్గోప్తా జ్ఞానగమ్య: పురాతన: |
శరీరభూతభృద్భోక్తా కపీంద్రో భూరిదక్షిణ: ||౫౩||
సోమపోఽమృతప: సోమ: పురుజిత్ పురుసత్తమ: |
వినయో జయ: సత్యసంధో దాశార్హ: సాత్వతాం పతి: ||౫౪||
జీవో వినయితా సాక్షీ ముకుందోఽమితవిక్రమ: |
అంభోనిధిరనంతాత్మా మహోదధిశయోఽంతక: ||౫౫||
అజో మహార్హ: స్వాభావ్యో జితామిత్ర: ప్రమోదన: |
ఆనందో నందనో నంద: సత్యధర్మా త్రివిక్రమ: ||౫౬||
మహర్షీ: కపిలాచార్య: కృతజ్ఞో మేదినీపతి: |
త్రిపదస్త్రిదశాధ్యక్షో మహాశృంగ: కృతాంతకృత్ ||౫౭||
మహావరాహో గోవింద: సుషేణ: కనకాంగదీ |
గుహ్యో గభీరో గహనో గుప్తశ్చక్రగదాధర: ||౫౮||
వేధా: స్వాంగోఽజిత: కృష్ణో దృఢ: సంకర్షణోచ్యుత: |
వరుణో వారుణో వృక్ష: పుష్కరాక్షో మహామనా: ||౫౯||
భగవాన్ భగహాఽనందీ వనమాలీ హలాయుధ: |
ఆదిత్యో జ్యోతిరాదిత్య: సహిష్ణుర్గతిసత్తమ: ||౬౦||
సుధన్వా ఖండపరశుర్దారుణో ద్రవిణప్రద: |
దివిస్పృక్ సర్వదృగ్వ్యాసో వాచస్పతిరయోనిజ: ||౬౧||
త్రిసామా సామగ: సామ నిర్వాణం భేషజం భిషక్ |
సంన్యాసకృచ్ఛమ: శాంతో నిష్ఠా శాంతి: పరాయణమ్ ||౬౨||
శుభాంగ: శాంతిద: స్రష్టా కుముద: కువలేశయ: |
గోహితో గోపతిర్గోప్తా వృషభాక్షో వృషప్రియ: ||౬౩||
అనివర్తీ నివృత్తాత్మా సంక్షేప్తా క్షేమకృచ్ఛివ: |
శ్రీవత్సవక్షా: శ్రీవాస: శ్రీపతి: శ్రీమతాం వర: ||౬౪||
శ్రీద: శ్రీశ: శ్రీనివాస: శ్రీనిధి: శ్రీవిభావన: |
శ్రీధర: శ్రీకర: శ్రేయ: శ్రీమాన్ లోకత్రయాశ్రయ: ||౬౫||
స్వక్ష: స్వంగ: శతానందో నందిర్జ్యోతిర్గణేశ్వర: |
విజితాత్మాఽవిధేయాత్మా సత్కీర్తిశ్ఛిన్నసంశయ: ||౬౬||
ఉదీర్ణ: సర్వతశ్చక్షురనీశ: శాశ్వత: స్థిర: |
భూషయో భూషణో భూతిర్విశోక: శోకనాశన: ||౬౭||
అర్చిష్మానర్చిత: కుంభో విశుద్ధాత్మా విశోధన: |
అనిరుధ్ధోఽప్రతిరథ: ప్రద్యుమ్నోఽమితవిక్రమ: ||౬౮||
కాలనేమినిహా వీర: శౌరి: శూరజనేశ్వర: |
త్రిలోకాత్మా త్రిలోకేశ: కేశవ: కేశిహా హరి: ||౬౯||
కామదేవ: కామపాల: కామీ కాంత: కృతాగమ: |
అనిర్దేశ్యవపుర్విష్ణుర్వీరోఽనంతో ధనంజయ: ||౭౦||
బ్రహ్మణ్యో భహ్మకృద్ బ్రహ్మా బ్రహ్మవివర్ధన: |
బ్రహ్మవిద్ బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియ: ||౭౧||
మహాక్రమో మహాకర్మా మహాతేజా మహోరగ: |
మహాక్రతుర్మహాయజ్వా మహాయజ్ఞో మహాహవి: ||౭౨||
స్తవ్య: స్తవప్రియ: స్తోత్రం స్తుతి: స్తోతా రణప్రియ: |
పూర్ణ: పూరయితా పుణ్య: పుణ్యకీర్తిరనామయ: ||౭౩||
మనోజవస్తీర్థకరో వసురేతా వసుప్రద: |
వసుప్రదో వాసుదేవో వసుర్వసుమనా హవి: ||౭౪||
సద్గతి: సత్కృతి: సత్తా సద్భూతి: సత్పరాయణ: |
శూరసేనో యదుశ్రేష్ఠ: సన్నివాస: సుయామున: ||౭౫||
భూతావాసో వాసుదేవ: సర్వాసునిలయోఽనల: |
దర్పహా దర్పదో దృప్తో దుర్ధరోఽథాపరాజిత: ||౭౬||
విశ్వమూర్తిర్ మహామూర్తిర్ దీప్తమూర్తిరమూర్తిమాన్ |
అనేకమూర్తిరవ్యక్త: శతమూర్తి: శతానన: ||౭౭||
ఏకో నైక: సవ: క: కిం యత్తత్పదమనుత్తమమ్ |
లోకబంధుర్లోకనాథో మాధవో భక్తవత్సల: ||౭౮||
సువర్ణవర్ణో హేమాంగో వరాంగశ్చందనాంగదీ |
వీరహా విషమ: శూన్యో ఘృతాశీరచలశ్చల: ||౭౯||
అమానీ మానదో మాన్యో లోకస్వామీ త్రిలోకధృత్ |
సుమేధా మేధజో ధన్య: సత్యమేధా ధరాధర: ||౮౦||
తేజోవృషో ద్యుతిధర: సర్వశస్త్రభృతాం వర: |
ప్రగ్రహో నిగ్రహో వ్యగ్రో నైకశృంగో గదాగ్రజ: ||౮౧||
చతుర్మూర్తి శ్చతుర్బాహు శ్చతుర్వ్యూహ శ్చతుర్గతి: |
చతురాత్మా చతుర్భావశ్చతుర్వేద విదేకపాత్ ||౮౨||
సమావర్తోఽవివృత్తాత్మా దుర్జయో దురతిక్రమ: |
దుర్లభో దుర్గమో దుర్గో దురావాసో దురారిహా ||౮౩||
శుభాంగో లోకసారంగ: సుతంతుస్తంతువర్ధన: |
ఇంద్రకర్మా మహాకర్మా కృతకర్మా కృతాగమ: ||౮౪||
ఉధ్భవ: సుందర: సుందో రత్ననాభ: సులోచన: |
అర్కో వాజసన: శృంగీ జయంత: సర్వవిజ్జయీ ||౮౫||
సువర్ణబిందురక్షోభ్య: సర్వవాగీశ్వరేశ్వర: |
మహాహ్రదో మహాగర్తో మహాభూతో మహానిధి: ||౮౬||
కుముద: కుందర: కుంద: పర్జన్య: పావనోఽనిల: |
అమృతాశోఽమృతవపు: సర్వజ్ఞ: సర్వతోముఖ: ||౮౭||
సులభ: సువ్రత: సిద్ధ: శత్రుజిచ్ఛత్రుతాపన: |
న్యగ్రోధోదుంబరో అశ్వత్థశ్చాణూరాంధ్ర నీషూదన: ||౮౮||
సహస్రార్చి: సప్తజిహ్వ: సప్తైధా: సప్తవాహన: |
ఆమూర్తిరనఘోఽచింత్యో భయకృద్భయనాశన: ||౮౯||
అణుర్బృహత్కృశ: స్థూలో గుణభృన్నిర్గుణో మహాన్ |
అధృత: స్వధృత: స్వాస్య: ప్రాంగ్వశో వంశవర్ధన: ||౯౦||
భారభృత్ కథితో యోగీ యోగీశ: సర్వకామద: |
ఆశ్రమ: శ్రమణ: క్షామ: సుపర్ణో వాయువాహన: ||౯౧||
ధనుర్ధరో ధనుర్వేదో దండో దమరితా దమ: |
అపరాజిత: సర్వసహో నియంతాఽనియమోయమ: ||౯౨||
సత్త్వవాన్ సాత్త్విక: సత్య: సత్యధర్మపయాయణ: |
అభిప్రాయ: ప్రియాహోఽర్హ: ప్రియకృత్ ప్రీతివర్ధన: ||౯౩||
విహాయసగతిర్జ్యోతి: సురుచిర్హుతభుగ్విభు: |
రవిర్విరోచన: సూర్య: సవితా రవిలోచన: ||౯౪||
అనంతో హుతభుగ్భోక్తా సుఖదో నైకజోఽగ్రజ: |
అనిర్విణ్ణ: సదామర్షీ లోకాధిష్ఠానమద్భుత: ||౯౫||
సనాత్ సనాతనతమ: కపిల: కపిరవ్యయ: |
స్వస్తిద: స్వస్తికృత్ స్వస్తి స్వస్తిభుక్ స్వస్తిదక్షిణ: ||౯౬||
ఆరౌద్ర: కుండలీ చక్రీ విక్రమ్యూర్జితశాసన: |
శబ్దాతిగ: శబ్దసహ: శిశిర: శర్వరీకర: ||౯౭||
అక్రూర: పేశలో దక్షో దక్షిణ: క్షమిణాం వర: |
విద్వత్తమో వీతభయ: పుణ్యశ్రవణకీర్తన: ||౯౮||
ఉత్తారణో దుష్కృతిహా పుణ్యో దుఃస్వప్ననాశన: |
వీరహా రక్షణ: సంతో జీవన: పర్యవస్థిత: ||౯౯||
అనంతరూపోఽనంతశ్రీర్జితమన్యుర్భయాపహ: |
చతురశ్రో గభీరాత్మా విదిశో వ్యాదిశో దిశ: ||౧౦౦||
అనాదిర్భూర్భువో లక్ష్మీ సువీరో రుచిరాంగద: |
జననో జనజన్మాదిర్భీమో భీమపరాక్రమ: ||౧౦౧||
ఆధారనిలయోఽధాతా పుష్పహాస: ప్రజాగర: |
ఊర్ధ్వగ: సత్పథాచార: ప్రణద: ప్రణవ: పణ: ||౧౦౨||
ప్రమాణం ప్రాణనిలయ: ప్రాణభృత్ ప్రాణజీవన: |
తత్వం తత్త్వవిదేకాత్మా జన్మ మృత్యుజరాతిగ: ||౧౦౩||
భూర్భువ: స్వస్తరుస్తార: సవితా ప్రపితామహ: |
యజ్ఞో యజ్ఞ పతిర్యజ్వా యజ్ఞాంగో యజ్ఞవాహన: ||౧౦౪||
యజ్ఞభృత్ యజ్ఞకృద్యజ్ఞీ యజ్ఞభుగ్ యజ్ఞసాధన: |
యజ్ఞాంతకృద్ యజ్ఞగుహ్యమన్నమన్నాద ఏవ చ ||౧౦౫||
ఆత్మయోని: స్వయంజాతో వైఖాన: సామగాయన: |
దేవకీనందన: స్రష్టాక్షితీశ: పాపనాశన: || ౧౦౬ ||
శంఖభృన్నందకీ చక్రీ శాంఙ్గ్రధన్వా గదాధర: |
రథాంగపాణిరక్షోభ్య: సర్వప్రహరణాయుధ: || ౧౦౭ ||
||సర్వప్రహరణాయుధ ఓం నమ ఇతి ||
వనమాలీ గదీ శాంర్ఙ్గీ శంఖీ చక్రీ చ నందకీ |
శ్రీమన్నారాయణో విష్ణుర్వాసుదేవోఽభిరక్షతు || ౧౦౮ ||
|| శ్రీ వాసుదేవోఽభిరక్షతు ఓం నమ ఇతి ||
.
|| ఫలశ్రుతి: ||
భీష్మ ఉవాచ
ఇతీదం కీర్తనీయస్య కేశవస్య మహాత్మన: |
నామ్నాం సహస్రం దివ్యా నామశేషేణ ప్రకీర్తితమ్ ||
య ఇదం శ్రుణుయాత్ నిత్యం యశ్చాపి పరికీర్తయెత్ |
నాశుభం ప్రాప్నుయాత్ కించిత్ సోముత్రేహ చ మానవ: ||
వేదాంతగో బ్రాహ్మణస్యాత్ క్షత్రియో విజయీ భవేత్ |
వైశ్యో ధనసమృద్ధ: స్యాత్ శూద్ర సుఖమవాప్నుయాత్ ||
ధర్మార్థీ ప్రాప్నుయాత్ ధర్మమర్థార్థీ చార్థమాప్నుయత్|
కామానవాప్నుయత్ కామీ ప్రజార్థీ చాప్నుయత్ ప్రజామ్ ||
భక్తిమాన్ య: సదోత్థాయ శుచిస్తద్గత మానస: |
సహస్రం వాసుదేవస్య నామ్నా మేతత్ ప్రకీర్తయేత్ ||
యశ: ప్రాప్నోతి విపులం జ్ఞాతిప్రాధాన్య మేవ చ |
అచలాం శ్రీయ మాప్నోతి శ్రేయ: ప్రాప్నొత్యనుత్తమమ్ ||
న భయం క్వచిదాప్నోతి వీర్యం తేజశ్చ విందతి |
భవత్యరోగో ద్యుతిమాన్ బలరూప గుణాన్విత: ||
రోగార్తో ముచ్యతే రొగాత్ బద్ధో ముచ్యేత బంధనాత్ |
భయాన్ముచ్యేత భీతస్తు ముచ్యేతాపన్న ఆపద: ||
దుర్గాణ్యతితర త్యాశు పురుష: పురుషొత్తమమ్ |
స్తువన్నామ సహస్రేణ నిత్యం భక్తి సమన్విత: ||
వాసుదేవాశ్రయో మర్త్యొ వాసుదేవ పరాయణ: |
సర్వపాప విశుద్ధాత్మా యాతి బ్రహ్మ సనాతనమ్ ||
న వాసుదేవ భక్తా నామశుభం విద్యతే క్వచిత్ |
జన్మమృత్యు జరావ్యాధి భయం నైవోపజాయతే ||
ఏవం స్తవ మధీయాన: శ్రద్ధాభక్తి సమన్విత: |
యుజ్యే తాత్మ సుఖక్షాంతి: శ్రీధృతి స్మృతి కీర్తిభి: ||
న క్రోధో న చ మాత్సర్యం న లోభో నాశుభా మతి: |
భవంతి కృతపుణ్యానాం భక్తానాం పురుషోత్తమే ||
ద్యౌ: సచంద్రార్క నక్షత్రా ఖం దిశో భూర్మహోదధి: |
వాసుదేవస్య వీర్యేణ విధృతాని మహాత్మన: ||
ససురాసుర గంధర్వం సయక్షోరగ రాక్షసమ్ |
జగద్వశే వర్తతేదం కృష్ణస్య సచరాచరమ్ ||
ఇంద్రియాణి మనోబుద్ధి: సత్వం తెజోబలం ధృతి: |
వాసుదేవాత్మ కాన్యాహు: క్షేత్రం క్షేత్రజ్ఞ ఏవ చ ||
సర్వాగమానా మాచర్య: ప్రథమం పరికల్పతే |
ఆచరప్రభవో ధర్మో ధర్మస్య ప్రభురచ్యుత: ||
ఋషయ: పితరో దెవ: మహాభూతాని ధాతవ: |
జంగమా జంగమం చేదం జగన్నారాయణోద్భవమ్ ||
యోగో జ్ఞానం తథా సాంఖ్యం విద్యా: శిల్పాది కర్మ చ |
వేదా: శాస్త్రాణి విజ్ఞానమేతత్ సర్వం జనార్దనాత్ ||
ఏకో విష్ణుర్మహద్భూతం పృథగ్భూతా న్యనేకశ: |
త్రిలోకాన్ వ్యాప్య భూతాత్మా భుంక్తే విశ్వభుగవ్యయ: ||
ఇవం స్తవం భగవతో విష్ణోర్వ్యాసేన కీర్తితమ్ |
పఠేద్య ఇచ్ఛేత్ పురుష: శ్రేయ: ప్రాప్తుం సుఖాని చ ||
విశ్వేశ్వర మజం దేవం జగత: ప్రభుమాప్యయమ్ |
భజంతి యే పుష్కరాక్షం న తే యాంతి పరాభవమ్ ||
|| న తే యాంతి పరాభవం ఓం నమ ఇతి ||
|| అర్జున ఉవాచ ||
పద్మ పత్ర విశాలాక్ష పద్మనాభ సురోత్తమ |
భక్తానామనురక్తానాం త్రాతా భవ జనార్దన ||
|| శ్రీ భగవాన్ ఉవాచ ||
యో మాం నామసహస్రేణ స్తోతుమిచ్ఛతి పాండవ |
సోఽహ మేకేన శ్లోకేణ స్తుత ఏవ న సంశయ: ||
|| స్తుత ఏవ న సంశయ ఓం నమ ఇతి ||
|| వ్యాస ఉవాచ ||
వాసనాద్వాసుదేవస్య వాసితం తే జగత్రయమ్ |
సర్వభూత నివాసోఽసి వాసుదేవ నమోస్తుతే ||
|| వాసుదేవ నమోస్తుత ఓం నమ ఇతి ||
|| పార్వతి ఉవాచ ||
కేనోపాయేన లఘునాం విష్ణోర్నామ సహస్రకమ్ |
పఠ్యతే పండితై: నిత్యం శ్రోతు మిచ్ఛామ్యహం ప్రభో ||
|| ఈశ్వర ఉవాచ ||
శ్రీరామ రామ రామేతి రమే రామే మనోరమే |
సహస్రనామ తత్తుల్యం రామనామ వరాననే ||
|| రామనామ వరానన ఓం నమ ఇతి ||
|| బ్రహ్మోవాచ ||
నమోఽస్త్వనంతాయ సహస్రమూర్తయే సహస్రపాదాక్ష శిరోరుబాహవే |
సహస్రనామ్నే పురుషాయ శాశ్వతే సహస్రకొటి యుగధారిణే నమ: ||
|| సహస్రకొటి యుగధారిణే ఓం నమ ఇతి ||
|| సంజయ ఉవాచ ||
యత్ర యోగేశ్వర: కృష్ణో యత్ర పార్థో ధనుర్ధర: |
తత్ర శ్రీ: విజయో భూతి: ధ్రువా నీతి: మతిర్మమ ||
|| శ్రీ భగవానువాచ ||
అనన్యాశ్చింతయంతో మాం యే జనా: పర్యుపాసతే |
తేషాం నిత్యాభియుక్తనాం యోగక్షేమం వహామ్యహమ్ ||
పరిత్రాణాయ సాధూనాం వినాశాయ చ దుష్కృతామ్ |
ధర్మ సంస్థాపనార్థాయ సంభవామి యుగే యుగే ||
ఆర్తా విషణ్ణా: శిథిలాశ్చ భీతా: ఘోరేశు చ వ్యాధిషు వర్తమానా: |
సంకీర్త్య నారాయణ శబ్ద మాత్రం విముక్త దు:ఖా సుఖినో భవంతి ||
కాయేనవాచా మనసెంద్రియైర్వా బుద్ధ్యాత్మనావా ప్రకృతే: స్వభావాత్ |
కరోమి యద్యత్ సకలం పరస్మై నారాయణాయేతి సమర్పయామి ||
|| ఇతి శ్రీ మహాభారతే భీష్మయుధిష్ఠిర సంవాదే విష్ణోర్దివ్య సహస్రనామ స్తోత్రం సంపూర్ణమ్ ||
|| శ్రీ కృష్ణార్పణమస్తు ||